હાલોલ:
યાત્રાધામ પાવાગઢ ખાતે ધુમ્મસ ભર્યા વાતાવરણમાં દર્શનાર્થી ઓએ કુદરતી નજારા વચ્ચે માતાજીના દર્શન કરી અલ્હાદક વાતાવરણનો સ્વાદ માણ્યો હતો.
પંચમહાલ જિલ્લા સહિત પંથકમાં છેલ્લા બે ત્રણ દિવસથી વરસાદી માહોલ જામ્યો છે. ત્યારે સુપ્રસિદ્ધ યાત્રાધામ પાવાગઢ ખાતે આજે વહેલી સવારે ધુમ્મસભર્યા વાતાવરણને લઈને અદભુત નજારો જોવા મળ્યો હતો. વરસાદી માહોલ તેમજ ધુમ્મસભર્યા વાતાવરણને લઈને પાવર ડુંગર પર આહલાદક નજારો માણતા દર્શનાર્થીઓ નજરે પડ્યા હતા. જ્યારે દર્શનાર્થીઓએ માતાજીના દર્શનની સાથે સાથે કુદરતી નઝારાની પણ મોજ માણી હતી.
પાવાગઢ ખાતે કુદરતનો અદભુત નજારો વરસાદી માહોલમાં નયન રમ્ય બની જતા તેને નિહાળવા માટે મોટી સંખ્યામાં સહેલાણીઓ ઉમટી પડે છે. ત્યારે આજે મંગળવારના રોજ વહેલી સવારથી જ પાવાગઢ ખાતે વાતાવરણને લઈને અને વરસાદી માહોલ વચ્ચે માતાજીના ભક્તોએ દર્શનની સાથે નયનરમ્ય નઝારો માણ્યો હતો
