Latest News

કવાટ બાજુથી નંબર પ્લેટ વગરની કારમાં દારૂ ભરી આવતા ચાલકને સંખેડા પોલીસે ઝડપ્યો, આશિષ જોષી વોન્ટેડ, કાર અને દારૂ મળી રૂપિયા પાંચ લાખનો મુદ્દામાલ કબજે

મતદારોને રીઝવવા માટે કોંગ્રેસના ઉમેદવારે દારૂનો જથ્થો મંગાવ્યો

વડોદરા, તા. 25 એપ્રિલ

સ્થાનિક સ્વરાજની ચૂંટણીને માત્ર એક દિવસ બાકી રહ્યો છે, ત્યારે ઉમેદવારો પોતાના મતદારોને રીઝવવા માટે સામ-દામ દંડ ભેદની નીતિ અપનાવી રહ્યા છે. જ્યારે કેટલાક ઉમેદવારો પોતાના મતદારો માટે ચૂંટણી દરમિયાન દારૂની રેલમછેલ કરવા માટે અન્ય જગ્યા પરથી દારૂની પેટીઓની પેટીઓ ઉતારી રહ્યા છે. સંખેડા પોલીસે બહાદુર બહાદરપુર પાસેથી વડોદરા કોંગ્રેસના ઉમેદવાર આશિષ જોષી એ મંગાવેલા રૂ. 3.96 લાખના વિદેશી દારૂના જથ્થા સાથે કારચાલક ને ઝડપી પાડ્યો છે. જ્યારે આશિષ જોશીને વોન્ટેડ જાહેર કરતા રાજકારણમાં ભારે ગરમાવો આવી ગયો છે.
સંખેડા પોલીસ વિસ્તારમાં પેટ્રોલિંગ દરમિયાન બાતમીના આધારે પોલીસે મોટી કાર્યવાહી કરી નંબર પ્લેટ વગરની ઈકો કારમાંથી લાખો રૂપિયાનો વિદેશી દારૂનો જથ્થો ઝડપી પાડ્યો હતો. પોલીસે એક આરોપીની ધરપકડ કરી વધુ તપાસ હાથ ધરી છે.
સંખેડા પોલીસ સ્ટેશનની ટીમના પોલીસ કોન્સ્ટેબલ રાહુલસિંહ ઘનશ્યામસિંહ તથા એ.એસ.આઈ. રાયસંગભાઈ જેસંગભાઈ પેટ્રોલિંગમાં હતા. તે દરમિયાન મોબાઈલ નાઈટ રાઉન્ડમાં રહેલા અધિકારી પાસેથી બાતમી મળી હતી કે એક નંબર વગરની ઈકો કારમાં વિદેશી દારૂનો જથ્થો લઈ બહાદરપુર તરફથી ડભોઈ તરફ જવામાં આવી રહ્યો છે.
બાતમીના આધારે પોલીસે બહાદરપુર ગામ પાસે ઓરસંગ નદીના ડાયવર્જન નજીક વોચ ગોઠવી હતી. દરમિયાન શંકાસ્પદ ઈકો કાર આવતી નજરે પડતા પોલીસે તેને રોકવાનો ઈશારો કર્યો હતો. પરંતુ કાર ચાલકે વાહન સાઈડમાં ઉતારી દીધું હતું, જે રેતીમાં ફસાઈ જતા પોલીસે તેને પકડી પાડ્યો હતો.
પકડાયેલા આરોપીએ પોતાનું નામ પ્રમોદ પંચનારાયણ પાન્ડેય (ઉંમર 24, રહે. ડભોઈ) હોવાનું જણાવ્યું હતું. તપાસ દરમિયાન ઈકો કારમાંથી રૂ. 3.96 લાખનો વિદેશી દારૂનો જથ્થો મળી આવ્યો હતો. સંખેડા પોલીસે આરોપી પાસેથી દારૂ અને નંબર પ્લેટ વગરની ઈકો કાર રૂ. 1 લાખ અને મોબાઈલ રૂ. 5 હજાર મળી રૂ. 5.01 લિખનો મુદ્દામાલ જપ્ત કરવામાં આવ્યો છે.
આરોપીની દારૂનો જથ્થો કોની પાસેથી લાવ્યો હતો અને કોણે મંગાવ્યો હતો? તે બાબતે પૂછપરછ કરતા તેણે જણાવ્યું હતું કે વડોદરાના કોંગ્રેસના ઉમેદવાર આશિષ જોષી નામના વ્યક્તિના સંપર્કથી પાઠ તરફથી દારૂ લાવવામાં આવ્યો હતો અને તેને પહોંચાડવાનો હતો. જેથી પોલીસે દારૂ મંગાવનાર આશિષ જોષીને વોન્ટેડ જાહેર કરી તેને ઝડપી પાડવા તજવીજ હાથ ધરી છે.