પટણા (Patna): મંગળવારે બિહારના CM નીતીશ કુમાર (Bihar CM Nitish Kumar) સરકારના મંત્રીમંડળનો વિસ્તાર થયો હતો. ગયા વર્ષે યોજાયેલી ચૂંટણીઓ પછી લાંબા સમયથી રાહ જોવાઈ રહેલ કેબિનેટ વિસ્તરણ (cabinet Extension) છેક આજે થયુ હતું. જે હવે સમાપ્ત થઈ ગયું છે. આજે ભારતીય જનતા પાર્ટીના શાહનવાઝ હુસેન, જેડીયુના સંજય ઝા સહિત 17 નેતાઓએ નીતિશ કુમારના મંત્રીમંડળના મંત્રી પદના શપથ લીધા હતા.
કેન્દ્રની અટલ બિહારી વાજપેયી સરકારમાં મંત્રી રહી ચૂકેલા શાહનવાઝ હુસેનને આ વખતે ભારતીય જનતા પાર્ટી દ્વારા રાજ્યના રાજકારણમાં ફરીથી મોકલવામાં આવ્યા છે. શાહનવાઝ હુસેન ભાજપના રાષ્ટ્રીય પ્રવક્તા છે, જેનો મુખ્ય મુસ્લિમ ચહેરો છે. તેમણે જમ્મુ કાશ્મીરમાં તાજેતરમાં યોજાયેલી ચૂંટણીઓમાં પાર્ટી માટે ભારે પ્રચાર કર્યો હતો. નીતીશ મંત્રીમંડળમાં જોડાનારા લોકોમાં નીરજ સિંહ પણ છે, જે સ્વર્ગસ્થ અભિનેતા સુશાંત સિંહ રાજપૂતના (Late Sushant Singh Rajput) પિતરાઇ ભાઇ છે. સુશાંત સિંહના મૃત્યુ પછી નીરજ સિંહ સતત ચર્ચામાં રહ્યા હતા આ સિવાય બસપાને છોડીને જેડીયુમાં (JDU) જોડાયેલા જામા ખાનને પણ મંત્રી બનાવવામાં આવ્યા છે. નીતીશને મળ્યા બાદ જામા ખાને જેડીયુનો હવાલો સંભાળી લીધો હતો.
મંગળવારે શપથ લીધેલા મંત્રીઓની યાદી
- શાહનવાઝ હુસેન – ભાજપ
- શ્રવણ કુમાર – જેડીયુ
- મદન સાહની – જેડીયુ
- પ્રમોદ કુમાર – ભાજપ
- સંજય ઝા – જેડીયુ
- લેસી સિંઘ – જેડીયુ
- સમ્રાટ ચૌધરી – ભાજપ
- નીરજ સિંહ – ભાજપ
- સુભાષસિંહ – ભાજપ
- નીતિન નવીન – ભાજપ
- સુમિતકુમાર સિંઘ – અપક્ષ
- સુનિલ કુમાર – જેડીયુ
- નારાયણ પ્રસાદ – ભાજપ
- જયંત રાજ – જેડીયુ
- આલોક રંજન ઝા – ભાજપ
- જામા ખાન – જેડીયુ
- જનક રામ – ભાજપ
નોંધપાત્ર વાત એ છે કે નીતિશ કુમારે ડિસેમ્બર મહિનામાં મુખ્યમંત્રી પદના શપથ લીધા હતા, પરંતુ આ વખતે ગઠબંધનમાં ભારતીય જનતા પાર્ટી મોટો પક્ષ છે. આ જ કારણ છે કે નવા 17 મંત્રીઓમાંથી જેમણે શપથ લીધા છે, તેમાંથી 9 ભાજપના ખાતામાં અને 8 જેડીયુના હતા. બિહાર સરકારમાં હજુ 22 મંત્રીઓની જગ્યાઓ ખાલી હતી, જ્યારે હાલમાં મુખ્યમંત્રી સહિત માત્ર 14 પ્રધાનો હતા. આમાં બે નાયબ મુખ્ય પ્રધાનોનો સમાવેશ થાય છે, જેઓ ભાજપના ક્વોટાથી સંબંધિત છે. મંગળવારના શપથ ગ્રહણ બાદ નીતિશના મંત્રીમંડળમાં કુલ 31 પ્રધાનો છે.
