ભારતના વિમાનનું અપહરણ કરીને આતંકવાદીઓએ જે ને છોડાવ્યો હતો તે મસૂદ અઝહર છેલ્લા પંદર વર્ષથી સારી જિંદગી પણ જીવી શકતો નથી. જે રીતે વિદેશની ધરતી પર ભારતના એક પછી એક દુશ્મન ખતમ થઇ રહ્યાં છે તેનાથી તે એટલી હદે ફફડી ગયો છે કે, તેણે જાહેરમાં બહાર નીકળવાનું પણ બંધ કરી દીધું છે. હાથે કરેલા હૈયે વાગે તેવી હાલમાં તેની સ્થિતિ છે તેમ કહીએ તો પણ ખોટું નથી. આતંકવાદી સંગઠન જૈશ-એ-મોહમ્મદનો ચીફ અને ભારતના મોસ્ટ વોન્ટેડ આતંકી મસૂદ અઝહરને હાર્ટ એટેક આવ્યો છે. મીડિયા રિપોર્ટ્સ અનુસાર મસૂદ અઝહર અફઘાનિસ્તાનના ખોસ્ત પ્રાંતમાં આતંકીઓને ટ્રેનિંગ આપી રહ્યો હતો. અહીં જ તેને હાર્ટ એટેક આવ્યો હતો. હાલ તેને સારી સારવાર માટે પાકિસ્તાન લાવવામાં આવ્યો છે.
મસૂદ અઝહરની કરાચીની મિલિટરી હોસ્પિટલમાં સારવાર ચાલી રહી છે. જો કે તેની હાલત અંગે કોઈ માહિતી મળી નથી. ઈસ્લામાબાદથી કાર્ડિયોલોજિસ્ટ પણ સારવાર માટે આવી રહ્યા છે. અહેવાલો અનુસાર, તેને ટૂંક સમયમાં રાવલપિંડી મોકલવામાં આવી શકે છે. મને શરમ આવે છે કે મોદી જેવો નબળો માણસ આપણને પડકારે છે કે નેતન્યાહુ જેવો ‘ઉંદર’ આપણી કબર પર નાચે છે… મને કહો, મારી બાબરી પાછી મેળવવા માટે લડી શકે એવા 300 લોકો પણ નથી? સંસદ હુમલા સિવાય અઝહર પઠાણકોટ-પુલવામા હુમલાનો માસ્ટરમાઈન્ડ પણ છે.
સંસદ હુમલા સિવાય મસૂદ 2016માં પઠાણકોટ હુમલાનો માસ્ટરમાઇન્ડ પણ છે. આ કેસમાં દિલ્હી પોલીસની ચાર્જશીટ મુજબ, મસૂદે ભારત પર હુમલા માટે જૈશ-એ-મોહમ્મદના કેડરનો ઉપયોગ કર્યો હતો. તેણે 2005માં અયોધ્યામાં રામજન્મભૂમિ અને 2019માં પુલવામામાં CRPF જવાનો પર પણ હુમલો કર્યો હતો. આ સિવાય મસૂદ 2016માં ઉરી હુમલા અને અફઘાનિસ્તાનના મઝાર-એ-શરીફમાં ભારતીય વાણિજ્ય દૂતાવાસ પર થયેલા હુમલા માટે પણ જવાબદાર છે.
મસૂદ અઝહર 29 જાન્યુઆરી, 1994ના રોજ બાંગ્લાદેશથી વિમાનમાં બેસીને ઢાકાથી દિલ્હી પહોંચ્યો હતો. 1994માં અઝહર નકલી ઓળખનો ઉપયોગ કરીને શ્રીનગરમાં પ્રવેશ્યો હતો. દરમિયાન આતંકવાદી ગતિવિધિઓમાં સામેલ થવા બદલ ભારતે તેની અનંતનાગથી ધરપકડ કરી હતી. ત્યારે અઝહરે કહ્યું હતું- કાશ્મીરને આઝાદ કરવા 12 દેશોમાંથી ઈસ્લામના સૈનિકો આવ્યા છે. અમે તમારી કાર્બાઈન્સનો જવાબ રોકેટ લોન્ચર વડે આપીશું. ચાર વર્ષ બાદ જુલાઈ 1995માં જમ્મુ-કાશ્મીરમાં 6 વિદેશી પ્રવાસીઓનું અપહરણ કરવામાં આવ્યું હતું.
અપહરણકર્તાઓએ પ્રવાસીના બદલામાં સમૂદ અઝહરને મુક્ત કરવાની માગ કરી હતી. દરમિયાન, ઓગસ્ટમાં, બે પ્રવાસીઓ અપહરણકારોની કેદમાંથી ભાગવામાં સફળ થયા હતા. જોકે, બાકીના વિશે કોઈ માહિતી મળી શકી નથી. ભારત સરકારે 1999માં પ્લેન હાઇજેક બાદ અઝહરને મુક્ત કર્યો હતો. 24 ડિસેમ્બર, 1999ના રોજ, કાઠમંડુથી દિલ્હી આવી રહેલા ભારતીય વિમાનને અઝહરના ભાઈ અને અન્ય આતંકવાદીઓએ હાઈજેક કર્યું હતું. તે તેને અફઘાનિસ્તાનના કંદહાર લઈ ગયો, જ્યાં તે સમયે તાલિબાનનું શાસન હતું. પ્લેનમાં પકડાયેલા લોકોના બદલામાં મસૂદ અઝહર સહિત ત્રણ આતંકીઓને મુક્ત કરવાની માગ કરવામાં આવી હતી.
આતંકવાદીઓની માંગણીઓ પૂરી થઈ અને મસૂદને મુક્ત કરવામાં આવ્યો. આ પછી તે પાકિસ્તાન ભાગી ગયો હતો. ચીનની સરકારે મસૂદને ઘણી વખત UNSCમાં વૈશ્વિક આતંકવાદી જાહેર થતા બચાવ્યો છે. 2009માં પહેલીવાર અઝહરને વૈશ્વિક આતંકવાદીની યાદીમાં સામેલ કરવાનો પ્રસ્તાવ આવ્યો હતો. ત્યારપછી સતત ચાર વખત ચીને પુરાવાના અભાવે દરખાસ્ત પસાર થવા દીધી ન હતી. ઓક્ટોબર 2016માં, ચીને ફરીથી ભારતના ઠરાવની વિરુદ્ધ જઈને અઝહરને UNSCમાં બચાવ્યો. આ પછી, 2017માં, અમેરિકાએ અઝહરને આતંકવાદી જાહેર કરવાની UNSCમાં માગ ઉઠાવી, પરંતુ ચીને ફરીથી દખલ કરી. આખરે મે મહિનામાં ચીને તેનો અવરોધ દૂર કર્યો અને મસૂદને UNSCમાં વૈશ્વિક આતંકવાદી જાહેર કર્યો હતો.
