Entertainment

શું સલમાન ખાનના શો ‘બિગ બોસ 16’માં આ ગાયિકાનો અવાજ સાંભળવા મળશે?

HTML Button Generator

મુંબઈ: શ્રાવણ મહિનામાં સર્વત્ર ‘હર હર શંભુ’ (Har Har Shambhu) ગીતનો ગુંજ છે. મહાદેવ પર બનેલા ગીતને કારણે ફરમાની નાઝ ચર્ચામાં આવી છે. ‘હર હર શંભુ’ ગીતની મૂળ ગાયિકા અભિલિપ્સા પાંડા છે. અભિલિપ્સા પાંડાનું ગીત ગાઈને ફરમાની નાઝ ફરી વિવાદમાં આવી ગઈ છે. ફરમાની નાઝને શિવ ભજન માટે મુસ્લિમ (Muslim) કટ્ટરપંથીઓ તરફથી ધમકીઓ (Threats) મળી રહી છે. ત્યારે એવી ચર્ચાએ જોર પક્ડયું છે કે ફરમાની બિગ બોસમાં (Big Boss) જોવા મળશે. જો કે આ અંગે ફરમાનીએ કોઈ ચોક્કસ જવાબ આપ્યો નથી.

સૂત્રો પાસેથી મળતી માહિતી મુજબ ‘હર હર શંભુ’ ગાનાર ફરમાની નાઝનો અવાજ હવે બિગ બોસના ઘરમાં ગુંજાવા જઈ રહ્યો છે. માહિતી મળી આવી છે કે ફરમાની નાઝને સલમાન ખાનના બિગ બોસ શોની ઓફર મળી છે. જોકે, તેણે હજુ સુધી આ વિશે વિચાર્યું નથી. ચર્ચા છે કે ફરમાની શોમાં જવાનો નિર્ણય લઈ શકતી નથી કારણ કે બિગ બોસના ઘરમાં ઘણી લડાઈઓ ચાલી રહી છે. કહેવામાં આવી રહ્યું છે કે ફરમાની ઝઘડાથી દૂર રહે છે. સપના ચૌધરી સહિત ઘણા સ્પર્ધકોની ખરાબ વર્તણૂક જોઈને ફરમાની આ શો વિશે ખૂબ જ મૂંઝવણમાં છે. ફરમાની માને છે કે રિયાલિટી શોમાં કોઈ કોઈને મદદ કરતું નથી. તેથી જ તે તેનાથી ખૂબ ડરે છે. એવી જાણકારી મળી આવી છે કે ફરમાનીએ અત્યાર સુધી બિગ બોસ માટે ન તો હા પાડી છે કે ન તો ના પાડી છે.

ઈન્ડિયન આઈડોલમાં જોવા મળેલી નઝર ફરમાની નાઝ કહે છે કે તેને તેના પિતા પાસેથી સંગીત વારસામાં મળ્યું છે. ફરમાની ઈન્ડિયન આઈડલ 12માં પણ જોવા મળી હતી. જોકે, તે આ શોની વિજેતા બનવાનું ચૂકી ગઈ હતી. તે જ સમયે, ફરમાની મહાદેવ સાથે ખૂબ જ વિશેષ જોડાણ ધરાવે છે. ‘હર હર શંભુ’ પહેલા, તેણે 2021માં ભોલેનાથ પર ભજન ગાયું હતું. ફરમાનીનું આ ગીત પણ લોકોને ખૂબ પસંદ આવ્યું હતું. હવે જોઈએ કે ફરમાની નાઝ વિવાદો અને હેડલાઈન્સમાં ફસાઈ ગયા પછી સલમાન ખાનના શો માટે હા કહે છે કે નહીં તે જોવું રહ્યું.

Most Popular

To Top