The Latest
-
Vadodaraવડોદરાની અંજના હોસ્પિટલનો વધુ એક વિડીયો વાયરલ
-
Vadodaraવડોદરા : સસ્પેન્ડેડ ઓફિસર ચીફ ફાયર ઓફિસર બનવાની દોડમાં વીએમસીની કચેરીમાં પ્રગટ થયા
-
Vadodaraસ્નેહ સંમેલન કાર્યક્રમમાં ધારાસભ્ય યોગેશ પટેલના લવારા , મહિલાઓને ખોટી સીટ મળે છે
-
Vadodara
વડોદરા : મારી નાખવાની ધમકી આપતા મકાન માલિકે ફિનાઇલ ગટગટાવ્યું
-
Vadodaraન્યુઇરા સ્કૂલ, એસએનડીટી કોલેજ અકોટાનું ભાડું મહાનગરપાલિકા ક્યારે વસુલ કરશે?
-
Nationalમહારાષ્ટ્ર: વક્ફ એક્ટમાં PM મોદી કરશે સુધારો, વિધાનસભા ચૂંટણી પહેલા અમિત શાહનો મોટો દાવો
-
Vadodaraવડોદરા : MSUમાં સ્કોલરશિપ સ્કીમનો લાભ મળતો હોય તેવા વિદ્યાર્થીઓની સંખ્યામાં છેલ્લા 6 વર્ષથી સતત ઘટાડો
-
Vadodaraવડોદરા : VMCની રેલવે વિભાગને ખો,5 વર્ષ પહેલા શરૂ થયેલી બ્રિજની કામગીરી ખોરંભે ચડી
-
Dakshin Gujaratવાંક કોનો? મજૂરપિતા ટ્રકને રિવર્સ માટે સાઈડ બતાવી રહ્યા હતા, તે જ ટ્રક નીચે તેમનો પુત્ર કચડાઈ મર્યો
-
Nationalલોરેન્સ ગેંગના નિશાના પર શ્રદ્ધા વોલ્કર હત્યાનો આરોપી આફતાબ પૂનાવાલા, જેલ પ્રશાસન એલર્ટ
-
Vadodaraવડોદરામાં ગુરુનાનક દેવજી ની 556 મી જન્મ જયંતીની ભવ્ય ઉજવણી કરવામાં આવી..
-
Vadodaraનરહરિ લાલ કી.. જય ના નાદ સાથે ભગવાન શ્રી નરસિંહ જીનો 288મો વરઘોડો નિકળ્યો….
-
Vadodaraવડોદરામાં ખાસવાડી સ્મશાનથી આરાધના ટોકીઝ સુધીનો ડાબી બાજુના વિસ્તારમાં ગેરકાયદેસર બાંધકામ, કોર્પોરેશન ક્યારે તોડશે ?
-
Vadodaraશહેરના પાણીગેટ થી લહેરીપુરા દરવાજા, ચોખંડી તથા ચાંપાનેર દરવાજા તરફ ટ્રાફિકની સમસ્યા વકરી..
