ઉમરપાડાઃ સુરત જિલ્લાના ઉમરપાડા તાલુકાના ગામોમાં આજે સવારે ભૂકંપના આંચકા અનુભવાયા હતા. લોકો ઊંઘમાંથી જાગીને ઘરોની બહાર દોડી ગયા હતા.
પ્રાપ્ત માહિતી અનુસાર આજે સવારે સુરત જિલ્લાના ઉમરપાડા તાલુકાના પીનપુર, સતવાણ, ઉમરપાડા, સહિતના ગામોમાં ભૂકંપના હળવા આંચકા અનુભવયા હતા. સવારે 6 વાગ્યે ભૂકંપ આવ્યો હતો. જેના લીધે લોકો ગભરાયા હતા. ઊંઘમાંથી જાગીને લોકો ઘરની બહાર દોડી ગયા હતા. ભૂકંપ આવ્યો હોવાના સમાચાર વાયુ વેગે સમગ્ર તાલુકામાં પ્રસરી ગયા હતા.
ઉમરપાડા મામલતદાર કચેરીએ ભૂકંપની નોંધ લીધી હતી. કચેરીએ કહ્યું કે, 12 નવેમ્બરની સવારે 6.04 કલાકે સુરત જિલ્લાના ઉમરપાડા તાલુકાના ગામોમાં ભૂકંપના આંચકાનો અનુભવ થયો હતો. ભૂકંપથી કોઈ પણ નુકસાની કે જાનહાનિના અહેવાલ નથી.
