દેશભરમાં રાજકીય તોફાન, EC બોલ્યું ‘માત્ર ભૂલ’
ભારતના Election Commission of Indiaને લઈને એક મોટો વિવાદ સામે આવ્યો છે. સોશિયલ મીડિયા પર વાયરલ થયેલા એક પત્રમાં ચૂંટણી પંચના બદલે Bharatiya Janata Party (BJP)ના કેરળ યુનિટની સીલ જોવા મળતા રાજકીય ગરમાવો વધ્યો છે. આ મુદ્દો પ્રથમ વખત Communist Party of India (Marxist) (CPI-M) દ્વારા ઉઠાવવામાં આવ્યો હતો. પાર્ટીએ સોશિયલ મીડિયા પ્લેટફોર્મ X પર એક એફિડેવિટ સાથેનો પત્ર શેર કર્યો, જે 19 માર્ચ 2019નો હોવાનું જણાવાયું છે. આ પત્ર દેશભરના રાજકીય પક્ષોને મોકલવામાં આવ્યો હતો, પરંતુ તેમાં ચૂંટણી પંચની સત્તાવાર સીલના બદલે BJPની સીલ જોવા મળી હતી.
આ મામલે Indian National Congressએ પણ કડક પ્રતિક્રિયા આપી હતી અને ચૂંટણી પ્રક્રિયાની નિષ્પક્ષતા પર સવાલ ઉઠાવ્યા હતા. જોકે, ચૂંટણી પંચે આ વિવાદને “ક્લેરિકલ ભૂલ” ગણાવીને સ્પષ્ટતા આપી છે. કેરળના મુખ્ય ચૂંટણી કાર્યાલય અધિકારીના જણાવ્ય મુજબ , આ એક માનવીય ભૂલ હતી અને તેને તરત જ સુધારી દેવામાં આવી છે.
સ્પષ્ટીકરણમાં જણાવાયું કે BJPના કેરળ યુનિટે 2019ના માર્ગદર્શિકા અંગે સ્પષ્ટતા માંગતા એક નકલ સબમિટ કરી હતી, જેમાં તેમની સીલ પહેલેથી જ હતી. આ નકલને ધ્યાનમાં લીધા વગર ભૂલથી અન્ય રાજકીય પક્ષોને મોકલી દેવામાં આવી હતી. ચૂંટણી પંચે વધુમાં જણાવ્યું કે આ ભૂલ સામે આવ્યા બાદ તરત જ કાર્યવાહી કરવામાં આવી હતી. 21 માર્ચે ડેપ્યુટી ચીફ ઇલેક્ટોરલ ઓફિસરે આ પત્ર પાછો ખેંચવાની સત્તાવાર જાહેરાત કરી હતી અને તમામ રાજકીય પક્ષો તથા અધિકારીઓને જાણ કરવામાં આવી હતી.
CPI(M)એ આ મુદ્દે કટાક્ષ કરતાં કહ્યું કે “શું હવે તમામ ઢોંગ બંધ થઈ ગયા છે?” અને BJP તથા ચૂંટણી પંચ વચ્ચે સંબંધ હોવાના સંકેત આપ્યા. ચૂંટણી પંચે લોકો અને મીડિયા પાસે અફવાઓ ન ફેલાવવા અપીલ કરી છે અને જણાવ્યું કે ચૂંટણી પ્રક્રિયા સંપૂર્ણપણે પારદર્શક અને નિષ્પક્ષ રહે તે માટે સખત વ્યવસ્થા અમલમાં છે.
