Latest News

વડોદરા તારીખ 28

વડોદરાના તરસાલી વિસ્તારમાં ફરી સક્રિય થયેલી રીક્ષામાં સવાર ટોળકીએ 82 વર્ષીય વૃદ્ધાને નિશાન બનાવ્યા હતા. રિક્ષામાં બેસાડવાના બહાને વૃદ્ધાને વાતોમાં વ્યસ્ત કરી ગઠિયાઓએ સોનાની 2 તોલાની ચેન હાથ ચાલાકીથી સરકાવી લીધી હતી.ત્યારબાદ તેમને સાઈબાબાના મંદિર પાસે ઉતારી ટોળકી ફરાર થઈ ગઈ હતી. રિક્ષામાંથી ઉતર્યા બાદ વૃદ્ધાને પોતાની ચેન ગળામાં ન જોવા મળતા ગઠિયાઓએ તફડાવી લીધી હોવાની પોલીસને ફરિયાદ નોંધાવવાની તજવીજ હાથ ધરી છે.
વડોદરા શહેરમાં ફરી રિક્ષામાં સવાર થઈ વૃદ્ધ મહિલાઓને નિશાન બનાવી તેમના ગળામાંથી સોનાની ચેન સરકાવી લેતી ટોળકી સક્રિય થઈ છે. આ ટોળકી રિક્ષામાં બેસાડવાના બહાને મહિલાઓ તથા વૃદ્ધાને વાતોમાં વાતોમાં વ્યસ્ત કરીને ચાલાકીથી નાની ચેન કે મંગળસૂત્ર તફડાવી લેતી હોય છે. એવો જ બનાવ તરસાલી રોડ વિસ્તારમાં બનવા પામ્યો છે. 82 વર્ષીય વૃદ્ધા આજે સવારે 10 વાગ્યાના અરસામાં રીક્ષાની રાહ જોઈને ઉભા હતા. તે દરમિયાન એક રીક્ષા તેમની પાસે આવી હતી. રીક્ષામા અગાઉથી જ બે પુરુષ અને એક મહિલા બેઠેલા હતા. વૃદ્ધાના બેસાડ્યા બાદ ગઠિયાઓએ તેમને વાતોએ ચઢાવ્યા હતા. દરમિયાન એક ગઠિયાએ વૃદ્ધાના ગળામાંથી સોનાની બે તોલાની ચેન સરકાવી લીધી હતી. ત્યારબાદ સાઈબાબાના મંદિર પાસે વૃદ્ધાના ઉતારી દીધી હતી. જેવા તેઓ રિક્ષામાંથી ઉતર્યા કે તુરંત જ ચાલકે રીક્ષા દોડાવી મૂકી હતી. ત્યારબાદ થોડું ચાલીને આગળ. જતા તેમને ગળામાં હાથ ફેરવતા સોનાની ચેન જોવા મળી ન હતી. જેથી વૃદ્ધા ગભરાઈ ગયા હતા અને પોલીસ ફરિયાદ નોંધાવવાની તજવીજ હાથ ધરી છે.