ઘણી વખત સોશ્યલ મિડિયા પર GM કે HBD જેવા ટૂંકાક્ષરી મેસેજ જોઈને મન વિચારતું થઈ જાય છે.. જ્યારે તમે તમારા સ્નેહી, સ્વજન કે ચિર- પરિચિતને ‘સુપ્રભાત’, ‘જન્મદિવસ મુબારક’, ‘Good Morning’, ‘Happy Birthday’ જેવી શુભેચ્છા પાઠવવાનું વિચારો છો, અલબત્ત, એવો વિચાર તમારા મનમાં જન્મે છે, એ વાત તો સારી જ છે, પણ એનો અમલ કરવામાં જે ટૂંકો માર્ગ પસંદ કરવામાં આવે છે.
એ જોતાં મારા મનમાં એક પ્રશ્ન જરુર ઉદભવે છે કે, આવો shortcut- ટૂંકો માર્ગ અપનાવનાર વ્યકિત કોઈ કલેક્ટર, મુખ્યમંત્રી કે વડાપ્રધાનની કક્ષાએ કાર્યરત્ હશે કે પછી બીજી કોઈ રીતે એટલી બધી વ્યસ્ત હશે કે પોતાના સ્નેહી, સ્વજન કે ચિર- પરિચિતને શુભેચ્છા પાઠવવા માટે વધુમાં વધુ માત્ર 10 સેકન્ડ્સ પણ ન ફાળવી શકે…?!!
‘HBD’ લખી દીધાં પછી બચાવેલી પાંચ કે સાત સેકન્ડ્સમાં કયો એવો મહાન પ્રોજેક્ટ પાર પાડી દેવાનું એમનું આયોજન હશે ? કે પછી દેખાદેખી એક ફેશન થઈ પડી છે GM, HBD, GN લખવાની…?!! જો એ ફેશનના નામે પણ પ્રચલિત હોય તો પણ, આપણે એમાં અપવાદરૂપ કેમ ન બની શકીએ…?!! ખાસ કરીને, ભાષા સાથે જોડાયેલા અને ભાષા પર પ્રભુત્વ ધરાવતાં લોકો આવું આંધળુ અનુકરણ કરવાથી દૂર ન રહી શકે ?!!
સુરત- ચારુલતા અનાજવાળા – આ લેખમાં પ્રગટ થયેલાં વિચારો લેખકનાં પોતાના છે.
