મુંબઇ: ટીઝર (Teaser) અને બે ગીતો રિલીઝ થયા બાદ આખરે શાહરૂખ ખાનની (Shah Rukh Khan) મોસ્ટ અવેટેડ ફિલ્મ ‘ડંકી’ (Dunki)નું દમદાર ટ્રેલર (Trailer) મંગળવારે ડ્રોપ 4 તરીકે રિલીઝ કરવામાં આવ્યું છે. આ ફિલ્મની ચાહકો આતુરતાથી રાહ જોઈ રહ્યા છે. જ્યારે ચાહકોની ઉત્તેજના વધી રહી છે. નિર્માતાઓએ આખરે આજે આ ફિલ્મનો ડ્રોપ 4 રિલીઝ કર્યો છે, જે લાગણી અને નાટકની રોલર કોસ્ટર રાઈડ જેવી છે. ટ્રેલરમાં શાહરૂખ ‘ચાર ઉલ્લુ દે પેઠ્ઠે’ સાથે વર્લ્ડ ટૂર પર નીકળે છે.
શાહરૂખ ખાને તેના ઇન્સ્ટાગ્રામ પર તેની આગામી ફિલ્મનો ડ્રોપ 4 રિલીઝ કરતી વખતે કેપ્શનમાં લખ્યું, “મેં આ સ્ટોરી લલ્ટુથી શરૂ કરી છે! હું જ આનો અંત કરીશ…. ડંકીનું ટ્રેલર તમને રાજુ સરના વિઝનથી શરૂ થયેલી સફર બતાવશે. તે તમને મિત્રતાની ઉન્મત્ત સફર, જીવનની કોમેડી અને કરૂણાંતિકા અને ઘર અને પરિવાર માટે નોસ્ટાલ્જીયા પર લઈ જશે. #DunkiDrop4 – હવે બહાર છે! #Dunki 21 ડિસેમ્બર, 2023 ના રોજ વિશ્વભરના થિયેટરોમાં રિલીઝ થશે.”
ડંકી રાજકુમાર હિરાની અને ગૌરી ખાન દ્વારા જિયો સ્ટુડિયો, રેડ ચિલીઝ એન્ટરટેઈનમેન્ટ અને રાજકુમાર હિરાણી ફિલ્મ્સના પ્રોડક્શન બેનર હેઠળ સંયુક્ત રીતે રિલીઝ કરવામાં આવશે. અભિજાત જોશી, રાજકુમાર હિરાણી અને કનિકા ધિલ્લોન દ્વારા લખાયેલી, આ ફિલ્મ 21 ડિસેમ્બર, 2023ના રોજ વિશ્વભરમાં રિલીઝ થશે.
ભારતમાં પણ ‘ડંકી’ 21મી ડિસેમ્બરે રિલીઝ થશે. અગાઉ, નિર્માતાઓએ આ ફિલ્મને ભારતમાં 22 ડિસેમ્બરે રિલીઝ કરવાની યોજના બનાવી હતી, જેમાં પ્રભાસ અને પ્રશાંત નીલની ‘સલાર: પાર્ટ વન – સીઝફાયર’ સાથે સીધી ટક્કર થવાની હતી. પરંતુ હવે ‘ડંકી’ પ્રભાસની ‘સાલાર’ના એક દિવસ પહેલા રિલીઝ થશે.
