સોનાએ અત્યાર સુધીના બધા રેકોર્ડ તોડી નાખ્યા છે. સોમવારે રાષ્ટ્રીય રાજધાનીમાં સોનાના ભાવ 2,430 રૂપિયા વધીને 88,500 રૂપિયા પ્રતિ 10 ગ્રામના સર્વકાલીન ઉચ્ચતમ સ્તર પર પહોંચી ગયા. પીટીઆઈના અહેવાલ મુજબ ઝવેરીઓ અને છૂટક વેપારીઓ દ્વારા ભારે ખરીદીને કારણે પણ ભાવમાં વધારો થયો. 99.9 ટકા શુદ્ધતા ધરાવતી આ કિંમતી ધાતુ ગયા અઠવાડિયે 86070 રૂપિયા પ્રતિ 10 ગ્રામ પર બંધ થઈ હતી. સ્થાનિક બજારમાં 99.5 ટકા શુદ્ધતાવાળા સોનાનો ભાવ 2430 રૂપિયા વધીને 88100 રૂપિયા પ્રતિ 10 ગ્રામની વિક્રમી ઊંચી સપાટીએ પહોંચ્યો. ચાંદીના ભાવ 1,000 રૂપિયા વધીને 97,500 રૂપિયા પ્રતિ કિલો થયા. વેપારીઓ કહે છે કે રોકાણકારો વૈશ્વિક આર્થિક અનિશ્ચિતતાઓ વચ્ચે સલામત રોકાણને પસંદ કરીને શેર જેવી જોખમી સંપત્તિ વેચી રહ્યા છે.
ઓલ ઈન્ડિયા સરાફા એસોસિએશનના જણાવ્યા અનુસાર મજબૂત વૈશ્વિક વલણ અને નબળા રૂપિયાને કારણે સોમવારે દિલ્હીમાં સોનાના ભાવ 2,430 રૂપિયા વધીને 88,500 રૂપિયા પ્રતિ 10 ગ્રામના નવા સર્વકાલીન ઉચ્ચતમ સ્તર પર પહોંચી ગયા. યુએસ પ્રમુખ ડોનાલ્ડ ટ્રમ્પ દ્વારા તમામ પ્રકારના સ્ટીલ અને એલ્યુમિનિયમ આયાત પર 25 ટકા નવી ડ્યુટી લાદવાની જાહેરાતથી રોકાણકારોના ભાવના પર અસર પડી હતી. આ પછી વૈશ્વિક સ્તરે હાજર બજારોમાં સોનાનો ભાવ $2,900 પ્રતિ ઔંસના રેકોર્ડ સ્તરને પાર કરી ગયો.
ફ્યુચર્સના ભાવમાં પણ ઉછાળો આવ્યો
MCX પર ફ્યુચર્સ ટ્રેડિંગમાં એપ્રિલ ડિલિવરી માટે સોનાના કોન્ટ્રેક્ટ 940 રૂપિયા વધીને 85,828 રૂપિયા પ્રતિ 10 ગ્રામના નવા સર્વકાલીન ઉચ્ચતમ સ્તર પર પહોંચ્યા. LKP સિક્યોરિટીઝના કોમોડિટી અને કરન્સીના વીપી રિસર્ચ એનાલિસ્ટ જતીન ત્રિવેદીએ જણાવ્યું હતું કે કયા દેશોનો સમાવેશ થાય છે કે કયા દેશોને બાકાત રાખવામાં આવ્યા છે તે અંગે તાત્કાલિક સ્પષ્ટતા ન હોવાથી વૈશ્વિક વેપારમાં અનિશ્ચિતતાને કારણે સોના-ચાંદીની ખરીદીમાં નોંધપાત્ર વધારો થયો છે. વેપારીઓએ જણાવ્યું હતું કે રોકાણકારો વૈશ્વિક આર્થિક અનિશ્ચિતતાઓ વચ્ચે સલામત રોકાણને પસંદ કરીને શેર જેવી જોખમી સંપત્તિઓમાંથી નાણાં ખેંચી રહ્યા છે.
જૂન ડિલિવરી માટેનો અનુગામી કરાર રૂ. ૧,૦૧૫ અથવા ૧.૧૮ ટકા વધીને રૂ. ૮૬,૬૩૬ પ્રતિ ૧૦ ગ્રામની નવી ટોચે પહોંચ્યો. મલ્ટી કોમોડિટી એક્સચેન્જ (MCX) પર માર્ચ ડિલિવરી માટે ચાંદીનો વાયદો 632 રૂપિયા વધીને 95,965 રૂપિયા પ્રતિ કિલો થયો. વૈશ્વિક સ્તરે, કોમેક્સ ગોલ્ડ ફ્યુચર્સ $45.09 પ્રતિ ઔંસ અથવા 1.56 ટકા વધીને $2,932 ની રેકોર્ડ ઊંચી સપાટીએ પહોંચ્યો.