-
Panchmahalમેદાપુર ગામની નદીમાંથી રેતી ખનન કરતા ચાર ટ્રેકટર ખનીજ વિભાગે ઝડપ્યા, માફીયાઓ સાથે ઝપાઝપી થયાની ચર્ચા
-
Panchmahal
કાલોલ તાલુકા પંચાયતના બાંધકામ શાખાના મહિલા અધિકારીને ફરજ મોકૂફી પર ઉતારી દેવાયા
-
Nationalઅજિત પવાર દાયકાઓ સુધી હિંદુ વિરોધીઓ સાથે રહ્યા, તેમને સમજવામાં થોડો સમય લાગશે- ફડણવીસ
-
Vadodara
વડોદરા : કરન્સીમાં ટ્રેડિંગ કરવાના બહાને બિઝનેસમેન પાસેથી રૂ. 75.80 લાખ ઠગોએ ખંખેર્યાં
-
Vadodaraવડોદરા : કારેલીબાગ વિસ્તારની પરાગ પાર્ક સોસાયટીમા કાર ભડકે બળી
-
Vadodaraવડોદરા : સૌ પ્રથમ વખત ૧૦૮ મારફતે એર એમ્બ્યુલન્સમાં દર્દીને મુંબઈ શિફ્ટ કરાયા
-
Vadodaraરિફાઇનરીના સ્ટોરેજ ટેન્ક ફાર્મમાં ૫૦૦૦ ચો.મી. વિસ્તારને ક્લોઝર નોટિસ
-
Vadodaraપોંડીચેરીના લેફ્ટનન્ટ ગવર્નર કે. કૈલાશનાથને ગજાનન આશ્રમ માલસરની મુલાકાત લીધી
-
Nationalહવે માત્ર 2 વર્ષમાં કરી શકાશે ગ્રેજ્યુએશનઃ આગામી વર્ષ સુધીમાં UGC નવી પોલીસી લાવી શકે છે
-
NationalPM મોદીના વિમાનમાં ટેકનિકલ ખામી, બીજુ વિમાન મોકલાય ત્યાં સુધી દેવઘર એરપોર્ટ પર રોકાવું પડ્યું
-
Nationalરાહુલ ગાંધીનું હેલિકોપ્ટર ઝારખંડમાં ફસાયું, કોંગ્રેસે વડાપ્રધાનને દોષિત ઠેરવ્યા
-
Sportsચેમ્પિયન્સ ટ્રોફીને લઈ પાકિસ્તાનની શરમજનક હરકત: PCB ભારતને ઉશ્કેરવા PoK માં ટ્રોફી યાત્રા કાઢશે
-
SURATચિક્કાર દારૂ પીધેલા SMCના અધિકારીનો રસ્તામાં તમાશો, કાર ડિવાઈડર પરથી કૂદાવી
-
Nationalઆદિવાસી ગૌરવ દિવસ: જમુઈમાં PM મોદીએ કહ્યું- આદિવાસીઓએ રાજકુમાર રામને ભગવાન રામ બનાવ્યા
-
Nationalઅજિત પવારે અદાણીના નામથી એવો ઘટસ્ફોટ કર્યો કે મહારાષ્ટ્રના રાજકારણમાં ધમાસાણ મચી ગયું
-
Dakshin Gujaratઅંકલેશ્વર-સુરત સ્ટેટ રોડ પર અકસ્માતઃ ડ્રાઈવરને ઝોકું આવતા કાર ઝાડ સાથે અથડાઈ, 3ના મોત
કોરોનાને કારણે 10માં ધોરણના વિદ્યાર્થીઓને માસ પ્રમોશન આપીને તેજસ્વી વિદ્યાર્થીઓની કારકિર્દી સાથે રમત કરવામાં આવી રહી છે. 10માં ધોરણમાં 80 ટકાથી વધુ માર્કસ લાવનારા કોઇ પણ વિદ્યાર્થીને પૂછવામાં આવે કે, તારે કઇ લાઇનમાં જવું છે? તો તે તમારી સામે આશ્ચર્યથી જોઇને કહેશે, સાયન્સમાં! તેમાં વળી પૂછવાનું શું હોય?
કોઇ વિદ્યાર્થીના વાલી કહે કે, મારે મારાં બાળકને સામાન્ય પ્રવાહમાં મોકલવો છે, તો તેની સામે એવી રીતે જોવામાં આવશે, જાણે તેમણે પોતાનાં બાળક સાથે કોઇ મોટો અન્યાય કરી નાખ્યો ન હોય! સામાન્ય પ્રવાહમાં જવા ઇચ્છતાં વિદ્યાર્થી માટે એવું માની લેવામાં આવે છે કે તેનામાં ભણવાની ક્ષમતા ઓછી છે, માટે તે વિજ્ઞાન પ્રવાહમાં જઇ શકે તેમ નથી. સામાન્ય પ્રવાહમાં મોકલનારા વાલી માટે એવું પણ માની લેવામાં આવે છે કે તેમની પાસે પોતાનાં બાળકને સાયન્સમાં ભણાવવાના રૂપિયા નથી માટે તેઓ લાચારીવશ તેને સામાન્ય પ્રવાહમાં મોકલે છે. વિદ્યાર્થીના રસ, રૂચિ અને તેની પસંદગી સમજ્યા વિના માત્ર દેખાદેખીથી તેને વિજ્ઞાન પ્રવાહમાં મોકલનારા વાલીઓ તેના ભવિષ્યને ધૂંધળું બનાવે છે. આ વાલીઓ અને તેમનાં સંતાનો પાછળથી પેટ ભરીને પસ્તાય છે. સાયન્સ પ્રવાહમાં ભણાવવા બાબતમાં પ્રવર્તમાન ગેરસમજો દૂર થવી જરૂરી છે.
