સુરત આજે વિશ્વના સૌથી ઝડપથી વિકસતા શહેરોમાંનું એક છે. હીરા અને ટેક્સટાઈલ ઉદ્યોગને કારણે આ શહેર આર્થિક રીતે સમૃદ્ધ છે, પરંતુ આ ઝડપી વિકાસ તેની સાથે કેટલીક ગંભીર સમસ્યાઓ પણ લાવ્યો છે જે સુરતીઓના રોજીંદા જીવનને પ્રભાવિત કરે છે. ટ્રાફિક અને પાર્કિંગની સમસ્યા: સુરતની સૌથી મોટી માથાના દુખાવા સમાન સમસ્યા ટ્રાફિક છે. મેટ્રો રેલનું કામ ઝડપથી ચાલી રહ્યું છે તે પ્રશંસનીય છે, પરંતુ હાલમાં સીટી બસ અને બીઆરટીએસ કનેક્ટિવિટી એક મહત્વનો મુદ્દો છે. ગંદકી અને પ્રદૂષણ: ‘સ્વચ્છ સર્વેક્ષણ’ માં ઉચ્ચ ક્રમાંક મેળવવા છતાં, ખાડીઓની સફાઈ અને ઔદ્યોગિક એકમો દ્વારા છોડવામાં આવતા પ્રદૂષિત પાણીની સમસ્યા હજુ પણ યથાવત છે.
પાંડેસરા અને સચિન જેવા વિસ્તારોમાં વાયુ પ્રદૂષણ ચિંતાનો વિષય છે. રખડતા ઢોરનો ત્રાસ: જાહેર રસ્તાઓ પર રખડતા ઢોરને કારણે અકસ્માતોનું પ્રમાણ વધી રહ્યું છે, જે નિર્દોષ નાગરિકો માટે જીવલેણ સાબિત થાય છે. સુરત મ્યુનિસિપલ કોર્પોરેશન (SMC) આ દિશામાં કામ કરી રહી છે, પરંતુ માત્ર તંત્રના ભરોસે રહેવાને બદલે નાગરિકોએ પણ ટ્રાફિકના નિયમોનું પાલન અને સ્વચ્છતા જાળવવામાં સાથ આપવો પડશે. જો આ પાયાની સમસ્યાઓ ઉકેલાય, તો જ સુરત ખરા અર્થમાં ‘સ્માર્ટ સિટી’ બની શકશે.
સુરત – પરમાર રાહુલ – આ લેખમાં પ્રગટ થયેલાં વિચારો લેખકનાં પોતાના છે.
