રાજ્યમાં કોરોનાના કેસમાં સતત ઘટાડો નોંધાઈ રહ્યો છે. બુધવારે નવા 3,085 કેસ નોંધાયા હતા. રાજ્યમાં કુલ મૃત્ય 36 થયા છે. જ્યારે અત્યાર સુધીમાં કુલ મૃત્યુ આંક 9701 થયો છે. બીજી તરફ બુધવારે 10,007 દર્દીઓ સાજા થયા છે. આમ રાજ્યમાં અત્યાર સુધીમાં કુલ 7,32,748 દર્દીઓ સાજા થયા છે.
બુધવારે અમદાવાદ મનપામાં 6, સુરત મનપામાં 2, સુરત ગ્રામ્યમાં 5, વડોદરા મનપામાં 3, વડોદરા ગ્રામ્યમાં 2, જૂનાગઢમાં 1 જામનગર મનપામાં 2, ભાવનગર મનપામાં 1, મહેસાણામાં 2 સહિત કુલ 36 દર્દીઓએ જીવ ગુમાવ્યાં છે.
રાજ્યમાં છેલ્લા 24 કલાક દરમિયાન અમદાવાદ મનપામાં 362, સુરત મનપામાં 227, વડોદરા મનપામાં 362, રાજકોટ મનપામાં 120, ભાવનગર મનપામાં 64, ગાંધીનગર મનપામાં 38, જામનગર મનપામાં 55 અને જૂનાગઢ મનપામાં 113 કેસ નોંધાયા છે. જ્યારે સુરત ગ્રામ્યમાં 172, જામનગર ગ્રામ્યમાં 36, વલસાડમાં 49, મહેસાણામાં 71, વડોદરા ગ્રામ્યમાં 164, બનાસકાંઠામાં 69, અમરેલીમાં 76, આણંદમાં 64 નવા કેસ નોંધાયા છે. રાજ્યમાં હાલમાં એક્ટિવ કેસોની સંખ્યામાં 55,548 છે, વેન્ટિલેટર ઉપર 594 અને 54,954 દર્દીઓ સ્ટેબલ છે.
વધુ 2,19,913 વ્યક્તિઓને રસી આપવામાં આવી
આજે 18 થી 45 વર્ષ સુધીના 1,12,381 વ્યક્તિઓને પ્રથમ ડોઝ, 45 વર્ષથી વધુ ઉંમરના 80,218 વ્યક્તિને પ્રથમ ડોઝ જ્યારે 45 વર્ષથી વધુ ઉંમરના 17,011 વ્યક્તિને બીજો ડોઝ, 4014હેલ્થ કેર વર્કસ અને ફંટ લાઈન વર્કસને પ્રથમ ડોઝ , 6289ને બીજો ડોઝ આપવા સાથે આખે દિવસમાં 2,18,913 વ્યક્તિઓને રસી અપાતા અત્યાર સુધીમાં કુલ 1,60,50,096 વ્યક્તિઓનું રસીકરણ કરવામાં આવ્યું છે.
