કહ્યું – “એટલી સુંદર મહિલા તરફ કોણ આકર્ષિત નહીં થાય!”
બોલીવુડના જાણીતા અભિનેતા અને રાજકારણી રાજ બબ્બરની પર્સનલ લાઇફ વર્ષોથી ચર્ચામાં રહી છે. હવે તેમના પુત્ર અને અભિનેતા આર્ય બબ્બરએ પિતા અને દિગ્ગજ અભિનેત્રી રેખા વચ્ચેના સંબંધોની ચર્ચા પર ખુલ્લેઆમ પ્રતિક્રિયા આપતા ફરી એકવાર જૂના અફવાઓને જીવંત કરી દીધા છે.
તાજેતરમાં એક ઇન્ટરવ્યૂ દરમિયાન આર્ય બબ્બરને રાજ બબ્બર અને રેખા વચ્ચેના કથિત સંબંધોને લઈને સવાલ પૂછવામાં આવ્યો હતો. જેના જવાબમાં તેમણે ખૂબ જ હળવા અંદાજમાં કહ્યું કે, “જો તમે પૂછો છો કે પપ્પા રેખાજી તરફ આકર્ષિત હતા કે નહીં, તો એટલી સુંદર મહિલા તરફ કોણ આકર્ષિત નહીં થાય? હું પણ થઈ જાઉં!”
આર્ય બબ્બરે આગળ કહ્યું કે કોઈપણ વ્યક્તિ માટે સુંદરતા અને આકર્ષણ માનવીય સ્વભાવ છે અને તેમાં ખોટું કંઈ નથી. તેમણે લોકોને જૂની વાતોને પકડીને બેસી ન રહેવાની સલાહ આપતા કહ્યું કે જીવનમાં આગળ વધવું જરૂરી છે. ઇન્ટરવ્યૂ દરમિયાન આર્ય બબ્બરે પરિવારની જૂની પરિસ્થિતિઓ અંગે પણ વાત કરી હતી. તેમણે સ્વીકાર્યું કે બાળપણમાં પિતાના સંબંધોને લઈને ઘણી ચર્ચાઓ સાંભળવી સરળ નહોતું, પરંતુ હવે પરિવાર એ બધામાંથી બહાર આવી ગયો છે. તેમણે કહ્યું કે “કયો બાળક ઈચ્છશે કે તેના પિતાના અફેર વિશે ચર્ચા થાય? પરંતુ જીવન આગળ વધી ગયું છે અને હવે બધું ઠીક છે.”
ઉલ્લેખનીય છે કે રાજ બબ્બરનું નામ પહેલા અભિનેત્રી સ્મિતા પાટીલ સાથે ચર્ચામાં રહ્યું હતું. રાજ બબ્બર તે સમયે પહેલેથી જ નાદિરા બબ્બર સાથે લગ્નિત હતા, છતાં સ્મિતા પાટીલ સાથેના સંબંધોને કારણે તેઓ લાંબા સમય સુધી ચર્ચામાં રહ્યા હતા. સ્મિતા પાટીલના નિધન બાદ રાજ બબ્બર ફરી પોતાના પરિવાર પાસે પરત ફર્યા હતા.
આર્ય બબ્બરના નિવેદન બાદ સોશિયલ મીડિયા પર ફરી એકવાર રાજ બબ્બર અને રેખાના જૂના સંબંધોની ચર્ચાઓ તેજ બની ગઈ છે. જોકે આર્યએ ક્યાંય સીધો સંબંધ હોવાનો સ્વીકાર કર્યો નથી, પરંતુ તેમની ટિપ્પણીને લઈને બોલીવુડ ગોસિપ ગલીઓમાં નવી ચર્ચાઓ શરૂ થઈ ગઈ છે.
