ગોધરા: ગોધરા શહેરના ચિખોદરા પાસે આવેલી એ કે ટ્રેડર્સ નામની સ્ટીલની સ્ક્રેપ રિસાયકલ કંપનીમાં ભીષણ આગની ઘટના બની હતી. સ્ટીલ કંપનીમાં મૂકવામાં આવેલા સ્ક્રેપના જથ્થામાં આગ લાગ્યા બાદ આગ વધુ પ્રસરી હતી, ઘટનાની જાણ થતાં ગોધરા નગરપાલીકાના 5 જેટલા ફાયરટેન્ડર ઘટનાસ્થળે પહોંચ્યા હતા, ફાયર વિભાગની ટીમ દ્વારા ત્રણથી ચાર કલાક સતત પાણીનો મારો ચલાવીને આગ પર કાબૂ મેળવવામાં આવ્યો હતો, બીજી તરફ આગ લાવવાની ઘટનાને પગલે માર્ગ પરનો એક તરફનો વાહન વ્યવહાર બંધ કરવામાં આવ્યો હતો, સ્ટીલ કંપની નજીક આવેલી ટ્રાન્સફોર્મરમાં શોર્ટસર્કિટનાં કારણે આગ લાગી હોવાનું પ્રાથમિક તારણ બહાર આવ્યું છે, આગની ઘટનાને પગલે ગોધરા પ્રાંત અધિકારી પ્રવીણસિંહ જૈતાવત અને ગોધરા મામલતદાર તેમજ પોલીસની ટીમ ઘટનાસ્થળે પહોંચીને સમીક્ષા કરી હતી, બીજી તરફ સમગ્ર આગની ઘટનામાં કોઈ જાનહાનિ થઈ ન હતી, જેને લઇને તંત્ર દ્વારા રાહતનો શ્વાસ લેવામાં આવ્યો હતો, ઘટનાને પગલે કાલોલ ફાયર વિભાગની ટીમને પણ સ્ટેન્ડ બાય રાખવામાં આવી હતી.