વિદ્યાર્થીઓમાં અને વાલીઓમાં એવી વ્યાપક ગેરસમજણ પ્રવર્તે છે કે હોંશિયાર વિદ્યાર્થીઓએ માત્ર સાયન્સ સ્ટ્રીમમાં જ જવું જોઇએ. તેવું બિલકુલ જરૂરી નથી. કોમર્સ અને આર્ટ્સના ક્ષેત્રમાં ભણનારા વિદ્યાર્થીઓ પણ તેજસ્વી હોય છે. C.A. અને MBAએ થવા માટે પણ જબરદસ્ત તેજસ્વિતાની જરૂર પડે છે. MBBS થવા માટે જેટલી હોંશિયારીની જરૂર પડે છે તેના કરતાં વધુ હોંશિયારી C.A. બનવા માટે જરૂરી ગણાય છે. IITના એન્જિનિયર કરતાં IIMના સ્નાતકને વધુ પગાર મળે છે, કારણ કે તે માટે વધુ પ્રતિભાની જરૂર પડે છે.
વિજ્ઞાન પ્રવાહમાં જનારા કોઇ પણ વિદ્યાર્થીને સવાલ પૂછવામાં આવે કે તારે બારમા ધોરણ પછી કઇ લાઇન લેવી છે? તો જવાબ મળશે કે મારે ડૉક્ટર અથવા એન્જિનિયર થવું છે. શું વિજ્ઞાન પ્રવાહમાં પ્રવેશ લેનારા દરેક વિદ્યાર્થી ડૉક્ટર અથવા એન્જિનિયર બની શકશે ખરા? તેનો સ્પષ્ટ જવાબ ના છે. ગુજરાત બોર્ડમાં વિજ્ઞાન પ્રવાહમાં કુલ લાખેક વિદ્યાર્થીઓ પાસ થતા હોય છે. તે પૈકી બી ગ્રુપમાં ચાલીસેક હજાર વિદ્યાર્થીઓ પાસ થતા હોય છે. તેની સામે ગુજરાતમાં મેડિકલની 20 કોલેજોમાં કુલ 3080 બેઠકો જ ઉપલબ્ધ છે. મતલબ કે બી ગ્રુપમાં પાસ થનારા 40 હજાર વિદ્યાર્થીઓ ગુજરાતની મેડિકલ કોલેજમાં ભણીને ડૉક્ટર બની શકવાના નથી. આ વિદ્યાર્થીઓ પૈકીના કોઇ દાંતના ડૉક્ટર બની જશે, કોઇ જાનવરના ડૉક્ટર બનશે કે કોઇ આયુર્વેદના વૈદ્ય બની જશે. જે વિદ્યાર્થીઓ ત્યાર બાદ પણ બાકી રહી જશે તેમણે B.Scની.ડિગ્રીથી સંતોષ માનવો પડશે.
