મુંબઈ: અદાણી ગ્રુપની (Adani Group) અંબુજા સિમેન્ટ્સે (Ambuja Cement) ગયા મહિને મોટી જાહેરાત કરી છે. કંપનીએ તેની EGMમાં અદાણી ગ્રુપની ફર્મ પાસેથી રૂ. 20,000 કરોડ એકત્ર કરવાની મંજૂરી આપી છે. આ સાથે અદાણી ગ્રુપના ચેરમેન ગૌતમ અદાણી સહિત અન્ય ચાર લોકોની નિમણૂકના પ્રસ્તાવને પણ કંપનીના બોર્ડમાં (Company Board) મંજૂરી આપવામાં આવી છે. કંપનીએ કહ્યું કે EGMમાં મૂકવામાં આવેલા તમામ પ્રસ્તાવોને શેરધારકોની મંજૂરી મળી ગઈ છે.
મળતી માહિતી મુજબ ગૌતમ અદાણીનો પુત્ર કરણ અદાણી પણ બોર્ડમાં જોડાશે. કંપનીના શેરધારકોએ તેઓને મંજૂરી આપી છે. 91.37 ટકા શેરધારકોએ આ દરખાસ્તના સમર્થનમાં મતદાન કર્યું હતું. આ ઉપરાંત, EGM એ અદાણી ગ્રૂપના ચેરમેન ગૌતમ અદાણી, તેમના પુત્ર કરણ અદાણી અને અંબુજા સિમેન્ટ્સના બોર્ડમાં બે ડિરેક્ટરોની નિમણૂકને મંજૂરી આપી હતી. આ સાથે, શેરધારકોએ અંબુજા સિમેન્ટ્સના બોર્ડ ઓફ ડિરેક્ટર્સમાં ચાર સ્વતંત્ર ડિરેક્ટરની નિમણૂક કરવાના પ્રસ્તાવને પણ મંજૂરી આપી હતી.
અંબુજા સિમેન્ટ્સની EGMમાં ગૌતમ અદાણી હાજર રહ્યા ન હતા. તેમના સ્થાને તેમના પુત્ર કરણ અદાણીએ બેઠકની અધ્યક્ષતા કરી હતી. મળતી માહિતી મુજબ સંસ્થાકીય રોકાણકાર સલાહકાર કંપની (આઈઆઈએએ) એ શેરધારકોને રૂ. 20,000 કરોડ એકત્ર કરવાના પ્રસ્તાવ સામે મત આપવા સલાહ આપી હતી. પરંતુ ઇજીએમમાં કુલ 12 દરખાસ્તો મંજૂર કરવામાં આવી હતી. અદાણી ગ્રૂપે ગયા મહિને અંબુજા સિમેન્ટ્સ અને ACC સિમેન્ટ્સનું સંપાદન પૂર્ણ કરવાની જાહેરાત કરી હતી.
આ વર્ષે મે મહિનામાં અદાણી ગ્રૂપે સ્વિસ ફર્મ હોલ્સિમના ઈન્ડિયા બિઝનેસને $10.5 બિલિયન (રૂ. 81,361 કરોડ)માં ખરીદવાની રેસ જીતી હતી. હોલસીમ અંબુજા સિમેન્ટ્સમાં 63.19 ટકા અને ACCમાં 4.48 ટકા હિસ્સો ધરાવે છે. આ સોદો પૂરો થયા પછી, અદાણી પાસે અંબુજા સિમેન્ટ્સમાં 63.15 ટકા અને ACCમાં 56.69 ટકા હિસ્સો છે (અંબુજા સિમેન્ટ્સ દ્વારા 50.05 ટકા હિસ્સો).
સૂત્રો પાસેથી મળતી માહિતી મુજબ અંબુજા સિમેન્ટ અને ACC લિમિટેડની સંયુક્ત ક્ષમતા વાર્ષિક 66 મિલિયન ટન છે. અંબુજા સિમેન્ટની ક્ષમતા અદાણી ગ્રૂપે આ બે સિમેન્ટ કંપનીઓને ખરીદ્યા બાદ તે ભારત જેવા મહત્ત્વના માર્કેટમાં એક જ ક્ષણમાં નંબર-2 સિમેન્ટ કંપની બની ગઈ છે. અંબુજા સિમેન્ટના દેશમાં 6 સિમેન્ટ પ્લાન્ટ છે. જ્યારે 8 સિમેન્ટ ગ્રાઇન્ડીંગ યુનિટ છે. એકલી અંબુજા સિમેન્ટની વાર્ષિક ઉત્પાદન ક્ષમતા 31 મિલિયન ટન છે.
