The Latest
-
Halolહાલોલની રૂબામીન કંપનીમાં મોડી સાંજે ફર્નેશ ઓઈલની ટેન્ક ધડાકાભેર ફાટતા આગ લાગી
-
Vadodaraકન્સ્ટ્રક્શન કે કબરસ્તાન? વડોદરામાં સલામતીના અભાવે શ્રમજીવીઓના મોતની હેટ્રિક
-
Nationalનાસિકમાં મોટો અકસ્માત: ઇનોવા કાર ખાઈમાં પડતાં 5 ના મોત, સપ્તશ્રૃંગી દર્શન કરીને પરત ફરી રહ્યા હતા
-
Bharuchભરૂચ SOG દ્વારા આંતરરાજ્ય ડ્રગ્સ રેકેટનો પર્દાફાશ,મેફેડ્રોન અને અફીણના જથ્થા સાથે 3 ઇસમો ઝડપાયા
-
Vadodaraઆજવા રોડ પર મકાન તોડવાની કામગીરીમાં શ્રમજીવી નવ ફૂટથી પટકાતા મોત,બાળક ઈજાગ્રસ્ત
-
Entertainmentભોજપુરી સ્ટાર પવન સિંહને લોરેન્સ ગેંગની ધમકી: બિગ બોસમાં સલમાન સાથે સ્ટેજ શેર ન કરવાની ચેતવણી
-
Vadodara
ડિસેમ્બરમાં પ્રથમ વખત તાપમાન 13.4 ડીગ્રી નોંધાયું : ઠંડીનું જોર વધ્યું
-
Nationalજેલમાં બંધ આઝમ ખાન બીમાર પડ્યા, તેમણે તબીબી સારવાર લેવાનો ઇનકાર કર્યો
-
Entertainmentફિલ્મ નિર્માતા વિક્રમ ભટ્ટની ધરપકડ: ફિલ્મ બનાવવાના નામે રાજસ્થાનના ઉદ્યોગપતિ સાથે છેતરપિંડી
-
Nationalઇન્ડિગોની છઠ્ઠા દિવસે 650+ ફ્લાઇટ્સ રદ, સરકારે પૂછ્યું તમારી સામે કાર્યવાહી કેમ ન કરવી જોઈએ?
-
Worldહવાઈમાં વિશ્વનો સૌથી ભયંકર જ્વાળામુખી વિસ્ફોટ, 400 મીટર ઉંચે લાવા અને રાખ નીકળતી દેખાઈ
-
Entertainmentસ્મૃતિ મંધાના અને પલાશ મુછલના સંબંધનો અંત આવ્યો, ક્રિકેટરે સોશિયલ મીડિયા પર સત્તાવાર પુષ્ટિ કરી
-
Kalolહાલોલ, કાલોલ અને વેજલપુર એસટી ડેપોના ડ્રાઇવરોને ટ્રાફિકના નિયમો વિશે જાગૃત કરાયા
-
Godhraલાલસરી શાળાના વિદ્યાર્થીઓએ કલા મહોત્સવમાં પોતાની સર્જનાત્મક પ્રતિભા બતાવી
-
Godhraપંચમહાલ કલેકટરને ગ્રાન્ટેડ શાળાઓમાં ૧૪૦૦ વિદ્યાસહાયકોની ભરતી સત્વરે શરૂ કરવા આવેદન
-
Vadodara
વડોદરા : પ્રધાનમંત્રી આવાસના મકાન અપાવવાનું કહી ચાર લોકો પાસેથી ઠગ એજન્ટે રૂપિયા 1.78 લાખ પડાવ્યા
-
Bharuchઆશરાગામે દરિયામાં ભરતી આવતા શ્રમિકોની બોટ કિનારે ઊંઘી વળી
-
Godhraસંતરોડ-સંતરામપુર માર્ગ હવે બનશે ‘હાઈ-સ્પીડ કોરિડોર’, અંદાજિત 900 કરોડના કામને સૈદ્ધાંતિક મંજૂરી!
