કન્ટેનરનો ડ્રાઇવર કેબિનમાં ફસાઈ જતા ઇજાઓ પહોંચી હતી
વડોદરા શહેરના ગ્રામ્ય વિસ્તાર વાઘોડિયા હાઈવે બ્રિજ પર ત્રીપલ અકસ્માત સર્જાયો જ્યાં ફાયર ની ટીમ ઘટના સ્થળે પહોંચી ગઈ હતી ઇજાગ્રસ્ત પામેલા ફાયરની ટીમ દ્વારા સારવાર અર્થે હોસ્પિટલમાં ખસેડવામાં આવ્યા છે.
પોલીસની ટીમ પણ ઘટના સ્થળે દોડી આવી હતી. આ અકસ્માતને લઈને ટ્રાફિક જામના દ્રશ્યો સર્જાયા હતા .હાઇવે વાઘોડિયા બ્રિજ પર બનેલી આ ટ્રિપલ અકસ્માત સર્જાતા એક વ્યક્તિને ગંભીર ઇજાઓ પહોંચી હતી.
ફાયર અધિકારી જણાવ્યું હતું વડોદરા ફાયર બ્રિગેડ કંટ્રોલરૂમમાં કોલ આવેલ જેમાં જણાવેલ વાઘોડિયા બ્રિજ પર એક્સિડન્ટ થયો છે જેમાં ડ્રાઇવર ફસાયા છે ઘટના સ્થળે પાણીગેટ ફાયર સ્ટેશનના કર્મચારી અને અધિકારીઓ બચાવ કામગીરીના સાધનો સાથે ઘટના સ્થળે પહોંચી ગયા હતા. સ્થળ પર આવીને જોતા એક ઇકોવાન GJ 22 M 62 75 નંબરની આવાન હતી જે કન્ટેનરમાં પાછળના ભાગેથી ઘૂસી ગયેલ હતી ઈકો પાછળ જે કન્ટેનર ઘૂસી ગયું હતું હાલ કન્ટેનરના વાહન ચાલક હાજર નથી ઇકો ના વાહન ચાલક સ્થળ પર હાજર છે કોઈ જાનહાની થઈ નથી.
બીજું જે કન્ટેનર હતું તે કન્ટેનર ના ડ્રાઇવરને ઇજાઓ પહોંચી હતી તેઓ કેબિનમાં ફસાઈ ગયા હતા. તેઓને અમારી ટીમ દ્વારા બહાર કાઢી એમ્બ્યુલન્સમાં હોસ્પિટલ ખસેડ્યા હતા. ઘટના સ્થળે કપુરાઈ પોલીસ સ્ટેશનના સ્ટાફ પણ સમયસર આવી પહોંચ્યા હતા તથા ટ્રાફિક પોલીસ પણ આવી ગઈ હોવાથી ટ્રાફિક કંટ્રોલ કરી રાબેતા મુજબ ટ્રાફિક રહે તેની કાર્યવાહી હાથ ધરાઈ હતી.
