પ્રતિનિધિ, બોડેલી:
બોડેલી તાલુકાના ડોરમાર ગામના એક ગૌરવપૂર્ણ પળે આજે સમગ્ર વિસ્તારમાં દેશભક્તિનો માહોલ જોવા મળ્યો હતો. દેશની સેવામાં વર્ષો સુધી પોતાની ફરજ બજાવી રહેલા આર્મીના જવાન નિવૃત્ત થતાં તેઓ પોતાના વતન પરત ફર્યા હતા, જ્યાં બોડેલી-અલીપુરા ચાર રસ્તા ખાતે તેમનું ભવ્ય સ્વાગત કરવામાં આવ્યું હતું.
નિવૃત્ત જવાનના આગમન સમયે સ્થાનિક લોકો, મિત્રો, પરિવારજનો અને ગામલોકો મોટી સંખ્યામાં ઉપસ્થિત રહ્યા હતા. તાળીઓના ગડગડાટ અને “ભારત માતા કી જય” તથા “વંદે માતરમ” જેવા નાદ વચ્ચે જવાનનું ઉષ્માભર્યું સ્વાગત કરવામાં આવ્યું હતું. ફૂલહાર પહેરાવીને અને તિલક કરીને તેમનું સન્માન કરવામાં આવ્યું હતું.
આ પ્રસંગે સ્થાનિક આગેવાનો અને ગ્રામજનોએ જણાવ્યું હતું કે, જવાને દેશની સેવા કરીને ગામ અને તાલુકાનું નામ ગૌરવવંતું બનાવ્યું છે. તેમની નિષ્ઠા, સમર્પણ અને બહાદુરી યુવાનો માટે પ્રેરણારૂપ છે.
જવાને પણ પોતાના સંબોધનમાં દેશસેવાના અનુભવ શેર કર્યા હતા અને કહ્યું હતું કે દેશ માટે સેવા કરવાનો મોકો મળવો એ ગૌરવની વાત છે. તેમણે યુવાનોને પણ દેશસેવામાં જોડાવા માટે પ્રોત્સાહિત કર્યા હતા.
આ સમગ્ર કાર્યક્રમ દરમિયાન આનંદ અને ગર્વનો માહોલ છવાયેલો રહ્યો હતો. બોડેલી તાલુકાના લોકો માટે આ એક યાદગાર ક્ષણ બની રહી હતી, જ્યાં એક વીર જવાનને તેમના સમર્પણ બદલ હાર્દિક સન્માન આપવામાં આવ્યું હતું.
રિપોર્ટર: ઝહીર સૈયદ , બોડેલી
