હમાસ અને ઈઝરાયેલ (Israel) વચ્ચેની ડીલમાં સારા સમાચાર આવ્યા છે. લગભગ દોઢ મહિનાથી હમાસની કેદમાં (Hostage) રહેલા ઈઝરાયેલના બંધકોને મુક્ત કરવામાં આવ્યા છે. 13 ઈઝરાયેલ અને 12 થાઈ નાગરિકોને મુક્ત (Release) કરવામાં આવ્યા છે. આ બંધકોને હમાસ દ્વારા ઈન્ટરનેશનલ કમિટી ઓફ રેડ ક્રોસ (ICRC)ને સોંપવામાં આવ્યા છે. આ તમામ હાલમાં ઈઝરાયેલ-ગાઝાના રફાહ ક્રોસિંગ પર છે જ્યાં સેંકડો લોકો રાહ જોઈ રહ્યા છે.
હમાસે બંધકોના પ્રથમ જૂથને મુક્ત કર્યા છે. 13 ઈઝરાયેલને મુક્ત કરવામાં આવ્યા છે. આ સિવાય 12 થાઈ બંધકોને પણ મુક્ત કરવામાં આવ્યા છે. આ બંધકોને હમાસ દ્વારા ઈન્ટરનેશનલ કમિટી ઓફ રેડ ક્રોસ (ICRC)ને સોંપવામાં આવ્યા છે. આ બંધકોને ઇજિપ્ત અને ગાઝા વચ્ચેના રફાહ ક્રોસિંગ પર લાવવામાં આવી રહ્યા છે. તેઓ અહીંથી જ મુક્ત થશે. અહીંથી ઈઝરાયેલની સેના બંધકોને મેડિકલ તપાસ માટે એરબેઝ પર લઈ જશે. પ્રાથમિક તપાસ બાદ તમામને હેલિકોપ્ટર મારફતે હોસ્પિટલ લઈ જવામાં આવશે જ્યાં તેઓ તેમના પરિવારજનોને મળશે.
જેઓને મુક્ત કરવામાં આવ્યા છે તેમના નામ હજુ જાહેર કરવામાં આવ્યા નથી. જોકે આ તમામ મહિલાઓ અને બાળકો છે. બંધકોને મુક્ત કર્યા પછી ઇઝરાયેલ 39 પેલેસ્ટિનિયન કેદીઓને મુક્ત કરશે. આ તમામને પશ્ચિમ કાંઠે ઈઝરાયેલની ઓફર જેલમાં બંધ કરવામાં આવ્યા હતા. તેમની યાદી જાહેર કરવામાં આવી છે, જે મુજબ મુક્ત થયેલાઓમાં 24 મહિલાઓ અને 15 પુરૂષોનો સમાવેશ થાય છે. ઇઝરાયેલી જેલ સેવા અનુસાર તેઓને પશ્ચિમ કાંઠે ઇઝરાયેલી લશ્કરી ચોકી પર સ્થાનાંતરિત કરવામાં આવશે અને તેઓને ઘરે પરત ફરવાની મંજૂરી આપવામાં આવશે.
50 બંધકો માટે ડીલ કરવામાં આવી હતી
ઈઝરાયેલના વડાપ્રધાન બેન્જામિન નેતન્યાહુ અને રક્ષા મંત્રી યોવ ગેલેંટ આ સમગ્ર કાર્યવાહી પર નજર રાખી રહ્યા છે. તે તેલ અવીવમાં ઇઝરાયેલી સંરક્ષણ દળના કમાન્ડ સેન્ટરમાં હાજર છે. હમાસે 7 ઓક્ટોબરે ઈઝરાયેલ પર જોરદાર હુમલો કર્યો હતો. આ હુમલામાં 1400થી વધુ લોકો માર્યા ગયા હતા. આ સાથે હમાસે 240 લોકોને બંધક બનાવ્યા હતા. આ લોકો છેલ્લા 48 દિવસથી હમાસની કેદમાં છે. જોકે અત્યાર સુધી માત્ર 50 બંધકોને મુક્ત કરવા માટે ડીલ થઈ છે.
બીજી તરફ થાઈલેન્ડના વડાપ્રધાને ટ્વિટ કર્યું છે કે બંધક બનાવવામાં આવેલા 12 થાઈ નાગરિકોને મુક્ત કરવામાં આવ્યા છે. તેમણે કહ્યું કે દૂતાવાસના અધિકારીઓ આ લોકોને સાથે લાવવા જઈ રહ્યા છે. ઇજિપ્તની માહિતી સેવાએ જણાવ્યું હતું કે ઇજિપ્તના પ્રયાસોના પરિણામે 12 થાઇ નાગરિકોને મુક્ત કરવામાં આવ્યા છે. હમાસે બંધકોની મુક્તિની પુષ્ટિ કરી છે. થાઈ નાગરિકોની મુક્તિ ઈઝરાયેલ-હમાસ ડીલનો ભાગ ન હતો. થાઈલેન્ડના જણાવ્યા અનુસાર તેના 26 નાગરિકોને બંધક બનાવવામાં આવ્યા હતા.