એક સમયે ગુજરાતમાં એન્જિનિયરિંગ કોલેજમાં પ્રવેશ મેળવવો તે લોઢાના ચણા ચાવવા જેવું કઠણ કાર્ય માનવામાં આવતું હતું. આ કારણે માનવામાં આવતું હતું કે માત્ર અત્યંત તેજસ્વી વિદ્યાર્થીઓ જ એન્જિનિયરિંગ કોલેજમાં પ્રવેશ પ્રાપ્ત કરી શકે છે. હવે પરિસ્થિતિ તદ્દન બદલાઇ ગઇ છે. કમાણી કરવાના લોભમાં પ્રાઇવેટ એન્જિનિયરિંગ કોલેજોનો રાફડો ફાટ્યો છે. તેને કારણે ઠોઠમાં ઠોઠ વિદ્યાર્થીનાં માબાપ પૈસા ખર્ચવા તૈયાર હોય તો તેને એન્જિનિયરિંગ કોલેજમાં સહેલાઇથી પ્રવેશ મળી જાય છે. દર વર્ષે ગુજરાત બોર્ડમાં 12 માં ધોરણમાં એ ગ્રુપમાં આશરે 60 હજાર વિદ્યાર્થીઓ પાસ થાય છે. તેની સામે ગુજરાતની એન્જિનિયરિંગ કોલેજોમાં કુલ 71679 બેઠકો છે માટે ૧૨માં ધોરણમાં 35 ટકા સાથે પાસ થનારા વિદ્યાર્થીને પણ એન્જિનિયરિંગમાં પ્રવેશ મળી જશે તે નક્કી છે. હકીકતમાં આ વર્ષે એન્જિનિયરિંગ કોલેજોની આશરે ૩૦,૦૦૦ બેઠકો ખાલી રહેવાની ધારણા છે.
એન્જિનિયરિંગના ક્ષેત્રમાં ડિમાન્ડ કરતાં સપ્લાય ક્યાંય વધુ છે, જેને કારણે એન્જિનિયરિંગની ડિગ્રીના ભાવો ગગડી ગયા છે. સુરતમાં ભણતો એક વિદ્યાર્થી 10 લાખ રૂપિયાનો ખર્ચો કરીને એન્જિનિયર બન્યો. તેને મહિને 10000 રૂપિયાના પગારની નોકરી પણ મળતી નથી. તેને કારણે તે નછૂટકે પોતાના પિતાના શાકભાજીના ધંધામાં જોડાઇ ગયો છે. તેના પિતા પાસે માત્ર B.Com.ની જ ડિગ્રી છે, પણ ધંધાની આવડતને કારણે તેઓ મહિને લાખેક રૂપિયા કમાય છે.
મેડિકલ ક્ષેત્રમાં ડૉક્ટરની ડિગ્રીની પણ હવે ખાસ કોઇ કિંમત રહી નથી. પ્રાઇવેટ મેડિકલ કોલેજમાં ભણીને MBBSની ડિગ્રી મેળવવા પાછળ દસથી પંદર લાખ રૂપિયાનો ખર્ચો થાય છે. આ ડિગ્રી લીધા પછી ભાન થાય છે કે મેડિકલમાં બેચલર ડિગ્રીધારીની હાલત કરિયાણાના દુકાનદાર જેવી છે. દવાખાનાંમાં લાખો રૂપિયાનું રોકાણ કર્યા પછી પણ દર્દીની રાહ જોતાં બેસી રહેવું પડે છે. મેડિકલ ફિલ્ડમાં ખરી કમાણી તો કન્સલ્ટન્ટોને છે, જે બનવા માટે પોસ્ટ ગ્રેડ્યુએટ ડિગ્રી લેવી પડે છે. પોસ્ટ ગ્રેડ્યુએટની ડિગ્રી લેવા માટે ઓછામાં ઓછું ૫૦ લાખ રૂપિયા ડોનેશન આપવું પડે છે.
વિજ્ઞાન પ્રવાહમાં જઇને, લાખો રૂપિયાનો ખર્ચો કરીને લીધેલી મેડિકલ કે એન્જિનિયરિંગની ડિગ્રીઓનું હવે અવમૂલ્યન થયું છે. તેની સરખામણીએ સામાન્ય પ્રવાહમાં ભણીને પ્રોફેસર, IAS ઓફિસર, ચાર્ટર્ડ એકાઉન્ટન્ટ, બેન્ક મેનેજર કે પત્રકાર બનવામાં વધુ કમાણી છે. જે વિદ્યાર્થીઓ પોતાની જાતને બુદ્ધિશાળી માનતા હોય તેમણે આ હકીકત સમજીને જ કારકિર્દીનો નિર્ણય કરવો જોઇએ.