નવી દિલ્હી: દેશના નવા સંસદ (Sansad) ભવનના ઉદ્ધાટનમાં માત્ર 2 દિવસનો સમય બાકી છે. આ ઉદ્ધાટનમાં 40 દળોને આમંત્રણ આપવામા આવ્યું છે જેમાંથી માત્ર 17 દળો જ તેનાં સમર્થનમાં છે અને 20 વિરોધમાં છે. 3 દળોએ આ અંગે કશું કહ્યું જ નથી. 28 મેનાં રોજ નવા સંસદ ભવનના ઉદ્ધાટન માટે ધણી પાર્ટીઓ બહિષ્કાર કરી રહી છે. તેઓના મતે આ સંસદ ભવનનું ઉદ્ધાટન રાષ્ટ્રપતિ દ્રોપદી મૂર્મના હાથે જ થવું જોઈએ. આ વચ્ચે હવે માયાવતીએ પણ પીએમ મોદીના પક્ષે રહી વાત કરી છે. માયાવતીએ કહ્યું કે સંસદના ઉદ્ધાટન માટે જે બાયકોટ કરવામાં આવી રહ્યું છે ખોટું છે. ઉદ્ધાટનને આદિવાસી મહિલાના સમ્માન સાથે જોડવી ન જોઈએ.
માયાવતીએ કહ્યું છે કે કેન્દ્રમાં પહેલા કોંગ્રેસ પાર્ટીની સરકાર હોય કે હવે ભાજપની, બસપાએ હંમેશા દેશ અને જનહિતને લગતા મુદ્દાઓ પર પક્ષની રાજનીતિથી ઉપર ઉઠીને તેમનું સમર્થન કર્યું છે અને સંસદના નવા ભવનનું ઉદ્ઘાટન કર્યું છે. તેમણે આગળ લખ્યું, “રાષ્ટ્રપતિ દ્રૌપદી મુર્મુ દ્વારા નવી સંસદનું ઉદ્ઘાટન ન કરવા બદલ બહિષ્કાર અયોગ્ય છે. સરકારે તે બનાવ્યું છે તેથી તેને ઉદ્ઘાટન કરવાનો અધિકાર છે. આને આદિવાસી મહિલાઓના સન્માન સાથે જોડવું પણ અયોગ્ય છે. તેમને બિનહરીફ ચૂંટવાને બદલે તેમની સામે ઉમેદવાર ઉભા રાખતી વખતે આ વિચારવું જોઈતું હતું.
આ પછી માયાવતીએ અન્ય એક ટ્વીટમાં લખ્યું, “નવા સંસદ ભવનનાં ઉદ્ઘાટન સમારોહ માટે આમંત્રણ મળ્યું છે, જેને હું મારી શુભેચ્છા પાઠવું છું.” પરંતુ પક્ષની સતત સમીક્ષા બેઠકોને લગતી મારી પૂર્વ-નિર્ધારિત વ્યસ્તતાને લીધે, હું તે કાર્યમાં હાજરી આપી શકીશ નહીં.
આજે ફરી નવી સંસદના ઉદ્ઘાટન સમારોહને લઈને મોટો રાજકીય હંગામો થયો હતો. મોદીથી માંડીને યોગી સુધી તેઓ સંપૂર્ણ એક્શનમાં છે અને વિપક્ષ સામે હોબાળો મચાવ્યો છે. રાષ્ટ્રપતિને લઈને સરકાર પર સવાલ ઉઠાવતા વિપક્ષ પર સરકારે પુરી તાકાતથી વળતો પ્રહાર કર્યો છે અને કહ્યું છે કે ઉદ્ઘાટન પર હંગામો મચાવનાર કોંગ્રેસ શિલાન્યાસમાં કેમ ન આવી. બહિષ્કાર એક બહાનું છે, મોદી નિશાને છે.