-
Vadodaraજૂનીગઢી ભદ્ર કચેરી પાસે ભંગારના ગોડાઉનમાં ભીષણ આગ
-
Halolનરેન્દ્ર મોદી વિચાર મંચ દ્વારા હાલોલના બાપોટીયા ગામે ખાતે સ્વદેશી અપનાવો , સંસ્કૃતિ બચાવો જનજાગૃતિ કાર્યક્રમ યોજાયો
-
Shinorશિનોર હોમગાર્ડ યુનિટ દ્વારા માર્ચ રેલી અને વૃક્ષારોપણ કરી સ્થાપના દિવસની ઉજવણી
-
Dahodભીટોડી ગામે હાઈવે પર બાઈક અકસ્માત — બેના મોત, એક ઘાયલ
-
Entertainment‘ચાર ચાર બંગડી’ ફેમ સિંગર કિંજલ દવે સગાઈના બંધનમાં બંધાઈ, જાણો કોણ બન્યા તેમના મંગેતર..?
-
Worldઅલાસ્કા–કેનેડા સરહદે 7.0 તીવ્રતાનો શક્તિશાળી ભૂકંપ અનુભવાયો
-
Kalolકલા ઉત્સવ સંકુલ કક્ષાએ કાલોલ ગર્લ્સ હાઈસ્કુલની બાળાઓનુ શ્રેષ્ઠ પ્રદર્શન
-
Kalolડૉ.બાબાસાહેબ આંબેડકરની પુણ્યતિથી નિમિતે કાલોલ ખાતે ભારતીય જનતા પાર્ટીએ શ્રદ્ધાંજલિ આપી.
-
National
ઇન્ડિગોનું સંકટ છઠ્ઠા દિવસે પણ યથાવત: દિલ્હી, મુંબઈ અને ચેન્નાઈમાં અનેક ફ્લાઇટ્સ રદ
-
Nationalગોવાના નાઇટ ક્લબમાં ભીષણ આગ લાગતાં 25 લોકોના દર્દનાક મોત
-
Sportsત્રીજી વનડેમાં ભારતે દક્ષિણ આફ્રિકાને 9 વિકેટથી હરાવ્યું, શ્રેણી 2-1થી જીતી
-
Charotarડાકોરમાં મિઠાઈની દુકાનમાં લાગેલી આગે વિકરાળ સ્વરૂપ ધારણ કર્યું
ચૂંટણીના ચાણક્યની ક્ષમતા આજકાલ કસોટીના એરણ પર ચડેલી છે. કોંગ્રેસ પાર્ટીના નવા તારણહારરૂપે નિખરી રહેલા જાણીતા સ્ટ્રેટેજીસ્ટ પ્રશાન્ત કિશોર કોંગ્રેસમાં આવું આવું થઇ રહ્યા છે. કોંગ્રેસે તો એમને રાબેતા મુજબ શરૂઆતમાં તો બહુ ભાવ નહોતો આપ્યો ને એને લીધે પાર્ટીએ ઘણું સહન કરવું પણ પડ્યું છે, પરંતુ હવે પાર્ટીને બ્રહ્મજ્ઞાન લાદ્યું હોય એમ પક્ષના સંગઠન માળખામાં એક સમયે એહમદભાઇ પટેલ જે સ્થાન પર બિરાજમાન હતા એ સ્થાન પર પ્રશાન્ત કિશોરને બેસાડવાનાં ચક્રો તેજસ એક્સ્પ્રેસ કરતાંયે વધુ ગતિએ તેજ બનેલાં છે.
પ્રશાન્ત કિશોરના કોંગ્રેસ પ્રવેશ માટે 29 મી એપ્રિલની મુદત અપાઇ રહી છે. પાર્ટીમાંના જી-23 જૂથના સળવળાટને લીધે પાર્ટીના હિતેચ્છુઓને પાર્ટીનો હવે કાયાકલ્પ કરવાની ઉતાવળ ચડેલી છે. 137 વર્ષ જૂની પાર્ટી પોતાની નાઇલાજ બીમારીનો ઇલાજ શોધવા મથી રહી છે. પ્રશાન્ત કિશોરનો કોંગ્રેસપ્રવેશ થયા બાદ ગુજરાત જેવા રાજ્યમાં કોંગ્રેસની અટકીને પડેલી કેટલીક ગતિવિધિઓ આગળ ધપશે એવી હવા ઊભી થયેલી છે. એમાં ખાસ તો પાટીદાર ફેક્ટર માટે સૌની નજર લેઉવા પાટીદાર આગેવાન નરેશભાઇ પટેલના સંભવિત કોંગ્રેસપ્રવેશ પર મંડાયેલી છે.
