જો તમે સ્કૂટર ચલાવતી વખતે રાજા જેવો અનુભવ કરવા માંગો છો, તો BMW Motorrad Indiaનું આ સ્કૂટર તમારી ઈચ્છા પૂરી કરશે. એટલું જ નહીં, આ સ્કૂટરની રસપ્રદ વાત એ છે કે તે હેલ્મેટ પહેર્યા વિના સ્ટાર્ટ થશે નહીં. આપણે બધા સ્કૂટરમાં આપવામાં આવેલ અંડર-સીટ સ્ટોરેજનો ઉપયોગ અલગ-અલગ હેતુઓ માટે કરીએ છીએ. પરંતુ તેનો વાસ્તવિક હેતુ હેલ્મેટ રાખવા માટે જગ્યા આપવાનો છે. આ ઉદ્દેશ્ય બીએમડબલ્યુના સ્કૂટરમાં પૂરો થઈ રહ્યો છે.
- BMW C400 GTનું રોયલ એનફિલ્ડ બાઇક જેવુ પાવરફુલ એન્જિન
- સ્કૂટરમાં ફ્લેક્સકેસ નામની અવનવી સુવિધા
- હેલ્મેટ પહેર્યા વિના સ્ટાર્ટ પણ નહીં થશે
આ સ્કૂટર BMW C400 GT છે, આ સ્કૂટરમાં 350cc વોટર કૂલ્ડ સિંગલ સિલિન્ડર 4-સ્ટ્રોક એન્જિન છે. એટલે કે રોયલ એનફિલ્ડ બાઇકના એન્જિન જેટલું પાવરફુલ. તે 34bhpનો મહત્તમ પાવર અને 35Nmનો પીક ટોર્ક જનરેટ કરે છે. તેની મહત્તમ સ્પીડ 139 kmph છે. સ્કૂટરની શક્તિ વિશે વાત કરીએ તો સ્કૂટરમાં સ્ટોરેજ માટે એટલે કે સામાન રાખવા માટે ઘણી જગ્યા છે. હેન્ડલની નીચે બંને બાજુએ ડેશબોર્ડ સ્ટોરેજ છે. તેમાંથી એકમાં યુએસબી મોબાઈલ ચાર્જરનું કનેક્શન આપવામાં આવ્યું છે.
ખરેખર BMW C400GTમાં સીટની નીચે ડોલચી જેવું ટ્રંક બનેલું છે, જેને કંપનીએ ફ્લેક્સકેસ નામ આપ્યું છે. આ ડોલચી હેલ્મેટ માટે સંપૂર્ણ જગ્યા આપે છે. આવી સ્થિતિમાં, જ્યારે તમે સ્કૂટર પાર્ક કરો છો અને તેમાં હેલ્મેટ નાંખો છો, ત્યારે ફ્લેક્સકેસ ખુલે છે અને જ્યાં સુધી આ ફ્લેક્સ કેસ ખુલ્લું રહે છે ત્યાં સુધી આ સ્કૂટરનું એન્જિન બિલકુલ ચાલુ થતું નથી.
BMW બ્રાન્ડ નામ લક્ઝરી સેગમેન્ટ માટે જાણીતું છે. આવી સ્થિતિમાં, BMW C400 GTની કિંમત પણ લક્ઝરી સેગમેન્ટની છે અને તે મધ્યમ કદની SUV જેવી છે. ભારતમાં તેની કિંમત 10.40 લાખ રૂપિયાથી શરૂ થાય છે. આ સ્કૂટર 3 વર્ષની અમર્યાદિત કિલોમીટર વોરંટી સાથે આવે છે. આ સાથે, તમે એક્સ્ટેન્ડ વોરંટીનો વિકલ્પ પણ જોઈ શકો છો. BMW C400 GT સ્કૂટર ભારતમાં સંપૂર્ણ બિલ્ટ-અપ યુનિટ (CBU) તરીકે આયાત કરવામાં આવ્યું છે. જો કે તે 3 રંગોમાં આવે છે, પરંતુ ભારતમાં તેને બે રંગો આલ્પાઇન વ્હાઇટ અને સ્ટાઇલ ટ્રિપલ બ્લેક કલરમાં લોન્ચ કરવામાં આવી છે.
