ડ્રાઈવિંગ લાયસન્સ, રજિસ્ટ્રેશન સર્ટિફિકેટ (RC), ફિટનેસ સર્ટિફિકેટ (Fitness Certificate) સહિત અન્ય મોટર વ્હિકલ ડોક્યૂમેન્ટ્સની વેલિડિટી સરકારે એકવાર ફરીથી વધારી છે. કોરોના ( corona) મહામારીની બીજી લહેરને ( second wave) ધ્યાનમાં રાખીને આ તમામ ડોક્યૂમેન્ટ્સ હવે 30 સપ્ટેમ્બર સુધી માન્ય રહેશે. પહેલા આ તમામ ડોક્યૂમેન્ટ્સની માન્યતા 30 જૂનના રોજ ખતમ થઈ રહી હતી. સરકારના આ પગલાથી કરોડો લોકોને રાહત મળશે.
ડ્રાઇવિંગ લાઇસન્સ, આરસી 30 સપ્ટેમ્બર સુધી માન્ય રહેશે
માર્ગ અને પરિવહન મંત્રાલય દ્વારા જારી કરાયેલા હુકમ મુજબ, આ દસ્તાવેજો કે જે 1 ફેબ્રુઆરી, 2020 ના રોજ મર્યાદા સમાપ્ત થતી હતી જે હવે 30 સપ્ટેમ્બર, 2021 ના રોજ સુધી માન્ય રહેશે. લોકડાઉન ( lockdown) પ્રતિબંધોને કારણે નવીકરણ થઈ શકતા નથી, તે હવે 30 સપ્ટેમ્બર સુધી માન્ય છે. આ અંગે મંત્રાલય દ્વારા તમામ સંબંધિત વિભાગોને આદેશ આપવામાં આવ્યો છે.
તેમને કહેવામાં આવ્યું છે કે આને કારણે નાગરિકોને પરિવહન સંબંધિત સેવાઓમાં કોઈ મુશ્કેલીનો સામનો કરવો જોઇએ નહીં. તમામ રાજ્યો અને કેન્દ્રશાસિત પ્રદેશોને તાત્કાલિક અસરથી તેનો અમલ કરવા કહેવામાં આવ્યું છે જેથી આ મુશ્કેલ સમયમાં કાર્યરત ટ્રાન્સપોર્ટરો અને અન્ય સંસ્થાઓને કોઈ પણ પ્રકારની પજવણી અથવા મુશ્કેલીનો સામનો ન કરવો પડે.
યુપીના કેટલાક શહેરોમાં નવા લાયસન્સ બનવાના શરૂ થયા
હાલ યુપી સહિત કેટલાક રાજ્યોમાં ડ્રાઈવિંગ લાયસન્સ બનવાનું કામ શરૂ થયું છે. પરંતુ હજુ ફક્ત નવા લાયસન્સ બની રહ્યા છે. લાયસન્સ રિન્યૂઅલ, લર્નિંગ લાયસન્સને લઈને હજુ પણ લાંબી રાહ જોવી પડે તેમ છે. 30 જૂનના રોજ એક્સપાયર થઈ ચૂકેલા મોટર વ્હિકલ ડોક્યૂમેન્ટ્સની વેલિડિટી ખતમ થવાની હતી એટલે લોકોના મનમાં આશંકા હતી કે આગળ તેઓ પોતાની ગાડીઓના દસ્તાવેજ કેવી રીતે મેળવશે. સરકારનો આ નિર્ણય કરોડો લોકો માટે રાહતભર્યો છે.
