વડોદરા શહેરના રાજમહેલ રોડ પર વહેલી સવારે મોર્નિંગ વોક માટે નીકળેલા 65 વર્ષીય મહિલાના ગળામાંથી બાઇક સવાર બે ગઠીયા સોનાનું મંગળસૂત્ર તોડીને ફરાર થઈ ગયા હતા. વૃદ્ધાએ રાવપુરા પોલીસ સ્ટેશનમાં બાઇક સવાર ગઠીયા સામે ફરિયાદ નોંધાવી છે.
વડોદરા શહેરના અલગ અલગ વિસ્તારમાં સમયાંતરે સોનાની ચેન અને મંગળસૂત્ર તોડી ગઠીયા ફરાર થઈ જતા હોવાની ઘટના અવારનવાર બનતી હોય છે. ત્યારે ફરી એકવાર 65 વર્ષે મહિલાનું મંગળસૂત્ર તોડી બાઈક સવાર ગઠિયાઓ ફરાર થઈ ગયા હોવાનો કિસ્સો પ્રકાશમાં આવ્યો છે. જેમાં એવી વિગત છે કે શહેરના દાંડિયા બજાર વિસ્તારમાં આવેલા ઈન્દ્રપ્રસ્થ એપાર્ટમેન્ટમાં રહેતા 65 વર્ષીય પ્રતિમાબેન પુરાણીક પાડોશી મહિલાઓ સાથે મોર્નિંગ વોકમાં નીકળી પ્રદર્શન મેદાન તરફ ગયા હતા. તે દરમિયાન તેઓ મહિલાઓ સાથે વાતો કરતા કરતા વોકિંગ કરી રહ્યા હતા તે દરમિયાન બાઈક પર સવાર બે ગઠીયા તેમની પાસે આવ્યા હતા અને પાછળ બેઠેલા સખસે વૃદ્ધા ના ગળામાં હાથ નાખીને સોનાનું મંગળસૂત્ર આંચકી લીધું હતું. એકાએક ગઠીયાએ મંગળસૂત્ર તોડી લેતા વૃદ્ધા ગભરાઈ ગયા હતા દરમિયાન બાઇક સવાર બંને સખસો સ્થળ પરથી પૂર ઝડપે બાઈક દોડાવી ફરાર થઈ ગયા હતા. જોકે ઘટના સ્થળ પર સીસીટીવી કેમેરા લગાવેલા હોય મંગળસૂત્ર થોડી ભાગનાર શખસો કેમેરામાં કંડારાઈ ગયા હતા. વૃદ્ધાએ રાવપુરા પોલીસ સ્ટેશનમાં ફરિયાદ નોંધાવી છે. જેથી પોલીસે ઘટના સ્થળ પર પહોંચી સીસીટીવી કેમેરાના આધારે આગળની કાર્યવાહી હાથ ધરી છે.
