Latest News

નંદેસરી વિસ્તારમાં રઢીયા ગામ નજીક દારૂના કટીંગ દરમિયાન જ સ્ટીલ મોનિટરિંગ સેલે રેડ કરી, દારૂના મોટા નેટવર્કનો પર્દાફાસ થવાની શક્યતા

વડોદરા તા.29
વડોદરા શહેરના નંદેસરી વિસ્તારમાં નજીક ચાલી રહેલા દારૂના કટીંગ પર સ્ટેટ મોનિટરિંગ સેલ દ્વારા દરોડો પાડવામાં આવ્યો હતો. જેમાં સ્થળ ઉપરથી લીસ્ટેડ બુટલેગર મનોજ પાપડ સાથે લાખોનો દારૂનો જથ્થો ઝડપી પાડવામાં આવ્યો છે.
નંદેસરી પોલીસ સ્ટેશન વિસ્તારમાં આવતા રઢીયા ગામ નજીક વિપુલ માત્રામાં દારૂનો જથ્થો મંગાવી કટીંગ કરવામાં આવી રહ્યું હતું. તેવી બાતમી સ્ટેટ મોનિટરિંગ સેલ ને મળી હતી. જેના આધારે એસએમસીની ટીમ તાત્કાલિક સ્થળ પર પહોંચી કાર્યવાહી હાથ ધરી હતી. દરોડા દરમિયાન સ્થળ પરથી લિસ્ટેડ બુટલેગર મનોજ ઉર્ફે પાપડને ઝડપાઈ ગયો હોવાનું જાણવા મળી રહ્યું છે.
એસએમસીએ પાંચથી વધુ વાહનો સહિતનો મુદ્દા માલ જપ્ત કર્યો છે. મનોજ પાપડ લીસ્ટેડ બુટલેગર છે અને તેની સામે શહેરના વિવિધ પોલીસ સ્ટેશનોમાં પ્રોહિબીશન સંબંધિત અનેક ગુનાઓ નોંધાયેલા છે. આરોપીની પૂછપરછ કરાઇ તો મોટા બુટલેગરોનું નેટવર્ક નો પર્દાફાસ થાય તેમ છે.