આકાંક્ષા રંજન કપૂરની ઓળખ મોડેલ યા એક્ટ્રેસ તરીકે છે તેના કરતાં આલિયા ભટ્ટની બેસ્ટ ફ્રેન્ડ તરીકે વધારે છે. જો કે તેને આ પૂરતી ન જ લાગતી હશે કારણકે તે અભિનય ક્ષેત્રે કાંઈક કરવા માંગે છે. આ કારણે જ તેણે સુભાષ ધઈની ‘વ્હિસલીંગ વુડસ’ નામની સંસ્થામાં એકટિંગનો ડિપ્લોમાં કરેલો. જો કે અભિનય ક્ષેત્રે પ્રવેશે તે પહેલાં મોડેલ તરીકે વધુ પ્રવૃત થઈ ગઈ અને મનીષ મલ્હોત્રા, વિક્રમ ફડનીસ, નીતા લુલ્લા જેવા ફેશન ડિઝાઈનર્સ માટે રેમ્પ પર પણ ચાલી. મ્યુઝિક વિડીયોવાળા આજકાલ નવી નવી બ્યુટી શોધ્યા કરતા હોય છે. ત્યાં અભિનયનું કામ ઓછું અને સારા દેખાવાનું કામ વધુ હોય છે. એટલે અપાર શક્તિ ખુરાના સાથે તેનો ‘તેરે દો નૈના’ મ્યુઝિક વિડીયો આવ્યો. પછી ટીવી માટે ‘ડિકોડેડ’ નામની ફેશન શ્રેણી કરી. મતલબ કે આકાંક્ષાની આકાંક્ષા ધીરે ધીરે ફળી રહી છે.
આકાંક્ષાના પિતા શશી રંજન પણ એકટર છે અને ગ્રેટ (GR8) મેગેઝીનના પ્રકાશક છે. જ્યારે તેની મમ્મી અનુરંજન ઈન્ડિયન ટેલિવિઝન એકેડમીની સ્થાપક છે. આકાંક્ષાની મોટી બહેન અનુષ્કા રંજન પણ એકટ્રેસ છે. આકાંક્ષાનું નામ કે.એલ.રાહુલ સાથે ભલે સંકળાતું પણ તે પહેલાં કોલકાતા, ચીનમાં લોકપ્રિય રેસ્ટોરાં ધરાવતા અવિક ચેટરજી સાથે પણ તેનું નામ દેવાતું હતું. મૂળ એટલું કહી શકાય કે સોશ્યલ મિડીયા પર ચર્ચા થઈ શકે એટલી તો તે ચર્ચાસ્પદ છે જ પણ હવે આદિત્ય સિઆલ જેવા અભિનેતાને પરણી ચુકેલી આકાંક્ષા નેટફલિક્સ પરની ‘ગિલ્ટી’નામની મુવી માટે ચર્ચામાં રહી છે. આ મુવીમાં તેણે તનુકુમારનું મુખ્ય પાત્ર ભજવ્યું છે. તેની સાથે કિઆરા અડવાણી, દલિપ તાહિલ, ફહાદ અલી વગેરે છે. આ ઉપરાંત નેટફલિક્સની જ વેબસિરીઝ ‘રે’માં પણ તે આવી ચુકી છે. આ સિવાય ‘મોનિકા, ઓ માય ડાર્લિગ’માં પણ તે આવી ચુકી છે. આકાંક્ષા અત્યારે બે-એક ફિલ્મ માટે અને વેબસિરીઝ માટે તૈયાર છે. • •