નરેશભાઇ રાજકારણમાં આવશે? ક્યારે આવશે? અને કઇ પાર્ટીમાં જોડાશે? એની અટકળો એટલી બધી ચાલી છે કે છેલ્લા ઘણા દાયકાઓમાં કોઇ નેતાને માટે ચાલી ન હોય, છતાં કંઇ જ ડેવલપમેન્ટ થતું નથી. ભાજપે શરૂઆતમાં નરેશભાઇને કમલમમાં ખેંચવા માટે ઘણા દાણા નાખી જોયા, પણ નરેશભાઇ ભાજપના ધારવા કરતાં વધુ હોંશિયાર નીકળ્યા. એમાં તો આમઆદમી પાર્ટીવાળા કેટલાક ઉત્સાહીઓ તો એવાં અર્થઘટન પણ કરી રહ્યા છે કે હજુ તો નરેશભાઇ રાજકારણમાં આવ્યા જ નથી ને છતાં ભાજપને આટલી છક્કડ ખવડાવી રહ્યા છે, તો રાજકારણમાં આવ્યા બાદ કોનું શું યે કરશે! એટલે જ આમઆદમી પાર્ટીની તાલાવેલી વધેલી છે કે નરેશભાઇ અમારી (ઝાડુવાળી) ટોપી પહેરી લે.
પરંતુ બધો મદાર પેલા પ્રશાન્તભાઇ પર છે. જ્યારથી નરેન્દ્રભાઇએ વિશ્વ આરોગ્ય સંસ્થાના વડા ડો. ટેડ્રોસ આધનોમનું નામ તુલસીભાઇ પાડ્યું છે ત્યારથી ગુજરાતના સંદર્ભવાળા તમામ બિનગુજરાતી મિત્રોના નામની આગળ ‘ભાઇ’ શબ્દ લગાડવાનું પ્રચલન વધી પડ્યું છે. એ રીતે જોઇએ તો પ્રશાન્તભાઇ કોંગ્રેસમાં આવે એની સાથે સાથે નરેશભાઇ પણ કોંગ્રેસમાં આવે એવો તખ્તો ગોઠવાયાનું મનાય છે. પરંતુ પ્રશાન્તભાઇની ગોઠવણ જેટલી લંબાતી (ઠેલાતી) જાય છે, તેમ તેમ હાર્દિક પટેલ જેવા તરવરિયા નેતાઓની અકળામણ વધતી જાય છે.
કહે છે કે હાર્દિકભાઇ તો આ ગરબડમાં ને ગરબડમાં કોંગ્રેસ છોડીને ભાજપમાં જતા રહેવાના નિર્દેશો આપવા લાગેલા છે. (ભલે ને ભાજપમાંના એક જૂથે પાટીદાર આંદોલનનો બદલો લેવા હાર્દિકને કોઇ પણ રીતે ભીડવવાના વ્યૂહ ગોઠવી રાખેલા હોય!) હમણાં ભાજપનાં એમણે વખાણ કરતાં ભાજપમાંના કંઇક પાટીદાર નેતાઓની આંખો પહોળી થવા લાગી છે. છેવટે તો સૌના રાજકીય અસ્તિત્વનો સવાલ હોય છે, હાર્દિકભાઇ હોય, નરેશભાઇ હોય કે પ્રશાન્તભાઇ, પરંતુ ભાજપ સ્ટ્રેટેજીકલી બધાયને એક જ લાકડીએ હાંકવા માગે છે. નરેન્દ્રભાઇના 19,20 અને 21 મી ના ત્રણ દિવસના ધમાકેદાર કાર્યક્રમોને જોતાં ગુજરાતનો ભાજપીજન ખુશખુશાલ છે. એમને તો બધ્ધું મુમકીન જ લાગવા બેઠું છે. નરેન્દ્રભાઇએ ગઇ 18 મી એપ્રિલે વિદ્યા સમીક્ષા કેન્દ્રનું ઉદઘાટન કર્યું. 19 મી એ બનાસકાંઠામાં ડેરીના નવા સંકુલ અને બટાકા પ્રોસેસિંગ પ્લાન્ટનું લોકાર્પણકર્યું. જામનગરમાં WHO ના ગ્લોબલ સેન્ટર ફોર ટ્રેડિશનલ મેડિસીનનું ભૂમિપૂજન કર્યું.
