કવૉરન્ટાઇનના નિયમોના ભંગ બદલ દિલ્હી પોલીસે 176 લોકો વિરુદ્ધ એફઆઈઆર નોંધી છે. આ એ લોકો છે જેમના ફોનના લૉકેશન ચકાસણી દરમિયાન તેમના ઘરથી દૂર બતાવતા હતા, એમ એક અધિકારીએ જણાવ્યું હતું.
દિલ્હી પોલીસે જણાવ્યું હતું કે, દિલ્હી સરકારના આરોગ્ય વિભાગે ગાઇડલાઇન્સ અનુસાર તેમની હિલચાલ પર નજર રાખવા માટે આશરે 25,000 લોકોની સંપર્કોની વિગતો તેમની સાથે શેર કરી છે, જેમને કવૉરન્ટાઇનમાં રાખવામાં આવ્યા છે.
વરિષ્ઠ પોલીસ અધિકારીઓના જણાવ્યા મુજબ, રાજધાનીના 15 પોલીસ જિલ્લામાં સ્ટેશન હાઉસ ઑફિસરસૅને તેમના અધિકાર ક્ષેત્રમાં આવતા ફોન નંબર આપવામાં આવ્યા છે, અને તેઓ મોબાઇલ ટાવર્સનો ઉપયોગ કરીને લોકોની ગતિવિધિઓને સ્કેન કરી રહ્યા છે. જેમંથી અત્યાર સુધી ૧૪ જિલ્લાઓએ ડેટા મેળવી લીધા છે.
કેટલાક અધિકારીઓ, ફોનને ટ્રેક કર્યા પછી, આશ્ચર્યજનક મુલાકાત પણ લેતા હોય છે. ઉત્તર પશ્ચિમ દિલ્હીના મુખર્જી નગરમાં આવા જ એક કેસમાં તેમને એક શખ્સ મળ્યો જે પોતે કવૉરન્ટાઇન આદેશો હેઠળ હોવા છતાં ઇવનિંગ વૉક પર નીકળ્યો હતો, તેની સામે એફઆઈઆર નોંધાઈ હતી. સાઉથ કેમ્પસમાં પોલીસને સવારે એક વ્યક્તિ મોર્નિંગ વોક પર મળી, પોલીસે તેની વિરુદ્ધ આઈપીસી કલમ 269 (જીવન માટે જોખમી રોગના ચેપ ફેલાવવાની સંભવિત બેદરકારી), 270 (જીવલેણ રોગના ચેપ ફેલાવવાની સંભવિત કૃત્ય), અને 188 (જાહેર સેવક દ્વારા ફરજ બજાવતા ઓર્ડરની અવગણના) હેઠળ ગુનો નોંધ્યો હતો.
5 એપ્રિલ સુધીના સંકલિત ડેટા બતાવે છે કે અત્યાર સુધીમાં જે વિસ્તારોમાંથી મહત્તમ સંખ્યામાં એફઆઈઆર નોંધવામાં આવી છે એ છે દ્વારકા (35), આઉટર દિલ્હી (34), દક્ષિણ પશ્ચિમ (1), દક્ષિણ પૂર્વ (2), મધ્ય (2), દક્ષિણ (12) અને ઉત્તર પશ્ચિમ (12). બાકીના જિલ્લાઓમાં એફઆઈઆર પ્રમાણમાં ઓછી જોવા મળી છે.
ગયા અઠવાડિયે નિર્ણયની ઘોષણા કરતા અરવિંદ કેજરીવાલે કહ્યું હતું કે: “અમે નિર્ણય લીધો છે કે પોલીસની મદદ લઈને અમે એવા લોકોના ફોનોને શોધીશું જેમને કવૉરન્ટાઇનના આદેશ આપવામાં આવ્યા છે. આમાં મુસાફરીનો ઇતિહાસ ધરાવતા લોકો તેમજ હોસ્પિટલો દ્વારા ઘરેલુ સંતોષની સલાહ આપવામાં આવતા લોકો શામેલ છે.”
સિંગાપોર અને દક્ષિણ કોરિયાએ જે પ્રમાણે કવૉરન્ટાઇનના નિયમોના ઉલ્લંઘનને રોકવા માટે ટૅકનોલૉજીનો ઉપયોગ કર્યો છે, એના પરથી પ્રેરણા લઇને દિલ્હી સરકારે આ પગલુ લીધુ છે. મુખ્યમંત્રી અરવિંદ કેજરીવાલ, ઉપરાજ્યપાલ અનિલ બૈજલ, મુખ્ય સચિવ વિજય કુમાર દેવ અને પોલીસ કમિશનર સાથે બોલાવાયેલી બેઠકમાં 25,429 લોકોને ટ્રેક કરવાનો નિર્ણય લેવામાં આવ્યો હતો.
દિલ્હીમાં તમામ પોલીસ સ્ટેશનમાં આ હેતુ માટે સ્ટાફ સમર્પિત છે, અને ડીસીપી આ પ્રગતિની નજીકથી નજર રાખી રહ્યા છે. જો પોલીસને કોઈ ઉલ્લંઘન જોવા મળે છે, તો તેઓ કાં તો ફોન પર વ્યક્તિને સવાલ કરે છે અથવા એફઆઈઆર નોંધાતા પહેલા આશ્ચર્યજનક મુલાકાત લે છે.
