દેશમાં પશ્ચિમ બંગાળ (west bengal) સહિત દેશના 5 રાજ્યોમાં વિધાનસભા ચૂંટણી (assembly election) માટે મતદાન થઈ રહ્યું છે. બંગાળ અને આસામમાં ત્રીજા તબક્કાનું મતદાન છે જ્યારે કેરળ, પુડ્ડુચેરી અને તમિલનાડુમાં તમામ બેઠકો પર મતદાન થઈ રહ્યું છે. તમામ રાજ્યોમાં વહેલી સવારથી દિગ્ગજ હસ્તિઓ (celebrities) પણ પોતાના મતાધિકારનો પ્રયોગ કરી રહી છે. આ સમય દરમિયાન રજનીકાંત, કમલ હાસન સૂર્યા અને અજિત કુમાર સહિત ઘણા મોટા તમિળ સુપરસ્ટાર મતદાન કરવા પહોંચ્યા હતા.
તામિલનાડુ (tamilnadu) વિધાનસભા ચૂંટણી 2021 ની કુલ 234 બેઠકો માટે મતદાન શરૂ થયું છે. સામાન્ય લોકો ઉપરાંત તમિળ ફિલ્મ્સના સ્ટાર્સે પણ મતદાનમાં ભાગ લીધો છે. સવારના મતદાન કરતી વખતે રજનીકાંત (rajnikant), કમલ હાસન (kamal hasan), અજીથ કુમાર (ajithkumar), સૂર્યા (surya) જેવા સુપરસ્ટારના ફોટા સોશિયલ મીડિયા પર સામે આવ્યા છે. સુપરસ્ટાર્સે મત આપ્યા પછી લોકોને તેમના મતાધિકારનો ઉપયોગ કરવાની અપીલ કરી છે.
સુપરસ્ટાર રજનીકાંત મત આપવા માટે સવારે પહોંચ્યા હતા. તેમણે સ્ટેલા મેરીસ કોલેજમાં પોતાનો મત આપ્યો. સફેદ કુર્તા-પાયજામા માસ્ક સાથે મત દાન આપનાર રજનીકાંત પોતાનો મત આપ્યા પછી પ્રેસ સાથે વાત કરી શક્યા નહીં. જ્યારે સવાલ પૂછવામાં આવ્યો ત્યારે તે હાથ જોડીને ચાલ્યા ગયા હતા..
સુપરસ્ટાર અજિત કુમાર, જેમણે દક્ષિણની ઘણી સુપરહિટ ફિલ્મોમાં કામ કર્યું છે, તે પણ પત્ની શાલિની સાથે મત આપવા પહોંચ્યા હતા. આ દરમિયાન અજિતકુમારની આસપાસ પોલીસની ઘણી સુરક્ષા હતી. તમિળ ફિલ્મ સુપરસ્ટાર સૂર્યા પણ પોતાનો મત આપવા પહોંચી ગયા હતા. આ પ્રસંગે સૂર્યા સફેદ શર્ટ અને બ્લુ ડેનિમમાં દેખાયો હતો. ચાહકો કડક સુરક્ષા વચ્ચે સૂર્યાની તસવીરો લેતા જોવા મળ્યા હતા.
વડાપ્રધાન નરેન્દ્ર મોદીએ પણ ટ્વીટરના માધ્યમથી તમામ રાજ્યના મતદારોને અને ખાસ કરીને યુવાનોને રેકોર્ડ સંખ્યામાં મતદાન કરવા વિનંતી કરી હતી. સુપરસ્ટાર નેતા રજનીકાંતે સવાર સવારમાં જ ચેન્નાઈ ખાતે મતદાન કર્યું હતું. સુપરસ્ટારમાંથી નેતા બનેલા કમલ હાસને પણ પરિવાર સાથે મતદાન કર્યું હતું. કમલ હાસન પોતાની દીકરીઓ શ્રુતિ અને અક્ષરા સાથે મતદાન માટે પહોંચ્યા હતા. અને તસવીરો પણ શેર કરી હતી.
