નવી દિલ્હી: ફ્લાઇટમાં (Flight) મુસાફરો સાથે ગેરવર્તણૂકના કિસ્સા દિવસે દિવસે વધી રહ્યા છે. વિશ્વના ઘણા દેશોની ફ્લાઈટ્સમા મુસાફરો સાથે થઈ રહેલા ગેરવર્તણૂક કિસ્સાઓ છેલ્લા એક સપ્તાહથી સતત સામે આવ્યા છે. હાલમાં જ એર ઈન્ડિયાની ન્યુયોર્ક (New York) -દિલ્હી (Delhi) ફ્લાઈટમાં એક વૃદ્ધ મહિલા મુસાફરની સીટ પર પેશાબ કરવાનો મામલો સામે આવ્યો હતો. ત્યાર બાદ એક ફ્લાઇટમાં બે મુસાફરો નશાની હાલમાં સ્ટાફ સાથે ગેરવર્તન કરવાનો મામલો પણ સામે આવ્યો હતો. ત્યારે હવે ફ્લાઇટમાં શર્ટ કાઢી એક મુસાફર સાથે મારામારીનો (Fight) કિસ્સો સામે આવી રહ્યો છે.
બાંગ્લાદેશની (Bangladesh) ફ્લાઈટમાં બે મુસાફરો વચ્ચે ઝઘડા બાદ મારામારીનો વીડિયો સોશિયલ મીડિયા વાયરલ થઈ રહ્યો છે. મળતી માહિતી મુજબ, ફ્લાઈટ દરમિયાન જ બે મુસાફરો વચ્ચે ઝપાઝપી થઈ હતી. મુસાફરો વચ્ચે ઝપાઝપીની આ ઘટના બાંગ્લાદેશની બિમાન બાંગ્લાદેશ ફ્લાઇટ દ્વારા સંચાલિત ફ્લાઇટની અંદર બની હતી. જેનો વીડિયો વાયરલ થઈ રહ્યો છે.
બાંગ્લાદેશ ફ્લાઇટમાં મુસાફરો વચ્ચે મારામારી
મળતી માહિતી મુજબ, બાંગ્લાદેશની ફ્લાઈટમાં બે મુસાફરો એકબીજા સાથે ઝપાઝપી થઈ હતી. સોશિયલ મીડિયામાં વાયરલ વીડિયોમાં બંને ઝપાઝપી કરતા જોઈ શકાય છે. ટ્વિટર યુઝર બિટાન્કો બિસ્વાસ દ્વારા શેર કરવામાં આવેલા વીડિયો અનુસાર, આ ઘટના બાંગ્લાદેશની રાષ્ટ્રીય કેરિયર બિમાન બાંગ્લાદેશ દ્વારા સંચાલિત ફ્લાઇટની અંદર બની હતી.
શર્ટ કાઢી મુસાફરે અન્ય મુસાફરનો કોલર પકડ્યો
વાયરલ વીડિયોમાં શર્ટલેસ પેસેન્જર પ્લેનની આગળની હરોળમાં બેઠેલા અન્ય પેસેન્જર સાથે ઉગ્ર બોલાચાલી કરતો જોવા મળે છે. શર્ટલેસ પેસેન્જર પણ રડતો જોવા મળી રહ્યો છે. ત્યાર બાદ દલીલ દરમિયાન તે વ્યક્તિ તેના સહ-મુસાફરનો કોલર પકડી લે છે. પરંતુ જેના તેણે કોલર પકડ્યો છે તેનો ચહેરો વીડિયોમાં દેખાતો નથી. ત્યાર બાદ બેઠેલા અન્ય મુસાફર શર્ટલેસ પેસેન્જર જે ઝપાઝપી કર્યો હતો તેને થપ્પડ મારે છે. થપ્પડ મારતાની સાથે જ યુવક વધુ ઉગ્ર બની જાય છે અને મારામારી કરવા લાગે છે. બાંગ્લાદેશની ફ્લાઇટમાં અન્ય મુસાફરો બંને વચ્ચેનો ઝઘડો શાંત કરવાની કોશિશ કરે છે, તેઓ યુવકેને ઝપાઝપી કરતા રોકે છે અને તેને બીજી બાજું ખેંચીને લઈ જવાનો પ્રયાસ કરે છે. જો કે, ઘટના અંગેની તારીખ અને ફ્લાઈટનો રૂટ હજુ સુધી જાણી શકાયો નથી. ઘણા ટ્વિટર યુઝર્સે આ ઘટના અંગે ચિંતા વ્યક્ત કરી છે, અને વીડિયો જોયા બાદ કોમેન્ટો કરી રહ્યા છે.
