ગાવસ્કર-કપિલ દેવ સહિત 14 દિગ્ગજોની પાક સરકારને તાત્કાલિક અપીલ
પાકિસ્તાનના પૂર્વ પ્રધાનમંત્રી અને 1992 વર્લ્ડ કપ વિજેતા કપ્તાન Imran Khanને લઈને આંતરરાષ્ટ્રીય ક્રિકેટ જગતમાં ચિંતા વધી રહી છે. તેમની બગડતી તબિયત વચ્ચે વિશ્વના 14 પૂર્વ ક્રિકેટ કપ્તાનો એક સાથે આવીને પાકિસ્તાન સરકારને તાત્કાલિક તબીબી સારવાર આપવાની અપીલ કરી છે. આ પત્રમાં Sunil Gavaskar, Kapil Dev, Greg Chappell, Steve Waugh, Clive Lloyd સહિત કુલ 14 દિગ્ગજોએ હસ્તાક્ષર કર્યા છે. પત્ર પાકિસ્તાનના પ્રધાનમંત્રી Shehbaz Sharifને સંબોધિત છે.
પત્રમાં માત્ર તબીબી સુવિધાઓ જ નહીં પરંતુ જેલમાં કાનૂની હકો અને માનવતાપૂર્વક વર્તન સુનિશ્ચિત કરવાની પણ માંગ કરવામાં આવી છે. ઇમરાન ખાન હાલ જેલમાં છે અને તેમની તબિયત સતત ખરાબ થતી હોવાના અહેવાલો સામે આવ્યા છે.
તાજેતરમાં મળેલી માહિતી મુજબ, ઇમરાન ખાનની જમણી આંખની લગભગ 85 ટકા દ્રષ્ટિ જતી રહી છે, જેના કારણે તેમના સ્વાસ્થ્ય અંગે ગંભીર ચિંતા વ્યક્ત થઈ રહી છે. તેમના પરિવારજનોએ પણ આરોપ લગાવ્યો છે કે તેમને જેલમાં મળવાની મંજૂરી આપવામાં આવતી નથી.
આ પહેલાં પાકિસ્તાનના ભૂતપૂર્વ ક્રિકેટરો જેમ કે Wasim Akram, Waqar Younis અને Shahid Afridiએ પણ સોશિયલ મીડિયા મારફતે સરકારને ઇમરાન ખાન માટે યોગ્ય સારવાર સુનિશ્ચિત કરવાની અપીલ કરી હતી. ઇમરાન ખાન અને તેમની પત્ની જુલાઈ 2023થી જેલમાં છે અને તેઓ પર ભ્રષ્ટાચાર સહિતના અનેક કેસ ચાલી રહ્યા છે. ડિસેમ્બર 2025માં તેમને 31 વર્ષની સજા ફટકારવામાં આવી હતી.આ મુદ્દે હવે આંતરરાષ્ટ્રીય સ્તરે દબાણ વધતું જોવા મળી રહ્યું છે. ક્રિકેટ જગતના દિગ્ગજોની અપીલથી પાકિસ્તાન સરકાર પર દબાણ વધી શકે છે.
