પંજાબના નવા સરદાર ચરણજીત સિંહ ચન્ની : કેપ્ટન તો હાજર ન રહ્યા; શપથ બાદ પહોંચ્યા રાહુલ ગાંધી

ચરણજીત સિંહ ચન્ની (Charanjit Singh Channi) તરીકે દલિત નેતાના રૂપમાં પંજાબ (Punjab)ને તેનો આગામી મુખ્યમંત્રી (Chief minister) મળી ગયા છે. સોમવારે રાજભવન ખાતે રાજ્યપાલ બનવારીલાલ પુરોહિતે ચન્નીને પદના શપથ (Oath) અપાવ્યા હતા.

કોંગ્રેસ (Congress)ના નેતા રાહુલ ગાંધી (Rahul Gandhi) પણ સમારોહમાં હાજરી આપવા રાજભવન પહોંચ્યા હતા પરંતુ ત્યાં સુધી ચન્નીએ શપથ લઈ લીધા હતા. ચરણજીત સિંહ ચન્ની પંજાબના 16 મા મુખ્યમંત્રી છે, પરંતુ પ્રથમ દલિત મુખ્યમંત્રી છે. આગામી વર્ષે યોજાનારી વિધાનસભાની ચૂંટણી પહેલા કોંગ્રેસે પોતાનો મુખ્યમંત્રી ચહેરો બદલી નાખ્યો છે. ખાસ વાત એ છે કે કેપ્ટન અમરિંદર સિંહે (Amrinder Singh) આ શપથગ્રહણ સમારંભથી અંતર રાખ્યું હતું અને તેમણે હાજરી આપી ન હતી. જો કે, અહેવાલો અનુસાર, હવે શપથ લીધા બાદ, આજે બપોરે 1 વાગ્યાની આસપાસ, ચન્ની કેપ્ટનને મળવા માટે તેમના ફાર્મ હાઉસ જશે.

પંજાબના રાજકારણમાં આ ત્રણ ચહેરાઓને કેપ્ટનની નજીક માનવામાં આવતા નથી. માનવામાં આવે છે કે નવા મુખ્યમંત્રી ચરણજીત સિંહ પહેલા પ્રેસ કોન્ફરન્સ કરશે અને તે પછી તેઓ કેપ્ટનને મળવા જશે. શનિવારે કેપ્ટન અમરિંદર સિંહે પંજાબના મુખ્યમંત્રી પદેથી રાજીનામું આપ્યું હતું, ત્યારબાદ ચરણજીત સિંહ ચન્નીને કોંગ્રેસે રાજ્યના આગામી મુખ્યમંત્રી તરીકે પસંદ કર્યા હતા. ચન્નીની સાથે, સુખજિંદર સિંહ રંધાવા અને ઓપી સોનીએ પણ મંત્રી તરીકે શપથ લીધા છે અને તેમને નાયબ મુખ્યમંત્રી બનાવી શકાય છે.

પંજાબને મળ્યા પ્રથમ દલિત મુખ્યમંત્રી

આગામી વર્ષની વિધાનસભાની ચૂંટણી પહેલા કોંગ્રેસે મોટો દાવ લગાવ્યો અને દલિત મુખ્યમંત્રી બનાવ્યા. પંજાબના ઈતિહાસમાં પ્રથમ વખત આવું બન્યું છે. આ સાથે, અકાલી દળ દ્વારા વચન આપેલ દલિત ડેપ્યુટી સીએમનો જવાબ આપવામાં આવ્યો હતો, જ્યારે આમ આદમી પાર્ટી દ્વારા આપવામાં આવેલા પડકારનો પણ જવાબ આપવામાં આવ્યો હતો. સોમવારે શપથગ્રહણ સમારોહ પણ વિવાદોથી ભરેલો હતો. શપથ પહેલા પંજાબ કોંગ્રેસના પ્રભારી હરીશ રાવતે નિવેદન આપ્યું હતું કે પાર્ટી 2022 ની વિધાનસભા ચૂંટણી નવજોત સિંહ સિદ્ધુ અને પંજાબ કેબિનેટના નેતૃત્વમાં લડશે. આ પછી સુનીલ જાખરે આ નિવેદન સામે વાંધો ઉઠાવ્યો અને કહ્યું કે તેનાથી મુખ્યમંત્રીની છબી નબળી દેખાય છે.

આવી સ્થિતિમાં કોંગ્રેસે ભલે પંજાબમાં પોતાનો ચહેરો બદલી નાખ્યો હોય, પરંતુ તેની સમસ્યાઓ ખતમ થવાનું નામ નથી લઈ રહી. પૂર્વ મુખ્યમંત્રી કેપ્ટન અમરિંદર સિંહ પણ શપથ ગ્રહણ સમયે હાજર નહોતા, તેથી દરેકની નજર તેમના આગામી પગલા પર છે.

Related Posts