કર્ણાટક: કર્ણાટક(Karnataka)માંથી એક અનોખો કિસ્સો સામે આવ્યો છે. જ્યારે ઘરમાં કોઈ પ્રાણી કે પક્ષીને પાળવામાં આવે તો પછી તે પરિવારનો એક ભાગ બની જાય છે. અબોલ પ્રેમની આવી જ એક ઘટના સામે આવી છે. જ્યારે પરિવારે પોતાના એક સભ્ય સમાન પક્ષીને ગુમાવ્યું તો જાણે તેમના પર દુખનો પહાડ તૂટી પડ્યો હતો. જો કે ગુમ(missing) થયેલો પાલતુ પોપટ(Parrot) મળી આવતા યુવકને લોટરી લાગી ગઈ હતી. વાસ્તવમાં પોપટના માલિકે તેને શોધી આપનારને ઈનામની જાહેરાત કરી હતી. પરંતુ પોપટ મળ્યા બાદ તેણે ઈનામ વધારીને બધાને ચોંકાવી દીધા. તમને જણાવી દઈએ કે આ એક આફ્રિકન(African) ગ્રે(Gray) પોપટ(Parrot) છે જેનું નામ ‘રુસ્તમ’ છે. માલિક આ પોપટના એટલા પ્રેમમાં છે કે તેણે તેને શોધવામાં કોઈ કસર છોડી નથી.
50 હજારનાં બદલે 85 હજારનું ઇનામ મળ્યું
આ પહેલા પોપટના માલિકે તેને શોધી આપનારને 50,000 રૂપિયાનું ઈનામ આપવાની જાહેરાત કરી હતી, જે એક અઠવાડિયા પછી મળી આવ્યો હતો. તુમાકુરુના બાંદેપાલ્યાના રહેવાસી શ્રીનિવાસે આ દુર્લભ પોપટને જોયો અને તેને સુરક્ષિત રાખ્યો હતો. આ પછી શ્રીનિવાસને પડોશીઓ દ્વારા પક્ષીની શોધ અને ઈનામની જાણ થઈ હતી. શ્રીનિવાસે પછી માલિકોને બોલાવ્યા અને પોપટને પરત કર્યો હતો. અર્જુને જણાવ્યું હતું કે, શ્રીનિવાસને પોપટ ખૂબ જ ખરાબ હાલતમાં મળ્યો હતો. તે ભૂખ્યો હતો અને ડરી ગયો હતો. તેણે તેને બચાવ્યો અને તેને સારી રીતે ખવડાવ્યો હતો. પોપટ મળ્યા પછી, પરિવારના સભ્યો એટલા ખુશ થયા કે તેઓએ શોધનારને અગાઉ જાહેર કરેલા 50,000 રૂપિયાને બદલે 85,000 રૂપિયાનું ઈનામ આપ્યું હતું.
પોપટને શોધવા માલિકે શહેરમાં લગાવ્યા પોસ્ટર
પોપટ ખોવાઈ જતા માલિકે શહેરમાં પોસ્ટર લગાવ્યા હતા. પોસ્ટર લગાવવામાં આવ્યું છે કે પોપટને શોધો અને ઈનામ મેળવો. 50 હજાર રૂપિયાનું ઈનામ. આ પોપટ આફ્રિકન જાતિનો છે. જેનું નામ રૂસ્તમ છે. આ પોપટ 16મી તારીખથી ગુમ છે. અમને આ પોપટ સાથે ખૂબ લગાવ અને લગાવ છે, જો તમારામાંથી કોઈએ તેને જોયો હોય તો અમને જણાવો. જો કે પોપટ મળી આવતા માલિકે 50 હજારનાં બદલે 85 હજારનું ઇનામ આપ્યું હતું.
પોપટને શોધવા માટે બીજા પોપટની મદદ લીધી
અગાઉ માલિકે 30 હજારનો ખર્ચ કરીને રહેણાંક વિસ્તારોમાં પોપટ શોધવાનું શરૂ કર્યું હતું. ‘રુસ્તમ’ તેના સાથી પક્ષીનો અવાજ સાંભળીને જવાબ આપશે તેવું વિચારીને માલિકોએ અન્ય પક્ષી સાથે તેની શોધ શરૂ કરી હતી. પશુ કાર્યકર્તા અને પોપટના માલિક રવિના જણાવ્યા અનુસાર, તેમના પરિવારે જયનગર વિસ્તારમાં તેમના ઘરે બે આફ્રિકન ગ્રે પોપટ પાળ્યા છે. તેમનો એક પોપટ ‘રુસ્તમ’ 16 જુલાઈના રોજ તુમાકુરુ જિલ્લામાં જતા સમયે ગુમ થયો હતો. પરિવાર દર વર્ષે બંને પોપટનો જન્મદિવસ ધામધૂમથી ઉજવે છે.
