બ્રિટનમાં હાલ એવી એક ઘટના બની છે કે જેમાં પોલીસે ઘણી સૂઝબૂઝથી મહિલાને બચાવી છે. એક મહિલાએ ઈમરજન્સી નંબર પર મદદ માટે પોલીસને ફોન કર્યો. પરંતુ મદદ માંગવાને બદલે તેણે પિઝા ઓર્ડર કરવાનું કહ્યુ, જો કે આના કારણે ઇમરજન્સી કોલ હેન્ડલ કરી રહેલા ઓપરેટરને મહિલા પર ગુસ્સો આવ્યો નહીં, તેના બદલે તેણે તે જાણવાનો પ્રયત્ન કર્યો કે મહિલા ખરેખર કોઈ મુશ્કેલીમાં તો નથી. અને ખરેખર એવું જ હતું, મહિલા મુશ્કેલીમાં હતી. બ્રિટનની નોર્થ યોર્કશાયર પોલીસે આ ઘટનાને ટ્વિટર પર શેર કરી છે.
ઘટના એવી છે કે એક મહિલાએ મંગળવારે નોર્થ યોર્કશાયર પોલીસના ઈમરજન્સી નંબર પર કોલ કર્યો હતો.જ્યારે ઓપરેટરે તેને સમસ્યા પૂછી તો મહિલાએ કહ્યું કે તેને પિઝા જોઈએ છે. જો કે આ સાંભળ્યા બાદ પણ ઓપરેટરે ફોન કટ ન કર્યો હતો. તેમજ મહિલા સાથે વાત કરવાનું ચાલુ રાખ્યું હતું. થોડા સમય પછી તેણે કહ્યું કે તેણે તેના પ્રશ્નનો જવાબ હા કે નામાં જ આપવો જોઈએ. ઓપરેટરે પૂછ્યું કે શું તે મુશ્કેલીમાં છે. જવાબમાં મહિલાએ કહ્યું- હા. આ સાંભળીને તેણે તાત્કાલિક ઈમરજન્સી સર્વિસને એલર્ટ કરી દીધું. ઓપરેટર સાથે વાત કરતી વખતે પોલીસે મહિલાનું ઓનલાઈન લોકેશન શોધી કાઢ્યું અને ત્યાં એક ટીમ મોકલી. વાસ્તવમાં મહિલા બસમાં હતી અને તેને તેના સહ-પ્રવાસીથી જોખમ હતું.
મહિલાના લોકેશન પર પહોંચ્યા બાદ પોલીસે તેના સહ-પ્રવાસીની ધરપકડ કરી હતી. જો કે પૂછપરછ બાદ તેને છોડી મુકવામાં આવ્યો હતો. આ સાથે મહિલાને સુરક્ષિત રીતે તેના ઘરે લાવવામાં આવી હતી. આ ઘટનાને શેર કરતા પોલીસે ટ્વિટર પર લખ્યું- ‘પિઝા ઓર્ડર કરવાનો કોલ મદદ માટે વિનંતી પણ હોઈ શકે છે.’
પોલીસ બચાવ માટે આવી પણ પોલીસના જ વાહનને ઘેરી લીધું, પથ્થરમારો કર્યો
મંદસૌર: મંદસૌરના ગરોથમાં સમધિના અપહરણનો મામલો સામે આવ્યો છે. અપહરણ કેસમાં પોલીસે 3 નામના આરોપીઓ વિરુદ્ધ FIR નોંધી છે. આ ઉપરાંત પોલીસ પર હુમલો કરવા, વાહનોમાં તોડફોડ કરવા અને સરકારી કામમાં અડચણ ઉભી કરવા બદલ 20 અજાણ્યા લોકોને પણ આરોપી બનાવવામાં આવ્યા છે. ગરોથના એએસપી મહેન્દ્ર તરણેકરે જણાવ્યું કે ગામ પંચાયત દેથલી મોટીની રહેવાસી ગીતાબાઈના લગ્ન 2018માં મનસા, નીમચના રહેવાસી શૈતાન કછવા સાથે થયા હતા. શૈતાન મંદસૌરના પીપલિયા મંડી પોલીસ સ્ટેશનમાં કોન્સ્ટેબલ તરીકે તૈનાત છે. પતિ-પત્ની વચ્ચેના ઝઘડા બાદ ગીતા તેના મામાના ઘરે જતી રહી અને રહેવા લાગી. સમાજમાં પંચાયત દ્વારા ન્યાય આપવાની પરંપરા છે. આ બાબતે બંને પરિવારો વચ્ચે દુશ્મનાવટ હતી.
