મોડાસા: ગાંધીના ગુજરાતમાં દારૂબંધી હોવા છતાં અહીં છાસવારે ટ્રક ભરીને વિદેશી દારૂ ઝડપાય છે . રાજ્યમાં દારૂને ઘૂસતો રોકવાની તેમજ લોકો તેનું સેવન ન કરે તેની જવાબદારી પોલીસની છે .
પરંતુ હવે પોલીસ જ જો દારૂ ઢીંચી નશામાં મદમસ્ત બની હિંમતનગર શહેરના ભર બજારમાં લથડિયા ખાતો હોવાનો વિડીયો સોશ્યલ મીડિયામાં વાયરલ થતા દારૂની અમલવારી માટે ફરિયાદ કોને કરવી ?
તે એક મોટો સવાલ બની રહયો છે..! બુધવારે હિંમતનગર બી- ડિવિઝનમાં ફરજ બજાવતો ભરત નામનો હેડ કોન્સ્ટબલ હિંમતનગર બજારમાં માંડ માંડ જમીન-પર પગ ટેકવા મથામણ કરતો વિડીઓ કેટલાક લોકોએ ઉતારી સોશ્યલ મીડિયામાં વાઈરલ કરતા સ્માર્ટ ફોન વપરાતા દરેક લોકના મોબાઈલ ફરતો થઈ જતા દારૂબંધીના દાવાઓની હવા નીકળી ગઈ હતી.
હિંમતનગર બજારમાં દારૂ પીને ચકનાચૂર બનેલ પોલીસકર્મીનો વિડીયો સોશિયલ મીડિયામાં વાયરલ થતા નવનિયુક્ત એસપી નીરજ બડગુજરે પોલીસને તપાસના આદેશ આપી દીધા હતા . જેમાં દારૂના નશામાં મદમસ્ત બનેલ પોલીસકર્મી હિંમતનગર બી – ડિવિઝનમાં ફરજ બજાવતો ભરત નામનો હેડકોન્સ્ટબલ હોવાનું સામે આવતા પોલીસકર્મી સામે ગુન્હો નોંધી સસ્પેન્ડ કરી
દીધો હતો.
