બિહાર: બિહારમાં (Bihar) દારૂ (Alcohol) પર પ્રતિબંધ છે પરંતુ તેમ છતાં તે લોકોના મોતનું (Death) કારણ બની રહી છે. સીતામઢીમાં (Sitamarhi) 5 લોકોના શંકાસ્પદ સંજોગોમાં મોત થયા હોવાના અહેવાલ છે. જો કે ઝેરી દારૂ પીવાથી આ મોત થયા હોવાની આશંકા છે. પરંતુ મૃતકના પરિવારજનો આ અંગે કંઈ પણ કહેવા માંગતા નથી. માહિતી મળી છે કે પાંચ મૃતકોમાંથી બે મૃતદેહોના સ્વજનોએ અંતિમ સંસ્કાર પણ કરી દીધા છે. પરંતુ આ કેસમાં પોલીસે માત્ર એક જ વ્યક્તિના મોતની પુષ્ટિ કરી છે.
આ મામલે પુપરી ડીએસપી વિનોદ કુમારે દારૂ પીવાના કારણે એક વ્યક્તિના મોતની પુષ્ટિ કરી છે, જ્યારે એક વ્યક્તિની હાલત અત્યંત ગંભીર હોવાનું જણાવ્યું છે. ડીએસપીએ જણાવ્યું કે અવધેશ રાય નામના વ્યક્તિનું મોત થયું છે. જો કે સ્થાનિક લોકોના જણાવ્યા અનુસાર 5 લોકોના મોત થયા છે. સીતામઢીના એસપી મનોજ તિવારીએ કહ્યું કે આ મામલાને લઈને એફઆઈઆર નોંધવામાં આવી છે. પોલીસના આગમન પહેલા જ પરિવારજનો દ્વારા બે મૃતદેહોના અંતિમ સંસ્કાર કરવામાં આવ્યા હતા. જ્યારે એકનું પોસ્ટમોર્ટમ કરવામાં આવી રહ્યું છે. તેણે કહ્યું કે દારૂ પીવાનો મામલો સામે આવી રહ્યો છે. જેના કારણે ચોકીદાર અને સંબંધિત પોલીસ અધિકારીને સસ્પેન્ડ કરવામાં આવ્યા છે.
છઠના તહેવાર નિમિત્તે ઝેરી દારૂના કારણે મોત થતા સમગ્ર ગામમાં શોકનો માહોલ સર્જાયો છે. હાલ પોલીસ સમગ્ર મામલાની તપાસ કરી રહી છે. ઝેરી દારૂ પીવાથી 5 લોકોના મોત થયા છે. સીતામઢીના એસપી મનોજ તિવારીએ જણાવ્યું કે એક મૃતકનું મોત દારૂ પીવાના કારણે થયું હોવાનું જાણવા મળે છે. મૃતકના મૃતદેહનું પોસ્ટમોર્ટમ કરવામાં આવી રહ્યું છે. પોસ્ટમોર્ટમ રિપોર્ટ આવ્યા બાદ ઘટનાનું ચોક્કસ કારણ જાણી શકાશે. સુત્રો પાસેથી મળેલી માહિતી અનુસાર, મહુઈમાં સાંજે બધાએ સાથે બેસીને દારૂ પીધો હતો, ત્યારબાદ બધાની તબિયત બગડવા લાગી અને એક પછી એક 5 લોકોના મોત થયા.
મળતી માહિતી મુજબ બાબુ નરહર, નરહા કાલા ગામ અને બાજપટ્ટી પોલીસ સ્ટેશન વિસ્તારના સોલમણી ટોલના રહેવાસી પાંચ લોકોના શંકાસ્પદ મોત થયા છે. જેમાં સોલમણી ટોલાના વિક્રમ અને રામ બાબુ, નરહા ગામના રોશન કુમાર અને સંતોષ મહતો, નરહા કલાના મહેશ યાદવ અને અવધેશ યાદવનો સમાવેશ થાય છે. આ ઘટનાને પગલે સમગ્ર ગામમાં શોકનો માહોલ છે. પરિવારના સભ્યોમાં ખળભળાટ મચી ગયો છે. જો કે મૃતકના પરિવારજનો તરફથી કોઈ નિવેદન આવ્યું નથી. હાલ પોલીસ સમગ્ર મામલાની તપાસમાં વ્યસ્ત છે.
