ટોક્યો: આજે ભારત(India)નાં વડાપ્રધાન નરેન્દ્ર મોદી(Pm Modi) અને અમેરિકા(America)ના રાષ્ટ્રપતિ જો બિડેન(Joe Biden) વચ્ચે ટોકિયો(Tokyo)માં દ્વિપક્ષીય મંત્રણા યોજાઈ હતી. બિડેન સાથેની મુલાકાતમાં પીએમ મોદીએ કહ્યું કે ભારત અને અમેરિકા વચ્ચે વિશ્વાસની ભાગીદારી છે. સંરક્ષણ સહિત ઘણા ક્ષેત્રોમાં સામાન્ય હિત છે, પીએમ મોદી સાથેની મુલાકાત દરમિયાન યુએસ પ્રમુખ બિડેને કહ્યું, ‘મને ખુશી છે કે અમે રસી ઉત્પાદન, સ્વચ્છ ઊર્જા પહેલને સમર્થન આપવા માટે એક કરાર પર પહોંચ્યા છીએ.’
આપણે સાથે મળીને ઘણું બધું કરી શકીએ છે: જો બિડેન
વડા પ્રધાન નરેન્દ્ર મોદી અને યુએસ પ્રમુખ જો બિડેને મંગળવારે દ્વિપક્ષીય સંબંધોના વિવિધ પાસાઓ પર વિગતવાર ચર્ચા કરી હતી અને પરસ્પર મિત્રતાને ગાઢ બનાવવાના માર્ગો પર વિચારોનું આદાનપ્રદાન કર્યું હતું. વડાપ્રધાન મોદીએ દ્વિપક્ષીય મંત્રણા દરમિયાન બિડેનને કહ્યું, ‘આપણે સાથે મળીને ઘણું બધું કરી શકીએ છીએ અને કરીશું.’ તેમણે કહ્યું કે ભારત અને અમેરિકા વચ્ચે વ્યૂહાત્મક જોડાણ સાચા અર્થમાં વિશ્વાસની ભાગીદારી છે. “સંરક્ષણ અને અન્ય બાબતોમાં અમારા સહિયારા હિતો અને અમારા સહિયારા મૂલ્યોએ અમારા વિશ્વાસના બંધનને મજબૂત બનાવ્યું છે,” તેમણે કહ્યું.
બંને દેશો પરસ્પર તાલમેલ સુધારી રહ્યા છે
પ્રધાનમંત્રીએ કહ્યું કે ભારત અને અમેરિકા ટેક્નોલોજીના ક્ષેત્રમાં તેમનો દ્વિપક્ષીય સહયોગ વધારી રહ્યા છે અને વૈશ્વિક મુદ્દાઓ પર પરસ્પર સંકલનને પણ મજબૂત બનાવી રહ્યા છે. મોદીએ કહ્યું, “અમે બંને ઈન્ડો-પેસિફિક ક્ષેત્રનું એક સમાન વિઝન શેર કરીએ છીએ અને માત્ર દ્વિપક્ષીય સ્તરે જ નહીં, પરંતુ અન્ય સમાન વિચાર ધરાવતા દેશો સાથે પણ અમારા સહિયારા મૂલ્યો અને સામાન્ય હિતોનું રક્ષણ કરવા માટે કામ કરી રહ્યા છીએ.” “ગઈકાલે જાહેર કરાયેલ ક્વાડ અને આઈપીઈએફ (ઈન્ડો-પેસિફિક ઈકોનોમિક મોડલ ફોર પ્રોસ્પરિટી) આના ઉદાહરણો છે. આજે અમારી ચર્ચા આ સકારાત્મક ગતિને વધુ વેગ આપશે.
રશિયા-યુક્રેન યુદ્ધ બાબતે પીએમ મોદી-બિડેન વચ્ચે વાતચીત
પીએમ નરેન્દ્ર મોદી સાથેની દ્વિપક્ષીય બેઠકમાં યુએસ પ્રમુખ જો બિડેને કહ્યું, ‘અમે યુક્રેન પર રશિયાના ક્રૂર અને ગેરવાજબી આક્રમણની ચાલી રહેલી અસરો અને સમગ્ર વૈશ્વિક વ્યવસ્થા પર તેની અસર અંગે પણ ચર્ચા કરી હતી. યુએસ-ભારત આ નકારાત્મક અસરોને ઘટાડવા માટે નજીકથી ચર્ચા કરવાનું ચાલુ રાખશે.
