Latest News

( પ્રતિનિધિ )વડોદરા,તા.12

વિશ્વવિખ્યાત વડોદરાની મહારાજા સયાજીરાવ યુનિવર્સિટીમાં શિસ્તની કહેવાતી પાર્ટીની વિદ્યાર્થી પાંખ અખિલ ભારતીય વિદ્યાર્થી પરિષદ દ્વારા તારીખ 7 થી 9 એપ્રિલ દરમિયાન આયોજિત એક કલ્ચરલ કાર્યક્રમમાં વિદ્યાર્થિનીના વિવાદાસ્પદ ડાન્સે યુનિવર્સિટીની પ્રતિષ્ઠા પર સવાલો ઉઠાવ્યા હતા.

વડોદરાની વિશ્વ વિખ્યાત મહારાજા સયાજીરાવ યુનિવર્સિટીમાં યોજાયેલા સંસ્કાર સંગમ કલ્ચરલ કાર્યક્રમ દરમિયાન વિદ્યાર્થીઓનો ડાન્સનો વીડિયો સોશિયલ મીડિયામાં વાયરલ થતા વિવાદ ઉભો થયો છે. સંસ્કારી નગરી તરીકે ઓળખાતા શહેરમાં આ ઘટનાએ યુનિવર્સિટીની પ્રતિષ્ઠા પર સવાલ ઉભા કર્યા છે. મળતી માહિતી મુજબ આર્ટ્સ ફેકલ્ટીમાં એબીવીપી દ્વારા સંસ્કાર સંગમ કલ્ચરલ કાર્યક્રમ યોજાયો હતો. જેમાં સંસ્કૃતિને લજાવે તેવા એક હિન્દી ફિલ્મના ગીત પર વિદ્યાર્થિનીએ જાહેર મંચ ઉપર ડાન્સ કર્યો હતો. અત્રે નોંધનીય છે કે, વિવાદનો પર્યાય બનેલી એમ.એસ. યુનિવર્સિટીમાં છાસવારે નવા નવા વિવાદો સામે આવતા હોય છે. ત્યારે, હવે અખિલ ભારતીય પરિષદ દ્વારા આયોજિત આ કલ્ચરલ કાર્યક્રમમાં વિદ્યાર્થીઓ સંસ્કૃતિનું ભાન ભૂલી ગયા હતા. ત્યારે વિદ્યાર્થીની દ્વારા અશ્લિલ હરકતો કરતો ડાન્સનો આ વિડીયો સોશિયલ મીડિયામાં ભારે વાયરલ થયો હતો.