સુરત: સુરતની સ્કૂલના બે બાળ વૈજ્ઞાનિકો હવે દેશભરમાં ચમકશે. શહેરની સર જેજે ઈંગ્લિશ સ્કૂલના વિદ્યાર્થીઓ મહારાષ્ટ્રના પૂણે ખાતે યોજાનારી પ્રદર્શનીમાં પ્રોજેક્ટ રજૂ કરશે.
સુરત NCERT દ્વારા આયોજિત 50 માં રાષ્ટ્રીય બાળ વૈજ્ઞાનિક પ્રદર્શન (RBVP)- 2023માં સર જે.જે ઇંગ્લિશ સ્કૂલ શાહપોરના ભૌતિકશાસ્ત્રના શિક્ષિકા રૂપા જયચંદ્રન કુટ્ટીના માર્ગદર્શનથી તૈયાર કરાવવામાં આવેલી કૃતિ -“Maths- Decoding the Mystery of Nature” નું મોડેલ શાળાના વિદ્યાર્થીઓ મોહમ્મદ અબરાર અને શેખ અબરાર દ્વારા પ્રદર્શિત કરાશે.
ગુજરાતમાંથી પસંદ કરાયેલા કુલ 12 પ્રોજેક્ટમાંથી આ મોડેલ પેટા વિભાગ “અમારા માટે ગણિત” હેઠળ આવે છે. આ મોડેલ પૃથ્વીના પરિપ્રેક્ષ્યથી ગ્રહોની ગતિને કારણે બનેલી ભ્રમણ કક્ષાની પેટર્ન અને તેમના સમયગાળા વચ્ચેનો ગાણિતિક સંબંધ સ્થાપિત કરે છે. આ રાષ્ટ્રીય સ્થળનું પ્રતિષ્ઠિત પ્રદર્શન પુણે, મહારાષ્ટ્ર ખાતે 26 થી 31 ડિસેમ્બર દરમિયાન યોજાશે.
GCERT ગાંધીનગર દ્વારા દર વર્ષે યોજાતા વિજ્ઞાન પ્રદર્શનમાં ભાગ લેવા માટે શરૂઆતમાં આ પ્રોજેક્ટ બનાવવામાં આવેલ હતો. રાજ્ય સ્થળે પહોંચવા માટે આ મોડેલ ચાર જેટલા એલિમિનેશન રાઉન્ડ પાર કરવામાં આવ્યા હતા, જે સુરેન્દ્રનગર ખાતે ફેબ્રુઆરી 2023માં આયોજિત કરવામાં આવ્યું હતું.
GCERT દ્વારા રાજ્ય કક્ષાએથી રાષ્ટ્રીય સ્થળે 19 નામાંકન મોકલવામાં આવ્યા હતો, અને ચકાસણી પછી, NCERT એ સર જે.જે ઇંગ્લિશ સ્કૂલના મોડલ સહિત 50 મા RBVP (રાષ્ટ્રીય વિજ્ઞાન પ્રદર્શન)માં ભાગ લેવા માટે 12 મોડલ પસંદ કર્યા છે.
શાળાની ગૌરવ રૂપ આ સિદ્ધિ બદલ શાળાના આચાર્ય ડૉ. હિમાંશુ એસ. પારેખ, સુરત પારસી પંચાયતના પ્રમુખ ડૉ. હોમી દૂધવાલા અને અન્ય ટ્રસ્ટીશ્રીઓ તથા સમગ્ર શાળા પરિવાર વિજેતાઓને અભિનંદન અને શુભેચ્છા પાઠવેલ છે.