20 મી એ આદિવાસી વિસ્તાર દાહોદમાં રોજગારી, માળખાકીય સુવિધા, સ્કિલ ડેવલપમેન્ટ, વીજળી-સિંચાઇ સહિતની પાયાની સુવિધાઓ, લોકોમોટિવ એન્જિનના કારખાનાનું આધુનિકીકરણ સહિત 22000 કરોડનાં વિકાસકામોનું લોકાર્પણ કર્યું. ગાંધીનગરમાં ગ્લોબલ આયુષ ઇન્વેસ્ટમેન્ટ એન્ડ ઇનોવેશન સમિટનું ઉદ્ઘાટન કર્યું. નરેન્દ્રભાઇએ આમ શિક્ષણ, યુવાનો, આરોગ્ય, આયુર્વેદપ્રચાર, આદિવાસી કલ્યાણ વગેરે જેવાં કોર સેક્ટર્સ પર ગુજરાતની આગામી ચૂંટણીના સંદર્ભે બરાબર ફોકસ કર્યું. ત્રણ દિવસના એમના રોકાણ દરમિયાન ભાજપના અન્ડર કરન્ટ્સને પણ એમણે પારખ્યા હશે ને તેના જરૂરી ઇલાજ પણ એમણે એમની સ્ટાઇલથી કર્યા જ હશે.
જો કે એના વિષે તો ચૂંટણીના નગારે ઘા પડશે પછી જ કંઇક ખબર પડશે, પરંતુ ભાજપ માટે તો નરેન્દ્રભાઇએ ચૂંટણીનું રણશિંગુ અત્યંત આયોજનબદ્ધ રીતે ફૂંકી દીધું છે. કોંગ્રેસ પાર્ટી પ્રશાન્ત કિશોરની તાજપોશીની રાહ જોઇને બેઠેલી છે. કોંગ્રેસમાં રાહુલ ગાંધીનું વર્ચસ્વ રહે એ માટે પણ પ્રશાન્ત કિશોરને લાવવામાં આવી રહ્યાની ગણતરી મંડાયેલી છે. નવી દિલ્હીમાં પ્રશાન્ત કિશોરનું કંઇક ગોઠવાય તો ગુજરાતમાં કોંગ્રેસનાં આયોજનો આગળ ધપે. નરેશભાઇનો પ્રવેશ સંભવિત બને. હાર્દિક પટેલ ભાજપમાં જતાં અટકે. શંકરસિંહ બાપુ પણ પાછા ટનાટન મોડમાં આવી જાય. પરંતુ આમાં સવાલ એ છે કે કાગળ પરની યોજનાઓને વાસ્તવિકતાની ધરતી પર ઉતારવાની કોંગ્રેસની ક્ષમતા છે ખરી।
દેશનાં મોટાં ગણાતાં ઉત્તર પ્રદેશ, આંધ્ર, બિહાર, પશ્ચિમ બંગાળ, તામિલનાડુ જેવાં રાજ્યોમાં કોંગ્રેસ આજે મુખ્ય વિપક્ષ પણ રહેલો નથી. પંજાબમાં તો હમણાં ભારે હાર એણે ખમવી પડી છે. બાકી રાજસ્થાન અને છત્તીસગઢમાં જ એની ફુલ ફ્લેજ્ડ રાજ્ય સરકારો છે. મહારાષ્ટ્ર અને ઝારખંડમાં એ સરકારના જુનિયર ભાગીદારનો દરજ્જો ધરાવે છે. આ સંજોગોમાં પ્રશાન્તભાઇ જેટલા વહેલા કોંગ્રેસપ્રવેશ કરે એના પર ગુજરાત કોંગ્રેસની ચૂંટણીરચનાનો મદાર જણાય છે.
– આ લેખમાં પ્રગટ થયેલાં વિચારો લેખકનાં પોતાના છે.