9 સુરત કોંગ્રેસના નેતાઓએ કોર્પોરેશન ચૂંટણી માટે ટોકન લેવા માંડ્યા ?

સુરત કોંગ્રેસના નેતાઓ વચ્ચે એક ઓડિયો કલીપ હાલ ભારે ચર્ચાનો વિષય બની ગઈ છે, આ કલીપ માં એક કોંગ્રેસના કોર્પોરેશન માટેના ઉમેદવાર બીજા એક કોંગ્રેસના નેતા જોડે ચર્ચા કરી રહ્યા છે, અને વાત વાતમાં એ ભાઈને પેલા જૂના કોંગ્રેસી નેતા પૂછે છે કે ભાઈ તું કેમ કોર્પોરેશનની ચૂંટણી માટે તૈયારી કરવા લાગ્યો ?

તો સામે કોર્પોરેશનનો ઉમેદવાર દક્ષિણ ગુજરાતના એક સિનિયર કોંગ્રેસી આગેવાનનું નામ લઇને કહે છે કે મારી ટિકિટ પાકી છે મેં એ સિનિયર કોંગ્રેસી આગેવાન સાથે વાત કરી લીધી છે, અને પાંચ લાખમાં સોદો નક્કી થયો છે, જેમાં ટોકન સ્વરૂપે અઢી લાખ રૂપિયા તો આપી જ દીધા છે, હવે આ ફરી રહેલી કલીપ કેટલી સાચી કેટલી ખોટી એ તો ખબર નથી પણ સુરત કોંગ્રેસના નેતાઓ એક બીજાને આ કલીપ ફોરવર્ડ કરીને ખુબ મજા લઇ રહ્યા છે.

એક સામાન્ય વ્યક્તિ તરીકે તમે વિચારો કે જો આ કલીપ સાચી હોય તો કોંગ્રેસના નેતાઓની સ્થિતિ કેવી થઇ ગઈ છે એનો ખ્યાલ આવે છે, સાથે સાથે સુરત માં જ નહિ દક્ષિણ ગુજરાતમાં કોંગ્રેસ કેમ નથી જીતતી એનો જવાબ પણ મળે છે, અરે વાત આ કોંગ્રેસી નેતા પર પુરી નથી નથી ચર્ચા તો એવી છે દક્ષિણ ગુજરાતના બીજા એક મોટા નેતાએ પક્ષની ઈ-કોન્ફ્રન્સમાં જાહેર માં સ્વીકાર્યું કે આ વખતે સુરત માં કોર્પોરેશનની ચૂંટણીમાં 40થી વધારે બેઠકો પર ઉમેદવાર પણ નથી મળવાના, લો બોલો હવે જે પક્ષની આવી સ્થિતિ હોય કે ઉમેદવાર માટે ટોકન લેવાતું હોય બીજી બાજુ એનો નેતા પોતે જ સ્વીકારતો હોય કે 40 થી વધારે બેઠકો પર ઉમેદવાર નહિ મળે તો પછી એ પક્ષ ને પ્રજા મત કઈ રીતે આપી દે ?

Related Posts