Latest News

વડાપ્રધાન નરેન્દ્રભાઈ મોદીના પ્રેરક કાર્યક્રમ મન કી બાતનું મહત્ત્વ માત્ર શહેરો કે ઘરો સુધી સીમિત નથી, પરંતુ દેશના ખૂણે ખૂણે પહોંચી રહ્યું છે, જેનો તાજો દાખલો એક રાષ્ટ્રીય પદયાત્રા દરમિયાન જોવા મળ્યો. તાજેતરમાં ચાલી રહેલી રાષ્ટ્રીય એકતા પદયાત્રાના માર્ગ પર  રમત ગમત વિભાગના કેન્દ્રીય  મંત્રી શ્રી મનસુખભાઈ માંડવિયા એ પદયાત્રીઓ અને સ્થાનિક કાર્યકરો સાથે વડાપ્રધાનનો આ લોકપ્રિય કાર્યક્રમ સાંભળ્યો હતો. 

આ પદયાત્રાના એક પડાવ દરમિયાન, પદયાત્રીઓ અને મંત્રીએ એકસાથે ચાલતા ચાલતા રેડિયો પર વડાપ્રધાન નરેન્દ્ર મોદીના વિચારો અને સંદેશાઓને ધ્યાનથી સાંભળ્યા હતા. કેન્દ્રીય મંત્રી નવલખી મેદાનથી, દાંડિયાબજાર, રાજમહેલ રોડ થઈને માંજલપુર પહોંચી હતી દરમિયાન સવારે 11 કલાકે મન કી બાત શરુ થઇ હતી. 5 કિમિ સુધી ચાલ્યા બાદ પણ તેઓના ચહેરા ઉપર થકાન  જોવા મળતી ન હતી અને તે જ જુસ્સા સાથે તેઓ આગળ વધી રહયા હતા ત્યારે કેન્દ્રીય મંત્રીએ તમામ વાજિંત્રો અને ડીજે બંધ કરાવી મન કી બાત સાંભળી હતી. તેઓએ અન્ય પદયાત્રીઓને પણ મન કી બાત સંભળાવી હતી. સામાન્ય રીતે રાજકીય નેતાઓ અને કાર્યકરો પ્રચાર કે જાહેર સભાઓમાં વ્યસ્ત રહેતા હોય છે, ત્યારે આ રીતે સામૂહિક રીતે મન કી બાત સાંભળવાની ઘટના સામાજિક સંવાદ અને જનતા સાથેના જોડાણને વધુ ગાઢ બનાવે છે.  માંડવિયાએ પદયાત્રાની વ્યસ્તતા વચ્ચે પણ ‘મન કી બાત’ સાંભળવા માટે સમય ફાળવીને, વડાપ્રધાનના જનસેવા અને વિકાસના સંદેશા પ્રત્યેની પોતાની પ્રતિબદ્ધતા દર્શાવી હતી. વડાપ્રધાન આ કાર્યક્રમ દ્વારા વિવિધ સામાજિક, આર્થિક અને રાષ્ટ્રીય મુદ્દાઓ પર વાત કરે છે, અને આ સંદેશો જ્યારે પદયાત્રીઓ જેવા જમીની સ્તરના કાર્યકરો સુધી પહોંચે છે, ત્યારે તે વધુ અસરકારક બની રહે છે.કેન્દ્રીય મંત્રી દ્વારા પદયાત્રામાં  ‘મન કી બાત’ સાંભળવામાં આવતા, ત્યાં ઉપસ્થિત અન્ય પદયાત્રીઓ અને કાર્યકરોમાં પણ એક વિશેષ ઉત્સાહ અને એકતાની ભાવના જોવા મળી હતી. આ પગલું માત્ર એક રાજકીય પ્રવૃત્તિ નહોતી, પરંતુ એક સાંસ્કૃતિક અને સામાજિક સંવાદનું ઉદાહરણ હતું. પદયાત્રાનો મુખ્ય ઉદ્દેશ્ય જનતા સાથે સીધો સંપર્ક સાધવાનો અને રાષ્ટ્રીય ભાવનાને મજબૂત કરવાનો હોય છે, અને ‘મન કી બાત’ જેવો કાર્યક્રમ આ ઉદ્દેશ્યને વધુ પ્રબળ બનાવે છે. આ ઘટનાએ સંદેશ આપ્યો છે કે પ્રધાનમંત્રીનો સંવાદ ફક્ત રેડિયો સુધી સીમિત નથી, પરંતુ તે જનસંપર્ક અને જાગૃતિ અભિયાનોનો પણ એક અભિન્ન અંગ બની ગયો છે.