જ્યારથી પ્રેમ લગ્ન કર્યા હતા ત્યારથી યુવતીના પિતા યુવક-તેમના ભાઇના મારવાની ફિરાકમાં માં હતા, આઠમની રાત્રીએ વેર વાળ્યુ
પ્રતિનિધિ વડોદરા તા.17
બાજવા ગામે રહેતા યુવકે યુવતી સાથે પ્રેમ લગ્ન કર્યા હતા. તેની અદાવત રાખીને આઠમની રાત્રીએ યુવતીને પિતાએ યુવકના ભાઇના પેટમાં ચાકુ હુલાવી દીધી હતું ત્યારબાદ બીજો ઘા મારવા જતા તેઓ ચાકુ પકડી લીધુ હતું. તેઓ લોહીલુહાણ થઇ જતા સારવાર માટે તેમને સયાજી હોસ્પિટલમાં ખસેડાયા હતા.
વડોદરા જિલ્લાના બાજવા ગામે શંકર સોસાયટી પ્રાથમિક શાળા પાસે રહેતા મનોજ રમેશભાઇ વસાવાના ઘરે 16 એપ્રિલના રોજ માતાજીનો હવન રાખ્યો હતો. જેથી સાંજે તેમનો નાનોભાઈ મનીષ તથા તેની પત્ની હિરલ આવ્યા હતા. હવન પૂર્ણ થયા બાદ સાંજના સમયે મનિષ અને તેની પત્ની હિરલ પરત તેમના ઘરે જઇ રહ્યા હતા. ત્યાબાદ રાતના આશરે સવા નવ વાગ્યાના અરસામાં તેમની સોસાયટીમાં રહેતા અને તેમના ભાઇની પત્નીના પિતા રવિ રમણ પરમાર ઘરે દરવાજો ખોલી મકાનમાં ધસી આવ્યો હતો અને ચપ્પુ મનોજ વસાવાના પેટમાં હુલાવી દીધુ હતું અને ફરીથી હુમલો કરવા જતા તેઓએ ચપ્પુ પકડી લીધુ હતું. દરમિયાન તેમના પત્ની માતા સહિતના લોકો દોડી આવતા રવિ ભાગી ગયો હતો. તેઓ લોહીહુલાણ હાલતમાં થઇ જતા તેમને 108 એમ્બ્યુલન્સમાં તાત્કાલિક સારવાર માટે એસ.એસ.જી હોસ્પિટલ ખાતે ખસેડવામાં આવ્યા હતા.અત્રે ઉલ્લખનીય છે કે તેમની સોસાયટીમાં રહેતા રવિ રમણ પરમારની દીકરી હિરલ સાથે તેમના નાનાભાઇ મનિષ વસાવાએ પ્રેમ લગ્ન વર્ષ 2021માં હતા અને ત્યારથી હિરલના પિતા રવિ પરમાર તથા તેના પરિવાર સાથે તેમને બોલચાલ નથી અને તેઓ તેમને તથા પ્રેમ લગ્ન કરનાર નાન ભાઈને મારવાની ફિરાકમાં ફરતા હતા. જેથી તેઓએ જવાહરનગર પોલીસ સ્ટેશનમાં ફરિયાદ નોંધાવી છે.
