સુરતથી ભાવનગર મુસાફરો ભરેલી બસ જઈ રહી હતી :
ડમ્પર નો ઓવરટેક કરી ઇકો કારના ચાલકે લક્ઝરી બસ ઉપર ગાડી નાખતા અકસ્માત બન્યો :
( પ્રતિનિધિ ) વડોદરા,તા.18
ડંપરનો ઓવરટેક કરી રહેલી ઈકો ગાડીના ચાલકે સામે આવતી ખાનગી લક્ઝરી બસ પર ગાડી નાખતા બસ ફૂટપાટ પર ચડી જઈ પલટી ખાઈ ગઈ હતી. અકસ્માતમાં 9 જેટલા મુસાફરોને નાની મોટી ઈજાઓ પહોંચી હતી. બનાવને પગલે હાઈવે પોલીસ ઘટના સ્થળે આવી પહોંચી હતી અને આગળની કાર્યવાહી હાથ ધરી હતી.
વડોદરા શહેર નજીક જાંબુઆ બ્રિજ પર ખાનગી ટ્રાવેલ્સની લક્ઝરી બસને અકસ્માત નડ્યો હતો. સુરત થી મુસાફરો ભરી ભાવનગર તરફ જઈ રહેલ લક્ઝરી બસ જાંબુઆ બ્રિજ ઉપરથી પસાર થઈ રહી હતી. આ દરમિયાન આશરે 9 થી 9:30 કલાકે સાંઈ સીતારામ હોટેલ પાસે એક ઇકો કાર લના ચાલકે ડમ્પર નો ઓવરટેક કરી લક્ઝરી બસની સામે નાખતા લક્ઝરી બસ ફૂટપાથ પર ચડી ગઈ હતી અને પલટી ખાઈ ગઈ હતી. જેના કારણે અંદર બેઠેલા મુસાફરોમાં પણ ફાફડાટનો માહોલ ફેલાયો હતો. મુસાફરોને નાની મોટી ઇજાઓ થઈ હતી. બનાવને પગલે ઘટના સ્થળે હાઇવે ટ્રાફિક પોલીસ અને સ્થાનિક પોલીસ આવી પહોંચી હતી અને ક્રેનની મદદ વડે બસને સીધી કરવા સાથે આગળની કાર્યવાહી હાથ ધરી હતી જ્યારે રસ્તો અને સારવાર માટે હોસ્પિટલ ખસેડાયા હોવાનું જાણવા મળ્યું હતું.
