નવી દિલ્હી: એશિયા કપ 2022 (Asia Cup 2022) 27 ઓગસ્ટથી UAEમાં શરૂ થવા જઈ રહ્યો છે. આ મોટી ટૂર્નામેન્ટ માટે ટીમ ઈન્ડિયા (IndianCricketTeam) પણ દુબઈ (Dubai) પહોંચી ગઈ છે. ટીમ ઈન્ડિયા પોતાની પ્રથમ મેચ 28 ઓગસ્ટે પાકિસ્તાન સામે રમશે. આ મેચ પહેલા ટીમ ઈન્ડિયાના કેમ્પમાંથી એક મોટા સમાચાર સામે આવી રહ્યા છે. એશિયા કપ 2022 માટે ટીમ ઈન્ડિયામાં એક ઘાતક ઝડપી બોલરની એન્ટ્રી કરવામાં આવી છે. આ બોલર IPL 2022માં રાજસ્થાન રોયલ્સનો ભાગ હતો.
- ટીમમાં ફાસ્ટ બોલર કુલદીપ સેનની એન્ટ્રી
- કુલદીપ સેન નેટ બોલર તરીકે ટીમ સાથે જોડાયો
ટીમ ઈન્ડિયા અને પાકિસ્તાન વચ્ચેની આ મેચ દુબઈ ઈન્ટરનેશનલ ક્રિકેટ સ્ટેડિયમમાં રમાવાની છે. આ મેચ પહેલા રાજસ્થાન રોયલ્સ (RR)ના ફાસ્ટ બોલર કુલદીપ સેન ટીમ ઈન્ડિયામાં નેટ બોલર તરીકે જોડાયો છે. 25 વર્ષીય જમણા હાથના ફાસ્ટ બોલર કુલદીપ સેનનો જન્મ મધ્ય પ્રદેશના રીવા જિલ્લાના હરિહરપુરમાં થયો હતો અને તેણે તે જ રાજ્ય માટે ફર્સ્ટ ક્લાસ અને T20 ક્રિકેટ રમી છે. એશિયા કપ 2022 ટૂર્નામેન્ટ 27 ઓગસ્ટથી 11 સપ્ટેમ્બર સુધી રમાશે.
પિતા સલૂનની દુકાન ચલાવે છે
કુલદીપ સેનના પિતા રામપાલ સેનની સિરમૌરમાં સલૂનની દુકાન છે. તેમના ઘરની દેખરેખ પરિવાર દ્વારા કરવામાં આવે છે. કુલદીપ સેનને IPL 2022 ની મેગા ઓક્શનમાં રાજસ્થાન રોયલ્સ (RR) દ્વારા તેની મૂળ કિંમત 20 લાખ રૂપિયામાં ખરીદ્યો હતો. તે જ સમયે, કુલદીપે વર્ષ 2018 માં રણજી ટ્રોફી મેચ દ્વારા ફર્સ્ટ ક્લાસ ડેબ્યૂ કર્યું હતું. બીસીસીઆઈના એક વરિષ્ઠ અધિકારીએ જણાવ્યું કે, “દીપક ચહરની ઈજા અંગેના સમાચાર તદ્દન બકવાસ છે. તે હજુ પણ દુબઈમાં ટીમ સાથે છે. તે એકદમ ઠીક છે. કુલદીપ સેન નેટ બોલર તરીકે જોડાયેલા છે. તે એક તેજસ્વી પ્રતિભા છે, પરંતુ સંપૂર્ણ સમય વિકલ્પ તરીકે નહીં.
બીસીસીઆઈએ માહિતી મંગાવી છે
કુલદીપ સેનને BCCI અધિકારીઓએ 22 ઓગસ્ટે ફોન દ્વારા જાણ કરી હતી કે તેને ભારતીય ટીમના બેકઅપ ખેલાડી તરીકે પસંદ કરવામાં આવ્યો છે. ફોન કરીને પાસપોર્ટ વગેરેની માંગણી કરી હતી. આ પછી કુલદીપ સેન 23 ઓગસ્ટના રોજ મુંબઈ પહોંચ્યો હતો. રાત સુધીમાં તે BCCI કેમ્પ ઓફિસ પહોંચી ગયો અને ટીમ સાથે જોડાયો છે. IPLની ઘણી મેચોમાં કુલદીપે 149 kmphની ઝડપે બોલિંગ કરી છે, જેના કારણે તેને નેટ બોલર તરીકે પસંદ કરવામાં આવ્યો છે.
એશિયા કપ 2022 માટે ભારતીય ટીમ
રોહિત શર્મા (કેપ્ટન), કેએલ રાહુલ (વાઈસ-કેપ્ટન), વિરાટ કોહલી, સૂર્યકુમાર યાદવ, દીપક હુડા, ઋષભ પંત (વિકેટમેન), દિનેશ કાર્તિક (વિકેટમેન), હાર્દિક પંડ્યા, રવિન્દ્ર જાડેજા, રવિચંદ્રન અશ્વિન, યુઝવેન્દ્ર ચહલ, રવિ બિશ્નોઈ, ભુવનેશ્વર કુમાર અર્શદીપ સિંહ, અવેશ ખાન.
