નવી દિલ્હી: ચાહકો જે ફિલ્મની રાહ જોઈ રહ્યા હતા તે ફિલ્મ ‘અવતારઃ ધ વે ઑફ વોટર’ (‘Avatar: The Way of Water’) આજે એટલે કે 16 ડિસેમ્બરે રિલીઝ થઈ ચૂકી છે. દુનિયાની સૌથી મોંઘી ફિલ્મ (Film) 250 મિલિયન ડૉલર્સ (2000 કરોડ રૂપિયા)માં બની છે. 2009માં આવેલી ડિરેક્ટર જેમ્સ કેમરૂનની (Director James Cameron) ફિલ્મ ‘અવતાર’ જોયા બાદ બોલિવુડ ફેન્સની આંખો ખુલ્લી રહી ગઈ હતી. તે દિવસોમાં, સિનેમા સ્ક્રીન પર સ્પેશિયલ ઇફેક્ટ્સ એટલી અદભૂત ન હતી કે ઘણી બધી VFX-ભારે ફિલ્મો બનાવવામાં આવતી ન હતી. પરંતુ જ્યારે લોકોએ ‘અવતાર’ જોયો, ત્યારે જેમ્સ કેમરૂનની અદ્ભુત દુનિયાએ પડદા પર ધૂમ મચાવી દીધી.
3 બિલિયન ડોલરની આસપાસ તૈયારી થયેલી ફિલ્મ ‘અવતાર’, જે રિલીઝ થયાના 13 વર્ષ બાદ પણ વિશ્વની સૌથી વધુ કમાણી કરનારી ફિલ્મ છે. હવે જેમ્સ કેમરૂને પણ ‘અવતારઃ ધ વે ઓફ વોટર’ બનાવી છે અને આ ફિલ્મ શુક્રવારે સિનેમાઘરોમાં રિલીઝ થઈ છે. દુનિયાની સૌથી મોટી ફિલ્મની સિક્વલની એટલી આતુરતાથી રાહ જોવાઈ રહી હતી કે ભારતમાં ઘણી જગ્યાએ ‘અવતાર 2’ના શો મધરાત 12 પછી જ ચાલુ કરી દેવામાં આવ્યા હતા. ફિલ્મનો ક્રેઝ અદ્ભુત છે અને ટ્વિટર પર સેલેબ્સથી લઈને લોકો સુધીના રિવ્યુ જણાવે છે કે ‘અવતાર 2’ એક અદ્ભુત ફિલ્મ છે જે થિયેટરોમાં જોવી જ જોઈએ.
અક્ષય કુમારે કર્યા હતા વખાણ
બોલિવૂડના ખેલાડી અક્ષય કુમારે બે દિવસ પહેલા આ ફિલ્મ જોઈ હતી. ટ્વિટર પર ફિલ્મના વખાણ કરવાની સાથે અક્ષયે ડાયરેક્ટર જેમ્સ કેમરૂનના પણ વખાણ કર્યા હતા. અક્ષયે પોતાના ટ્વીટમાં લખ્યું, ‘ગઈ રાત્રે #AvatarTheWayOfWater જોયું અને ભાઈ! અદ્ભુત જ તેના માટે યોગ્ય શબ્દ છે. હું હજી પણ તેના જાદુમાં ખોવાયેલો છું, હું તમારા જીન્યસ ક્રાફ્ટની આગળ નતમસ્તક થવા માંગુ છું, જીતે રહો!’
