મની લોન્ડરિંગના કેસમાં (Money Laundering Case) તિહાર જેલમાં (Tihar Jail) બંધ દિલ્હીના મંત્રી સત્યેન્દ્ર જૈનનો (Satyendra Jain) જેલમાં માલિશ કરાવતો વીડિયો (Video) સામે આવ્યા બાદ આ મામલે નવો વળાંક આવ્યો છે. સત્યેન્દ્ર જૈનની કાનૂની ટીમે ED સામે તિરસ્કારની કાર્યવાહી કરવા માટે વિશેષ કોર્ટનો સંપર્ક કર્યો છે. વકીલોએ કોર્ટમાં (Court) એફિડેવિટ હોવા છતાં ED પર સીસીટીવી (CCTV) વીડિયો લીક કરવાનો આરોપ લગાવ્યો હતો. આ મામલે નોટિસ (Notice) જારી કરીને સ્પેશિયલ જજ વિકાસ ધુલે સુનાવણીની તારીખ 21 નવેમ્બર નક્કી કરી છે.
બીજી તરફ તિહારના પૂર્વ પીઆરઓ સુનીલ ગુપ્તાએ જણાવ્યું કે જેલના નિયમો અનુસાર સેલની અંદર મસાજની મંજૂરી નથી. જ્યાં સુધી ફિઝિયોથેરાપીનો સવાલ છે, દરેક જેલમાં ફિઝિયોથેરાપી સેન્ટર હોય છે જ્યાં ફિઝિયોથેરાપિસ્ટ અથવા પ્રશિક્ષિત નિષ્ણાત દ્વારા મસાજ આપી શકાય છે. પરંતુ જે વીડિયો સામે આવ્યો છે તેમાં સ્પષ્ટ દેખાઈ રહ્યું છે કે એક સહ કેદી મસાજ કરી રહ્યો છે. મસાજ ફિઝીયોથેરાપીથી અલગ છે. હોસ્પિટલના ફિઝિયોથેરાપી વોર્ડમાં ફિઝિયોથેરાપી આપવામાં આવે છે.
જૈનને જેલમાં સુવિધાઓ આપવા બદલ જેલના ઘણા અધિકારીઓને સસ્પેન્ડ કરવામાં આવ્યા છે
સત્યેન્દ્ર જૈન તિહારની સાત નંબરની જેલમાં બંધ છે. સત્યેન્દ્ર જૈનને સુવિધાઓ આપવા બદલ જેલ અધિક્ષક સહિત ચાર જેલ અધિકારીઓ અને કર્મચારીઓને સસ્પેન્ડ કરવામાં આવ્યા છે. બીજી તરફ 35 થી વધુ જેલ અધિકારીઓ અને કર્મચારીઓની જેલો બદલવામાં આવી છે.
ઈડીએ 30 મેના રોજ જૈનની ધરપકડ કરી હતી
તમને જણાવી દઈએ કે આમ આદમી પાર્ટી (AAP)ના નેતા અને દિલ્હી સરકારના મંત્રી સત્યેન્દ્ર જૈનની પ્રિવેન્શન ઓફ મની લોન્ડરિંગ એક્ટની કલમો હેઠળ એન્ફોર્સમેન્ટ ડિરેક્ટોરેટ દ્વારા 30 મેના રોજ ધરપકડ કરવામાં આવી હતી. અપ્રમાણસર સંપત્તિના કેસમાં સત્યેન્દ્ર જૈન વિરુદ્ધ કેસ નોંધવામાં આવ્યો છે.
જણાવી દઈએ કે દિલ્હીની તિહાર જેલમાંથી કેબિનેટ મંત્રી સત્યેન્દ્ર જૈનનો એક વીડિયો સામે આવ્યો હતો જેમાં તેઓ મસાજ કરાવતા જોવા મળી રહ્યા હતા. ભાજપના પ્રવક્તા શહજાદ પૂનાવાલાએ કહ્યું કે AAP સરકારે જેલના નિયમોનું ઉલ્લંઘન કર્યું છે અને સજાને બદલે સત્યેન્દ્ર જૈનને સંપૂર્ણ VVIP સુવિધાઓ આપવામાં આવી રહી છે. વીડિયોમાં દેખાઈ રહ્યું છે કે તિહાર જેલના સીસીટીવી ફૂટેજમાં સત્યેન્દ્ર જૈન પલંગ પર સૂતા છે અને કોઈ દસ્તાવેજ જોઈ રહ્યા છે. દરમિયાન એક વ્યક્તિ તેમના પગની માલિશ કરી રહ્યો છે.
