નવી દિલ્હી (New Delhi): કર્ણાટકના ધારવાડ નજીક પૂણે-બેંગ્લોર નેશનલ હાઇ-વે (Pune-Bengaluru National Highway) પર શુક્રવારે સવારે એક મોટો માર્ગ અકસ્માત સર્જાયો હતો. ધારવાડ નેશનલ હાઇવે પર એક મિની બસ અને ટ્રક અથડાતા મોટો અકસ્માત સર્જાયો હતો. આ અકસ્માતમાં 11 લોકોનાં ઘટના સ્થળે જ મોત નીપજ્યાં હતાં. જ્યારે કેટલાક અન્ય મુસાફરો ઘાયલ થયા હતા. ઘાયલોને ધરવાડની સરકારી હોસ્પિટલમાં લઈ જવામાં આવ્યા છે. આજે સવારે પુણે-બેંગ્લોર રાષ્ટ્રીય ધોરીમાર્ગ પર આ ઘટના બની છે.
દાવણગિરીથી કેટલાક પ્રવાસીઓ મિની બસમાં ગોવા જઇ રહ્યા હતા. ધારવાડ હાઇવે પર સવારે એક મિનિબસ અને ટ્રક વચ્ચે ટકરાઈ હતી. આ અકસ્માત એટલો ભયાનક હતો કે મિનિબસ ઉડી ગઈ હતી. આ અકસ્માતમાં 11 લોકોનાં ઘટના સ્થળે જ મોત નીપજ્યાં હતાં. દુ:ખદ વાત એ છે કે આ અકસ્માતમાં તમામ મહિલાઓ હતી. કોઇ એક ક્લબની મહિલાઓ એકસાથે ગોવા જઇ રહી હતી.
ઘટનાની જાણ થતાં જ હાઇવે પોલીસ ઘટના સ્થળે પહોંચી ગઈ હતી. ઘાયલ મુસાફરોને ધારવાડની એક હોસ્પિટલમાં લઈ જવામાં આવ્યા છે. પોલીસે જણાવ્યું કે ઘાયલ થયેલા કેટલાક લોકોની હાલત ગંભીર છે અને તેમની સારવાર કરવામાં આવી રહી છે. અકસ્માત બાદ બાયપાસ હાઇવે પર ટ્રાફિકજામ સર્જાયો હતો. હાઇવે પરથી કાટમાળ હટાવવાની કામગીરી ચાલુ છે.
હુબલી-ધારવાડ બાયપાસનો 32 કિલોમીટરનો પટ પુણે અને બેંગલુરુ વચ્ચેના રાષ્ટ્રીય ધોરીમાર્ગ પર એક જ લેન છે. મુંબઈ અને ચેન્નાઈ ઔદ્યોગિક કોરિડોર વચ્ચેનો આ એકમાત્ર લેનનો (Single Lane) જથ્થો છે અને અકસ્માતોનો સાક્ષી રહ્યો છે. એક સ્થાનિક રહેવાસીએ જણાવ્યું હતું કે, આ માર્ગને પહોળો કરવાની લાંબા સમયથી માંગ છે, પરંતુ હજી સુધી તે બન્યું નથી.
