નવી દિલ્હી: આમ આદમી પાર્ટીના નેતા રાઘવ ચઢ્ઢા અને બોલિવૂડ અભિનેત્રી પરિણીતી ચોપડા વચ્ચેના સંબંધોની ગુંજ સંસદ ભવનમાં પણ પડી રહી છે. રાઘવ અને પરિણીતી ગુરુવારે રેસ્ટોરન્ટની બહાર જોવા મળ્યા હતા. ત્યારથી બંને હેડલાઇન્સમાં છવાયેલા છે. સંસદમાં સ્પીકરે સોશિયલ મીડિયા પર રાઘવ ચઢ્ઢાની લોકપ્રિયતા પર ટિપ્પણી પણ કરી હતી.
શુક્રવારે રાજ્યસભામાં અધ્યક્ષ જગદીપ ધનખરે સ્મિત સાથે રાઘવ ચઢ્ઢાના નામનો ઉલ્લેખ કર્યો હતો. અધ્યક્ષે કહ્યું કે આજે સોશિયલ મીડિયામાં તેમના વિશે ખૂબ ચર્ચા થઈ રહી છે. ઉપલા ગૃહમાં અધ્યક્ષનો આ પ્રતિભાવ એવા સમયે આવ્યો જ્યારે તેઓ ગૃહને નિયમ 267 હેઠળ નોટિસ આપનારા સભ્યોના નામ અને તેમની નોટિસના વિષય વિશે માહિતી આપી રહ્યા હતા.
અધ્યક્ષે શું કહ્યું?
રાજ્યસભાના અધ્યક્ષે રાઘવ ચઢ્ઢાની વાતને કાપી નાખી અને કહ્યું- તમને સોશિયલ મીડિયા પર ઘણી સ્પેસ મળી રહી છે. આજનો દિવસ કદાચ તમારા માટે મૌનનો દિવસ છે. અધ્યક્ષના આ શબ્દો સાંભળીને ગૃહમાં હાજર તમામ નેતાઓ હસવા લાગ્યા હતા. આ પહેલા શુક્રવારે જ્યારે મીડિયાએ રાઘવ ચઢ્ઢાને એક્ટ્રેસ પરિણિતી ચોપડા સાથે સંબંધિત સવાલ પૂછ્યો તો તેમણે બેફામ જવાબ આપ્યો હતો. AAP નેતાએ કહ્યું- મને રાજનીતિના પ્રશ્નો પૂછો, પરિણીતિના સવાલો નહીં. છતાં પણ રાઘવ ચઢ્ઢા માટે મીડિયાના સવાલોનો અંત આવ્યો ન હતો.
રાઘવ ચઢ્ઢાએ શું કહ્યું?
AAP નેતાને પૂછવામાં આવ્યું કે જો લોકો પરિણીતી વિશે તમને સવાલ પૂછશે તો તમારો શું જવાબ હશે. ત્યારે તેમણે હસીને કહ્યું – તેમને જવાબ આપીશ. ત્યાર બાદ મીડિયાએ તેમના મંદ હાસ્ય પર સવાલ કર્યો તો તેમણે આભાર કહીને વાત પૂરી કરી હતી. બોલિવુડ અભિનેત્રી પરિણીતી ચોપરાએ આ મીટિંગ પર હજુ સુધી કોઈ પ્રતિક્રિયા આપી નથી.
શું છે સમગ્ર મામલો?
સાંસદ રાઘવ ચઢ્ઢા અને પરિણીતી ચોપરા ગઈ કાલે રાત્રે મુંબઈની એક રેસ્ટોરન્ટની બહાર સાથે જોવા મળ્યા હતા. હાલમાં જ બંનેની મુલાકાતની તસવીરો સોશિયલ મીડિયા પર વાયરલ થઈ રહી છે. યુઝર્સ તેમની ડેટિંગ વિશે અનુમાન લગાવી રહ્યા છે. સોશિયલ મીડિયા પર લોકો કોમેન્ટ કરી રહ્યા છે તેમજ લોકો પ્રશ્ન પૂછી રહ્યા છે કે શું રાઘવ ચઢ્ઢા અને પરિણીતી ચોપરા ડેટિંગ કરી રહ્યા છે? આ સવાલનો જવાબ હજુ સુધી લોકોને મળ્યો નથી. હવે જોવાનું રહેશે કે અભિનેત્રી આ સમગ્ર મામલે કેવી પ્રતિક્રિયા આપે છે.
રાઘવ-પરિણીતીએ બ્રિટનમાં અભ્યાસ કર્યો છે
જો કે, આ બીજી વખત હતું જ્યારે બંને એકસાથે જોવા મળ્યા હતા. આ પહેલા રાઘવ અને પરિણીતી ડિનર પર જોવા મળ્યા હતા. બંને મેચિંગ આઉટફિટમાં હતા. ત્યારે ઘણા યુઝર્સે એવો દાવો કર્યો હતો કે પરિણીતી તેની રાજકીય ઇનિંગની તો શરૂઆત નથી કરવા જઈ રહીને! પરંતુ બહુ ઓછા લોકો જાણે છે કે રાઘવ અને પરિણીતી બંનેએ બ્રિટનમાં સાથે અભ્યાસ કર્યો છે. બંને અભ્યાસમાં સારા હતા. ઘણા માને છે કે બંને પહેલેથી જ એકબીજાના સંપર્કમાં હોઈ શકે છે. વર્ક ફ્રન્ટ પર પરિણીતીની છેલ્લી રિલીઝ ફિલ્મ ઊંચાઈ હતી. તેની આગામી ફિલ્મ કેપ્સ્યુલ ગિલ અને ચમકીલા છે. અને જો અંગત જીવનની વાત કરીએ તો અભિનેત્રીનું નામ ડિરેક્ટર મનીષ શર્મા, આસિસ્ટન્ટ ડિરેક્ટર ચરિત દેસાઈ સાથે જોડાયું હતું. જોકે, આ સમાચારોમાં કેટલું સત્ય છે, પરિણીતીએ ક્યારેય તેની પુષ્ટિ કરી નથી.