વરુણ ધવને કહ્યું ‘સૌથી મહત્વપૂર્ણ ફિલ્મ’
બોલિવૂડ સ્ટાર વરુણ ધવન ટ્વિટર પર ‘અવતાર 2’ના વખાણ કરનાર સૌપ્રથમ અભિનેતા હતા. વરુણે ફિલ્મ જોયા પછી લખ્યું, ‘#AvatarTheWayOfWater સિનેમાના ભવિષ્ય માટે અત્યાર સુધીની સૌથી મહત્વપૂર્ણ ફિલ્મ છે. વિઝ્યુઅલ અને ઈમોશન્સ જોઈને મારા હોંશ ઉડી ગયા. આ અદ્ભુત છે જ્યારે વિશ્વના સૌથી મોટા ફિલ્મ નિર્માતા મહત્વપૂર્ણ સંદેશ આપવા માટે તેમની ફિલ્મ પસંદ કરે છે. વરુણે એમ પણ કહ્યું કે તે ટૂંક સમયમાં ફરી એક વખત અવતાર 2 જોવા માંગશે.
ફેન્સે કર્યા જોરદાર વખાણ
‘અવતાર 2’ના મોર્નિંગ શો જોઈને પરત ફરેલા લોકોએ ટ્વિટર પર ફિલ્મના જોરદાર વખાણ કર્યા છે. એક યુઝરે ફિલ્મને ‘એકદમ જોરદાર’ ગણાવી હતી. બીજાએ લખ્યું, ‘જેમ્સ કેમેરોનની બીજી શ્રેષ્ઠ થિયેટ્રિકલ માસ્ટરપીસ. મારા શ્રેષ્ઠ થિયેટ્રિકલ અનુભવોમાંનો આ એક.
અન્ય એક યુઝરે ટ્વિટર પર લખ્યું, ‘અવતાર 2 હમણાં જ જોયું. જેમ્સ કેમેરોન કરતાં કોઈ વધુ સારી સિક્વલ બનાવી શક્યું ન હોત. ટ્વિટર ‘પર અવતાર 2’ના જોરદાર વખાણ થઈ રહ્યા છે, ચાહકોને આ ફિલ્મ ખૂબ જ ગમી રહી છે. શું તમે ‘અવતાર 2’ માટે તમારી ટિકિટ બુક કરાવી છે?
‘અવતાર’નો કોન્સેપ્ટ સપનામાંથી આવ્યો
તમને જાણીને નવાઈ લાગશે કે ફિલ્મ ડિરેક્ટર જેમ્સ કેમરુનની માતા શર્લીને એક સપનું આવ્યું હતું અને તેમણે સપનામાં વાદળી રંગની યુવતી જે 10-12 ફૂટ લાંબી હતી. આ સપના અંગે જ્યારે તેની માતાએ તેમના પુત્ર જેમ્સને કરી તો તેમને તેમને વાદળી રંગના લોકો રહેતા હોય એવા એક ગ્રહની વાર્તાનો આઇડિયા આવ્યો. આ ગ્રહ પર રહેતા લોકોની ઊંચાઈ 10થી 12 ફૂટ હોય છે. આ સમયે જેમ્સે ‘ટાઇટેનિક’ બનાવવા અંગે વિચાર્યું પણ નહોતું.
તમને જણાવી દઈએ કે જેમ્સે પહેલાં ‘ટાઇટેનિક’ બનાવી અને તેના 12 વર્ષ બાદ ‘અવતાર’ આવી હતી. અને ‘અવતાર’ના 13 વર્ષ બાદ તેનો બીજો ભાગ આજે સિનિમાઘરોમાં રિલિઝ થયો છે. ‘અવતાર’ પહેલાં ‘ટાઇટેનિક’ દુનિયાની સૌથી વધુ કમાણી કરનારી ફિલ્મ હતી. પછી 2009માં આવેલી ‘અવતાર’એ આ રેકોર્ડ તોડ્યો હતો. માત્ર ‘ટાઇટેનિક’ કે ‘અવતાર’ જ નહીં, પરંતુ જેમ્સ કેમરુનની ફિલ્મની ટેક્નોલોજી સમય કરતાં આગળ હોય છે. સૌથી રસપ્રદ વાત એ છે કે જેમ્સ પોતાની ફિલ્મ લખ્યા બાદ જાતે જ ફિલ્મ અંગેની ટેક્નોલોજી પણ બનાવે છે.
