મહારાષ્ટ્ર(Maharashtra): ઉદ્ધવ ઠાકરે(Uddhav Thackeray)ના મંત્રી પર એક બાદ એક ED સકંજો કસી રહી છે. પહેલા અનિલ દેશમુખ ત્યારબાદ નવાબ મલિક અને હવે અનિલ પરબ EDના સકંજામાં આવ્યા છે. મહારાષ્ટ્રના મંત્રી અને શિવસેના(Shiv Sena)ના નેતા અનિલ પરબ(Anil Parab) અને અન્યો વિરુદ્ધ મની લોન્ડરિંગ કેસમાં EDએ દરોડા(Raid) પાડયા છે. EDએ મુંબઈ અને પુણેમાં સાત સ્થળો પર દરોડા પાડ્યા છે. ED દ્વારા પ્રિવેન્શન ઓફ મની લોન્ડરિંગ એક્ટ (PMLA)ની ફોજદારી કલમો હેઠળ નવો કેસ નોંધાયા બાદ દાપોલી, મુંબઈ અને પુણેના સ્થળો પર સર્ચ કરવામાં આવી રહ્યું છે. 57 વર્ષીય પરબ મહારાષ્ટ્ર વિધાન પરિષદમાં ત્રણ વખત શિવસેનાના ધારાસભ્ય અને રાજ્યના પરિવહન મંત્રી છે.
અનિલ પરબ પર ગંભીર આરોપો
એન્ફોર્સમેન્ટ ડિરેક્ટોરેટ (ED)ની કાર્યવાહી 2017માં પરબ દ્વારા 1 કરોડ રૂપિયામાં દાપોલીમાં જમીનના પાર્સલ ખરીદવાના આરોપો સાથે સંબંધિત છે, પરંતુ તે 2019માં નોંધવામાં આવી હતી. એજન્સી દ્વારા અન્ય કેટલાક આરોપોની પણ તપાસ કરવામાં આવી રહી છે. આરોપ છે કે બાદમાં આ જમીન મુંબઈના કેબલ ઓપરેટર સદાનંદ કદમને 2020માં 1.10 કરોડ રૂપિયામાં વેચી દેવામાં આવી હતી. દરમિયાન, આ જમીન પર 2017 થી 2020 દરમિયાન એક રિસોર્ટ બનાવવામાં આવ્યો હતો.
આવકવેરા વિભાગની તપાસમાં પણ આક્ષેપો થયા હતા
હતા. પૂર્વ મંત્રી અનિલ દેશમુખ સાથે સંકળાયેલા અન્ય મની લોન્ડરિંગ કેસમાં ED પહેલાથી જ પરબની પૂછપરછ કરી ચૂકી છે. ઉલ્લેખનીય છે કે આ પહેલા એન્ફોર્સમેન્ટ ડિરેક્ટોરેટ (ED)એ પણ ઉદ્ધવ સરકારના બે મંત્રીઓ સામે સકંજો કસ્યો હતો. જેમાં રાજ્યના પૂર્વ ગૃહમંત્રી અનિલ દેશમુખ અને લઘુમતીઓનો સમાવેશ થાય છે.
અગાઉ પણ પાડયા હતા દરોડા
નોંધનીય છે કે અગાઉ 8 માર્ચ 2022ના મહિનામાં પણ આવકવેરા વિભાગે શિવસેનાના નેતા મંત્રી આદિત્ય ઠાકરે અને મંત્રી અનિલ પરબના ઘણા નજીકના લોકો પર દરોડા પાડ્યા હતા. ત્યારબાદ મુંબઈ અને પુણેમાં આઈટીના દરોડા શિવસેનાના નેતાઓના નજીકના લોકો પર ચાલી રહ્યા હતા. શિવસેનાના રાજ્યસભા સભ્ય સંજય રાવતે આ કાર્યવાહીને લઈને કેન્દ્રીય એજન્સીઓ અને કેન્દ્ર સરકાર પર સવાલો ઉઠાવ્યા હતા. રાવતે દાવો કરીને ચેતવણી આપી હતી કે મુંબઈ પોલીસ ED અધિકારીઓ સાથે મળીને ગુનાહિત સિન્ડિકેટ અને ખંડણી રેકેટની તપાસ શરૂ કરશે.
