વલસાડ: (Valsad) વલસાડના પાવર હાઉસ બેચર રોડ દશેરા ટેકરી ઉપર સાયકલ (Cycle) અથડાઈ જવા બાબતે ભાણેજે મામાને માર મારતા મામાને સારવાર અર્થ હોસ્પિટલમાં (Hospitle) ખસેડાયા હતા. પણ સારવાર દરમિયાન મોત (Death) નિપજ્યું હતું પોલીસે (Police) આગળની તપાસ હાથ ધરી છે.
- મામો ‘કંસ’ નહીં પણ ભાણીયો ‘કંસ’ નીકળ્યો : ભાણેજે માર મારતા મામાનું મોત
- વલસાડમાં સાયકલ અથડાવા જેવી સામાન્ય બાબતે ભાણેજે મામાને માર મારતા મામાનું હોસ્પિટલમાં મોત નિપજ્યું
પોલીસ સૂત્રો પાસેથી મળતી માહિતી મુજબ વલસાડના દશેરા ટેકરી વિજય માતા મંદિરના પાછળ જય અંબે સોસાયટીમાં રહેતા રતિલાલભાઈ પ્રેમાભાઈ ભંડારી (ઉંમર વર્ષ 77) રતિલાલભાઈની વલસાડના પાવર હાઉસ બેચર રોડ ઉપર દર્શન રેસીડેન્સીના નીચે એ વન ટાયર સર્વિસ નામની પંચરની દુકાન ચલાવે છે. ગતરોજ સાંજે રતિલાલભાઈ પોતાની સાયકલ લઈને દુકાન ઉપર આવ્યા હતા અને સાંજે દુકાનથી ઘરે પરત જતા હતા ત્યારે વલસાડ અમૂલ ડેરી દુકાનની સામે બેચર રોડ પાવર હાઉસ પાસેથી પસાર થતા હતા ત્યારે કુટુંબી ભાણેજ રાકેશભાઈ નારણભાઈ ભંડારીની સાથે સાયકલ અથડાઈ જતા રાકેશભાઈ એકદમ ઉશ્કેરાઈ ગયો હતો અને રતિલાલભાઈને એક થાપટ મારી હતી.
ત્યારબાદ ફરી એકદમ ઉશ્કેરાઈ જઈને રતિલાલભાઈને ફરી મારવા જતા એમનો હાથનું કડુ રતિલાલભાઈને માથાના ભાગે લાગી જતાં લોહી લુહાણ થઈ ગયા હતા. જેથી રતિલાલભાઈને સારવાર અર્થે વલસાડની ઓચિડ હોસ્પિટલમાં લઈ ગયા હતા. પણ ફરજ પર ડોક્ટરે રતિલાલ ભાઈને મૃત જાહેર કરતા પરિવારજનો પર આભ તુટી પડ્યુ હતું. પોલીસે ગુનો નોંધી આગળની તપાસ હાથ ધરી છે.
ગ્રીડ ચાર રસ્તા પાસેથી 2.40 લાખના વિદેશી દારૂ ભરેલી કાર સાથે 2 ઝડપાયા
નવસારી : ગાંધીનગર સ્ટેટ મોનિટરીંગ સેલ પોલીસે નેશનલ હાઇવે નં. 48 ઉપર ગ્રીડ ચાર રસ્તા પાસેથી 2.40 લાખના વિદેશી દારૂ ભરેલી કાર સાથે 2ને ઝડપી પાડ્યા હતા. જ્યારે પોલીસે દારૂ ભરાવનાર 2 અને દારૂ મંગાવનાર 4 સહીત 6ને વોન્ટેડ જાહેર કરી આગળની તજવીજ હાથ ધરી છે.
મળતી માહિતી મુજબ, ગાંધીનગર સ્ટેટ મોનિટરીંગ સેલ પોલીસે બાતમીના આધારે નેશનલ હાઇવે નં. 48 ઉપર ગ્રીડ ચાર રસ્તા પાસે એક ક્રેટા કાર (નં. જીજે-15-સીજી-3609) ને રોકી તપાસ કરી હતી. જેમાંથી પોલીસને 2,40,120 રૂપિયાની વિદેશી દારૂની 900 બાટલીઓ મળી આવતા બારડોલી તાલુકાના નિઝર ગામે માહ્યાવંશી મહોલ્લામાં રહેતા આયુષ ઉર્ફે જીલુ પ્રવિણભાઈ માહ્યાવંશી અને વલસાડના ઉમરગામ તાલુકામાં સરીગામ સરી ગામ ત્રણ રસ્તા પાસે નુતુરનગર ફળીયામાં ગંગાજમના સરસ્વતી એપાર્ટમેન્ટમાં રહેતા આનંદ ચંદ્રશેખર સિંહને ઝડપી પાડ્યા હતા. પોલીસે આયુષ ઉર્ફે જીલુ અને આનંદની પૂછપરછ કરતા દમણના રીંગણવાડામાં રહેતા અંકિત પટેલ અને દમણના બામણપુજામાં રહેતા ફેનિલ પટેલે દારૂ ભરાવી આપ્યો હતો. તેમજ મહુવા તાલુકાના તરસાડી ગામે રહેતા દિનેશ સુરેશભાઈ સોની ઉર્ફે દિનેશ મારવાડી, મહુવા તાલુકાના કણઈ ગામે રહેતા અમિત જીતુભાઈ દરબાર, મહુવા તાલુકાના પથરણ ગામે રહેતા ભરત પટેલ અને સુરત કામરેજ તાલુકાના અંત્રોલીમાં રહેતા રીંકોએ દારૂ મંગાવ્યો હોવાનું કબુલતા પોલીસે દારૂ ભરાવનાર 2 અને દારૂ મંગાવનાર 4 સહીત 6ને વોન્ટેડ જાહેર કર્યા હતા. પોલીસે ઘટના સ્થળેથી વિદેશી દારૂ સહીત 5 લાખની કાર અને 20,500 રૂપિયાના 4 મોબાઈલ મળી કુલ્લે 7,60,620 રૂપિયાનો મુદ્દામાલ કબ્જે કરી આગળની તજવીજ હાથ ધરી છે.
